Luk 14:18 - Nobonob Baibel

¹⁸ Hobul mameg nug anam he ukke amelagppa mattiom, amge danab amu ag oh ahilag dabmak anen anen aɗaeg be mattina, ag hobul amu anuqak iitta doona uuppig. Anam amu, danab laa nug amegppa aum. ‘Da amu dad okkai laa daden memi amunu, da ukken anidkkuloitte. Gadon, hobulppa gokkulnu am elele iitta. Amu na okkai nahip amunu amegppa appe doya, nug oo uug aib qeum,’ awa aum.

Luk 14:18 ပူးပေါင်းရင်းမြစ်များ

Jeremaia 6:10

Yawe Nug anam a, da, Jeremaia, da ami. “Da aun amegppa Kayaknu nau aomnanu dabmettak nai appi dookku? Aun nug daug huma dookku. Ag nai dooglagnu uuppig amunu, ag dooglagnu elele iitta. Yawenu nainu amu, ag oolagppa uuaknab dootteb. Ag Yawe nainu gamag ahak nakok laa ii dootteb.

Luk 14:17

Aria ee lanak haen amu do, hobul mameg nug maɗi nid nuhig nug ukka, danab anukka uɗiglagnu deɗ mattom ele amelagppa, ‘Keeke oh am babaitta malak amunu, ag uɗieg!’ akkunu me ukkom.

Luk 14:19

Am laa nug amegppa aum. ‘Da amu makau okkai ebehi ele eblaih tanig ele daden maadmi amunu, da ukken uɗat matte anidkkul. Gadon, da hobulppa gokkulnu am elele iitta, amu na okkai nahip amunu amegppa appe doya, nug oo uug aib qeum,’ awa aum.

Luk 18:24

Amu Jesus Nug danab amu nug ooppa uug doyom antta, Nug aum. “Danab ag enulag kuɗum ele amu, ag Kayaknu ɗo maɗoɗ ooppa noaknu am uug okkai ele.

Luk 8:14

Amu ee aeg wan uud keeke qaun ele beppigppa nena qeppig ele, nai amu inam ippunigtte. Danab amu ag nai dootteb, amge ag gona oiyegeg, wan imuppa uug laala, enub awaknu uɗat, amu ameg qak kobol ele, keeke amu oh ag oolagppa he, Kayak nai iitta ma, meu ii otte.

Jon 1:11

Nug keeke heumppa na dayom, amge danab ag Nug ɗo ii mettan ii aoppig.

Jon 5:40

amunu, aɗinu ag da gumiɗna uɗina, bauklel aoglagnu ii hetteb?

Pilipai 3:4

Amu beɗunu keeke ig ehanigkkunu elele daalo amu, da ib amuppa elele daalom. Beɗunu keeke danab laa ehanidkkunu elele daalo amu, nug ib amuppa elele daalo, amge da ib amuppa elelenab daalom.

2 Timoti 4:4

Amu ag doyak diig genabib dimettana, kaya hamu amunuib daulag human dooglag.

Hibru 12:16

Danab laa nug gappai kobol dim lamidmanu, o laa nug Esau, nug Kayaknu nuhig haknu ele uuak danab, nug nid danab tatamnu itittak ena amunu hamu doya, Jakop nug ee nakoknab, geha iikkunuib metteb, nug itittak ena amu Jakop medakkunu a mette lawowa, itittak mettom ele amu, laa nug Esau bia oimanu ele dabmeig!