Luk 13:32 - Nobonob Baibel

³² Am Jesus Nug amelagppa aum. “Ag gona, hippeg qakkak danab amu amegppa inam appeg dookku. ‘Doye, da gemu, butti ele ouɗi nau lamattette, oɗe danab ele heppi ena daappeg, deɗ ewamppa da geha uɗat dahil malakkulnu gogppa tekkul.’

Luk 13:32 ပူးပေါင်းရင်းမြစ်များ

Solomonnu Ahi 2:15

Muɗi grep dadppa grep haɗag mappatadtteb haenppa amu, doɗ foks nakkud ag heeg, haɗag mappatppig nauhtteb amunu, meu ii otteb. Amubia keeke naunau ag heppeg, nug oo mauhak ihinih iitta memanu, na keeke nakok amu dahilppa daattetai, o nahip-ppa daattetai, na dabmenan heppe, iitta maɗ!”

Esekiel 13:4

Ag Israel danab ah, ag ahilag propet am doɗ jakal, aab nauhomppa oitteb, ag amubia daatteb.

Sepanaia 3:3

Israel dilag ehanittak anuqak danab amu, ag danab ah dilagnu laion doɗ laa qa lakkunu oiyaya gaatte, amubia ag danab ah dilagppa hetteb. Ao, Israel ag ahilkad okkai danab ag doɗ wulp, ag tueb meeb, ag doɗ laa anidna, qena lalobnu oitteb bia hetteb. Doɗ laion, o doɗ wulp ag aɗi doɗ laa tueb qena lae neppig, butti buttua huppu nakok laa ii daatte, amubia hetteb.

Mak 6:14

Amu Jesus Nug nuhig uɗat heehe, uɗatnu nai wan amu oh tone, King Herot Antipas doyom. Doyeye, danab laala ag Jesusnu uɗat amu anidna doona ag, “Danab amuam Layattak Jon mauhe, Kayak he, nug eɗua hibaittom amunu, kobol danab hekkunu elele iittanu ɠagattag okkai okkai amu nuhigppa bette,,” appig.

Jon 10:32

Makkuɗkkulagnu heeg amu, Nug ag amelagppa aum. “Da Mamenu ɠagattagppa uɗat ena ena kuɗumnabppa danab ah ehanadmi amu, aɗi uɗat amu ena iitta anidna, da menppa oiɗppeg mauhkkulnu hetteb?” awa aum.

Jon 19:30

Ag Jesus wain ena iitta anam mettaeg lawowa, Nug aum. “Dahil uɗat aakku hein malami,” awa aum. Nug anam ana mala, Nug duug guɗa ne mauhom.

Hibru 2:10

Kayak, Nug keeke oh diig, keeke oh Nug hattom ele, amu Nug bekkod kuɗum oh diia attan teeb, binag amahlak oppiaawak ele daaglagnu dabmaama, Nug Jesus Nug guittak doyaya, ib amuppa Nug Eɗua Diiaknu Anuqak Danab elelenab ba daakkunu aum. Amuppa Kayak Nug kobol elelenab heum.

Hibru 5:9

Jesus Nug uug amu oh mawom amuppa Nug mana mettak ikki danab daakkunu elelenab mettom, amu Nug danab oh nuhig nai dim lamidtteb ele amu, Nug am ahilag ehanatta eɗua diiak hanhannu diig beum daatte.

Hibru 7:28

Amu ɗo tatamnu am danab gai-iitta tituanatte, ag mana mettak ikki danab daappig, amge nai Kayak Nug nukka Nug onigppa ɠagattag qetta aum, ɗo nai dayeye nai amu beum amu, nai amuppa Kayak Nug Bekka tituanom. Kayak Nug he, Nug Bekka amu Nug mana mettak ikki danab daakkunu elelenab ba, Nug hanhan anamib daatte.