Luk 13:12 - Nobonob Baibel

¹² Jesus Nug ah amu anttowa, onigppa e do, amegppa aum. “Ah da oɗe nahip amuppanu uhuqttem,” awa aum.

Luk 13:12 ပူးပေါင်းရင်းမြစ်များ

Sam 107:20

Ag unuqitteg, Nug a, ag ena daappig. Nug ag mauhak ib oɗeppanu eɗua diia doum.

Aisaia 65:1

Yawe Nug atte. “Danab laa ag dahilnu oɗmak ii heppig amu, da ahilagppa miag atiak tule bemi. Ao, danab laa ag da aniɗkkulagnu uɗat ii heppig ele, ag am da aniɗppig. Amu wanppan wan laihnu danab ag da ii unuqilppig amu, da ag amelagppa, ‘Da iikku daattem, da iikku daattem,’ ami.

Joel 3:10

Ag wan buuaknu aen aon, ag hamappa qeppeg, qep elab baɗ! Ao, ag ad eppeg babaittaknu aen amu, ag aen amu aon, hamappa qeppeg, ban gudkkud baɗ! Ag keeke anam bapaidppeg, ag oolagppa danab aun nug ban hekkunu gai-iitta, nug, ‘Da am ban danab ɠagattag elede,’ a!

Matyu 4:23

Jesus Nug danab amu onilagppa ewowa, Nug Galili wan ohppa oiyaya, Nug Juda dilag nai doyak lakka nai ippuanatta, Kayaknu ɗo maɗoɗnu Nai Ena mehuqa, Nug oɗe oh, aria keeke nau danab ah beɗulag heeg nauhom, Nug amu oh danab ah aqappig ele bappalattom.

Matyu 8:16

Aria, aam no, uudoowo, danab ag ahan, danab kuɗum ouɗi nau ele omaladna, Jesus toppa goppig. Ukkaeg, Jesus Nug laa ouɗi nau ele amu, Nug oɗeppaib anakppa, ouɗi nau lamattatta, oɗe danab oh ele amu bappalattom.

Luk 13:11

ah laa appa dayom amu, ouɗi nau nug he, ah amu nug maɗ 18 ebehi kaliak ele dayom; ah nug gomelmel oiyaya, tutukku hibaitta daakkunu elele iittanab.

Luk 13:13

Nug anam awowa, Nug eppeg ah amu qaɗeppa me, pahanab nug tutukku hibaitta, Kayak binag meum.

Luk 13:16

Amu ah imu, nug amu Abraham aɗeg laa, am Satan nug maɗ 18 oɗe metta aɗa dayom. Amu diig aɗinu da Sabat deɗppa da nug beɗu ii uhuqkkul? Am aɗinu amuam elele iitta?” awa aum.