Luk 13:11 - Nobonob Baibel

¹¹ ah laa appa dayom amu, ouɗi nau nug he, ah amu nug maɗ 18 ebehi kaliak ele dayom; ah nug gomelmel oiyaya, tutukku hibaitta daakkunu elele iittanab.

Luk 13:11 ပူးပေါင်းရင်းမြစ်များ

Job 2:7

Yawe Nug anam aum amunu, Satan nug Yawe toppanu aha ukkom. Nug aha ukka, nug he, Job ihi naud, guittak okkainab ele beɗu ohppa beppig. Nug ikki mugippanu noa ukka, baekuɗ oo batak ihi naud amu beppig.

Sam 145:14

Yawe Nug danab ah ag nena qeppig ele, Nug ehanatte, ag eɗun hippaidtteb. Yo, Nug danab ah ag uug dootteb ele, Nug ag ehanadtte.

Sam 146:8

Nug danab ag amelag gaɗuak he, ag neegtteb. Nug danab ag uug tonatte daatteb he, ag ahilag uug iitta mette. Yawe Nug danab ah ag genab tutukku hak kobol dim lamidtteb ele, Nug amu dilagnu oo mauhtte.

Sam 38:6

Ao, da beɗul nauhe, guittak okkai doottem. Deɗ oh, amun tuqan ele da aeqagattem.

Sam 42:5

Aɗinu da oolppa elele iitta doottem? Ao, aɗinu da oolppa oo doyak okkai doottem? Da amu ii helom bia daatte amunu, da Kayaknuib dabmeinne, ena bekkunu dabmak aɗe oikkul! Aɗinu? Da Nug eɗue, baula binag mekkul. Nug am dahil padal mepanu ehanittak daatte; Nug am dahil Kayak.

Sam 6:2

O Yawe, da beɗul bodoettom amunu, na dahilnu oot gai-iitta doon oot meɗan ehaniɗna, ⌊ɠagattag meɗakkutnu unuqidttem⌋. Ao, da ebehil hahaɗtte amunu, na heppe, da ena daakkulnu oɗ medattem.

Matyu 4:23

Jesus Nug danab amu onilagppa ewowa, Nug Galili wan ohppa oiyaya, Nug Juda dilag nai doyak lakka nai ippuanatta, Kayaknu ɗo maɗoɗnu Nai Ena mehuqa, Nug oɗe oh, aria keeke nau danab ah beɗulag heeg nauhom, Nug amu oh danab ah aqappig ele bappalattom.

Mak 9:21

Anam heehe amu Jesus Nug nid mameg oɗ mettom. “Nid imu nug inam hette ele amu, haen adekkuppanab digmeum?” Awa a amu nid mameg nug aum. “Nug nid nakokppa imu digmeum.

Luk 13:12

Jesus Nug ah amu anttowa, onigppa e do, amegppa aum. “Ah da oɗe nahip amuppanu uhuqttem,” awa aum.

Luk 13:16

Amu ah imu, nug amu Abraham aɗeg laa, am Satan nug maɗ 18 oɗe metta aɗa dayom. Amu diig aɗinu da Sabat deɗppa da nug beɗu ii uhuqkkul? Am aɗinu amuam elele iitta?” awa aum.

Luk 21:28

Dimppa keeke amu bekkunu digma heebeb, haen amuppa ag ahan ɠagattag dayeg! Kayak Nug ag qagaiettakppanu eɗua uhuqak ha madakkunu haen aakku miag daatte,” awa aum.

Luk 8:2

amu ah laala ag ele oh goppig. Anukka ah amu ag ena ii daappig. Laa am oɗe ele, laa am ouɗi nau ele, amu Jesus Nug he, ena daappig. Ah amunu laa am Makdala ted Maria, nug anukka ouɗi nau eblaih aɗit ele beɗuppa daaegeg Jesus lamattom.

Luk 8:27

Amu Jesus Nug uubppanu aha, honap le ihippa no, danab laa aab amuppanu Nug gumitta doum. Danab amu nug ouɗi nau qalittak ele. Haen elab nug bam iitta oiyaya, lakka ii daattom. Iitta. Nug matmatppa daattom.

Luk 8:43

Ukkaegeg, ah laa ele appa dayom amu, nug tiig nak oɗe maɗ 12 nuhigppa dayom. Iitta ii mettom. Nug dokta gumatta ukke bappaidnana, ehanidkkulagnu elele iitta, nug men doɗo nuhig iitta meum, amge nug eɗua ena ii dayom.

Aposel 3:2

Ukkaeh, danab laa ag danab laa, nug baekuɗ kubuku bata noak kaliak daapiɗ, ag nug maon uɗippig. Nug anig ooppanu anam doum. Ag deɗ oh nug aon gona, Kayaknu mettid lagnu aɗ odppa, od amunu ag, Anttaknu Enanag atteb, amu gukkuidna meeg dayeye, danab ah ag Kayaknu mettid lag ooppa noegeg, men doɗo mettaglagnu unuqadkkunu dayom.

Aposel 4:22

Danab nug kobol danab haknu elele iitta, amuppa eɗua ena dayom ele amu, nug nuhig maɗ 40 anam amunu, diig amunu danab ah ag Kayak binag meppig.