Luk 12:18 - Nobonob Baibel

¹⁸ Aria, nug anam ana, nug baula aum. ‘Da inam hekkul. Da ee maknu lag oh loppaɗena, ee mak lag okkai okkai hatten amu, da ee aeg qagmein, keeke ena dahil oh ele lag amuppa qagmeppi dayebeb,

Luk 12:18 ပူးပေါင်းရင်းမြစ်များ

Sam 17:14

O Yawe, na da nau hak danab, ag da kekeɗal nau, da danab anam waalagppa daapanu ehaniɗkkutnu oɗ medattem. Ao, na danab ag wan imuppan keeke aakkuib aoglagnu hik aqadtte amu, da ag waalagppa daapanu ehaniɗkkutnu unuqidttem. ⌊Me, O Yawe,⌋ na laa na ahilagnu oo mauhak huanak doottem ele, na amu dilag ee ele madattem. Ao, ag bekkalkad ele am keekenu tutu mak ii daatteb, ag keeke kuɗum ele. Ag alalkad ele keeke elele aotteb.

Matyu 6:26

Ag ai aakkud anatteg! Ag ee ii ebatteb, ag qagmena bakkalenu lakka ele ii metteb, amge ag Mamelag, hab aabppa daatte, Nug ai ee madatte. Ag Kayak amegppa ai iite eɗadtteb?

Luk 12:17

Nug ooppa nuhig dabmak inam dayom. ‘Da ee dahil huanak imunu attemtai hekkul? Da ee dahil oh qagmekkulnu amu, ee maknu lag elele iitta,’ awa aum.

Luk 12:19

da dakka, da inam dabmekkul. “Da lagnu keekenu laa ii bahuhupa, dahil keeke ena ena daatte, maɗ kuɗum daakkunu elele. Aria, da hik awe dayeye, da ee, le ele oh lanakib lainne, gamag ahakppa daakkul,” ’ awa aum.

Luk 12:21

Jesus Nug nai amu ana, Nug nai gog ta aum. “Danab ag keeke kuɗum ahilagnu qagmetteb, amge Kayak noobppa amu ag danab ena iitta daatteb, ag am amubia anidkkulag,” awa aum.

Luk 12:24

Ag ai aakkude anadna doyeg! Ag ee ii ebatteb, ag qagmena bakkalenu lakka ele ii metteb. Ag eeppulag, enulag ele mekkulagnu lag laa iitta, amge Kayak Nug ee madatte. Am danab ah ag ai iite eɗadtteb? Yo, ag huana eɗadtteb.

Luk 18:4

Ah amu nug anam heehe, epeɗiak danab nug laa ehanidkkunu amu, kobol amu nug beɗuppa ii daattom, amge dimppa nug ooppa aum. ‘Da Kayaknu ebehil oh bodoetta le ii me, danab dilagnu ele am da dab-ii-mettem,

Luk 18:6

Aria, Naɗi Nug nai amu mattia mala, Nug nai tuɗitta aum. “Ag epeɗiak danab nau amu nuhig nai imu doyeg!

Jems 3:15

Doyak dabmak ena ⌊iitta⌋ ele amuam hab aabppanu ii neum. Iitta. Doyak dabmak ena ⌊iitta⌋ ele amu nug wan imuppan, am Kayak Ouɗi, nuhigppanu iitta. Satan nug doyak dabmak ⌊iitta⌋ ele amu mameg daatte.

Jems 4:13

Aria, ag oolagppa danab laala ag, “Gemute o iitta buttite ig aab okkai laappa gota, maɗ laippu daatta, men doɗo mattiak uɗat hetat, men doɗo aognig,” aon atteb ele amu, ag doyeg! Amuam hambuppuak bia.

Jems 4:15

Amunu ag inam akkulag am ena. “Naɗi Nug anam dabmette dayeb, ig bau daatta, ig imu hekkunig, o iitta ig uɗat laa hekkunig.”