Luk 12:16 - Nobonob Baibel

¹⁶ Ana amu Jesus Nug keeke danab ag dootteb ii dootteb ele ouaqata ippuanatta, inam amelagppa aum. “Enub danab laa nug dad okkai nuhigppa ee meu huanak ele antta,

Luk 12:16 ပူးပေါင်းရင်းမြစ်များ

Job 12:6

Danab laa ag ban hena, laa guittak mettanna, ahilkad keeke aotteb ele, ag maɗoɗ ele daatteb. Ao, laa ag ahilag hakppa heeg, Kayak oppoɗi bette ele, ag baɗak iittappa daatteb. Ag ahilag kayak hambuppuak eppelagppa aɗan maon oitteb.

Job 24:23

Kayak Nug paɗatteb, hipunin danab ag, “Ig baɗak iittappa inamib daagnig,” akkulagtai; amge Kayak Nug ahilag hak neekkidtte.

Sam 73:12

Amuam nau hak danab ah dilag ib aakku. Ag wanppa bau daan oiyegeg, uug ii aqeeqe, ag en okkai aonnaib daatteb.

Sam 73:3

Aɗinu? Da beɗuppa tak danab ah dilagnu amu, da ahilagnu amel qe ool elele ii dayom. Yo, da nau hak danab ah, enulag okkai ele anatten, da ahilag keekenu amel qe ool elele ii dayom.

Esekiel 16:49

Amu Naɗi Yawe Nug tuɗitta atte. “Jerusalem, na makkep Sodom, nug aɗekkud ele, ahilag hipunin am inam. Ag beɗuppa tak ah daan oinna, ag ee ge iitta lanan daanna, ag eheɗ heppignu uug laa ii doon, ag daɗek danab, amu laa ag keekenu tutu mak daappig ele ii ehanadppig.

Hosea 2:8

Nug da, da nug keeke oh mettami amu, nug amu dab-ii-meum, gemu ele dab-ii-mette. Da nug ee, wain bau, amu olip goɗen ele mettami. Gol, silwa huanak ele da mettai, nug kayak hambuppuak Bal noobppa dup noa binag mekkunu ukka, appa uɗat mettom. Keeke amu oh da nug mettami amu, nug da mettami dab-ii-mette.

Matyu 13:8

Amge ee aeg laala ag wan enappa nena qena, ena bena, meu oppig. Ee aeg laala ag meulkad 100 oppig. Laala ag meulkad 60 oppig, amu laala ag 30 oppig.

Matyu 5:45

Amuppa ag Mamelag, hab attan daatte ele amu, ag Nug bekkod daaglag. Nug he, aam danab nau amu danab ena ele oh qaɗelagppa nette. Nug ele he, gu genab tutukku hak danab, amu genab tutukku hak danab iitta ele oh dilagppa nette.

Luk 12:15

Anam awona, Nug danab ah oh amelagppa aum. “Ag dabmena, tutukku doyeg! Ag baubau awaknu hik qak kobol oh aib heppig. Aɗinu? Danab nug keeke ohnu elelenab eɗittak daatte amu, nug nuhig keeke amuppa bau dayak ii aotte,” awa aum.

Luk 12:17

Nug ooppa nuhig dabmak inam dayom. ‘Da ee dahil huanak imunu attemtai hekkul? Da ee dahil oh qagmekkulnu amu, ee maknu lag elele iitta,’ awa aum.

Aposel 14:17

amge Nug daatte, Nug amunu haen amuppa ele ag ippuanattatta, Nug hab aabppa dayaya he, gu ahilagppa neum, ahilag ee ena beum, ag ee elele aoppig, amu ag gamag ahak okkai dooppig,” aoya apiɗ.