Luk 11:53 - Nobonob Baibel

⁵³ Amu Jesus Nug lag amu uua noa dimittim no, am ɗo gumak danab-Parasia amu ɗo mehuqak danab ele ag gakkaɗak bia doonna, ag oɗmak kuɗumppa Jesus uug medappig.

Luk 11:53 ပူးပေါင်းရင်းမြစ်များ

Aisaia 9:12

Nug heeb, aam nodeppanu danab Pilistianu, ag ahappeg, amu aam bedeppan daup Aramnu, ag ele ahappeg, ag oh Israel aqaglagnu uɗin, ag Israel qena, tabappeg nokku. Anam, amge amuppa Yawe Nug nuhig oo nauhak am iinab bodoettama. Iitta! Nug ⌊bu tuɗitta madakkunu⌋ eppeg huma daakku.

Jeremaia 18:18

Amu danab laa ag appig. “⌊Jeremaia atte am genab iitta.⌋ Mana mettak danab ag Yawenu ɗo ippunigtteb amu, kobol amu ii iitta mema. Danab doyak dabmak ena ele ag ulum nai ena megatteb amu, amu ele ii iitta mema. Propet danab ag Yawenu nai mehuqeg doottem amu, kobol amu ele anamib daakku, ii iitta mema amunu, ahappeg, ig hepput, Jeremaia hettoɗiakppa dayaya nauhaɗ! Ig amu hepput, nuhig nai ig daunigppa baula ii daama,” aon appig.

Jeremaia 20:10

Danab ah ag dahilnu otiptip-ppa mattiegeg doomi. Ag atteb. “⌊Nug ig padal mekkunignu, nug amuib maditte.⌋ Nug mattieye, nai amu he, danab ah oh ag eheɗ nau baɗatteb amunu, ig okkai danab amelagppa nai nug atte amu amelagppa apput, ag nug aɗaglag,” aon atteb. Ag anam aegeg, da lailad, ⌊ag oɗelagppaib da lailad daatteb amu,⌋ ag ele da nein qekkulnu oolag daatte. Ag anam henana, amu ag atteb. “Aria, ig hepput, nug kobol eheɗ laa heeb, ig nug eɗidta, ⌊nug nai eheɗ atte amu, ig⌋ amunu nob nau laa mettagnig,” aon atteb.

Luk 11:52

O gadonnab gadon, ag ɗo mehuqak danab doyak okkainab ele, ag dabmeig! Ag doyak awaknu ki amu maoeg ukkom. Od ag akka matulna ii noppig, amu ag danab ah ag nokkulagnu hetteb ele amu, ag nomananu, ag ib oo neppig,” awa aum.

Luk 11:54

Nug nai eheɗ laa ab, ag Nug dimug mekkulag, amunu heppig.

Luk 20:20

Aria mana mettak danab okkai amu ɗo mehuqak danab ele ag Jesus meidnana daanna heeg, ameg qakkak danab laala ag ahan Jesus gumidna goppig. Ag gona, Nug noobppa danab tutukku bia henan daappig, amge ag nuhig nai mattiak amuppa, ag ib laa anidna, aon gabmannu hettoɗiak eppegppa mekkulagnu heppig.

Luk 20:27

Amu dimppa, ɗo gumak danab-Sadyusi ag Jesus toppa uɗippig. Danab amu ag, “Danab mauhtteb ag eɗun ii hippaidmana,” aon adappig amunu,

Aposel 26:9

Aria, Nasaret ted Jesusnu amu, da anukka da heppi, Nug onig honapnab nekkununab dabmak ɠagattag aomi.

1 Korint 13:5

Danab nug oo mauhak dootte ele, nug laa noolagppa dagom oitte, nug nukka nuhignuib ii dabmette. Nug paha oo nauhak ii dootte, nug laa ag nuhigppa eheɗ laa heppig, nug amunu tuɗid ii dabmette.

2 Korint 8:6

Anam daatte amunu ig Taitus, nug ag Korint danab ag oolagppa uɗat heehe, ag ehanittak amu bappaidkkulagnu digmeppig ele amu, nug heeb, ag uɗat amu paha malaglagnu ig nug amegppa amut.