Luk 11:20 - Nobonob Baibel

²⁰ Amge Kayak Nug da ehaniɗe, da ouɗi nau lamadttem dayeb amu ag doyeg; Kayaknu ɗo maɗoɗ aakku ahilagppa uɗiom,” awa aum.

Luk 11:20 ပူးပေါင်းရင်းမြစ်များ

Eksodas 8:19

Am Isip dilag baɗ mak danab ag Paro amegppa appig. “Kayak nukka keeke imu heum,” aon appig. Ag anam appig, amge Paro nug nuhig dabmak ɠagattag eppa daye, Yawe aum bia nug Moses, Aron ele nai apiɗ amu, nug amu dabmetta, ii doyom.

Daniel 2:44

Baeg wan tabatte, wan aab aɗuppa ewom, aen ele qataqak am king laala ag laippu daaglagnu hekkulag, amge laippunab ii daamna ippunigtte, haen ag amu henan daappeg, haen amuppa Kayak hab attan daatte, Nug ɗo maɗoɗ laa daakkunu heeb, ɗo maɗoɗ amuam hanhan daakku. Ɗo maɗoɗ laa wan atu gumaglagnu ahan, ɗo maɗoɗ amu eɗidna ii aomna. Ɗo maɗoɗ amuam ɗo maɗoɗ oh heeb, iitta mekkulag, amge ɗo maɗoɗ amuam hanhan daakku.

Matyu 12:28

Amge da Kayak Ouɗinu ɠagattagppa ouɗi nau lamadttem dayeb amu, ag doyeg, Kayaknu ɗo maɗoɗ aakku ahilagppa uɗiom,” awa aum.

Matyu 3:2

Nug nai mehuqaqa inam aum. “Kayaknu ɗo maɗoɗ aakku miag doum daatte amunu, ag oolag eɗuaɗ!” awa aum.

Matyu 4:24

Bappalattette, ag Jesusnu Siria wan ohppa mattieg, danab ah oɗe digdig ele diin uɗippig. Laala ag beɗulagppa guittak okkai dooppig, amu aria, laala ag beɗu mauhak ele, amu laala ag ebehilag mauhak ele. Anam amu, Nug amu oh bappalattom. Aria, laala ag ouɗi nau ele amu, Nug ouɗi nau amu lamattom.

Luk 10:11

‘Ahilag aabnu gappud, ig baenigppa teum daatte amu, ag eheɗ heppig ippunadkkunignu, ig gappud amu iikku oppiut nette, amge ag imu dabmena autna aweg! Kayaknu ɗo maɗoɗ aakku miag doum daatte!’ aon aig!

Luk 10:9

Aab amuppan oɗe danab amu, ag heppeg ena daappeg, ag amelagppa, ‘Kayaknu ɗo maɗoɗ aakku ahilagppa miag doum daatte,’ aon aig!

Luk 11:21

Jesus Nug anam ana, Nug nai tuɗitta aum. “Haen danab ɠagattag laa nug ban haknu keeke aɗa, nug laug guma ɠagattag daatte amu, aria nuhig keeke oh am ena daakku.

Aposel 20:25

Ag doyeg! Anukka da ag oolagppa oiyeye, da Kayaknu ɗo maɗoɗnu nai amelagppa mehuqmi, am gemu da doottem, ag oh da iɗul baula ii anidmana.

2 Tesalonaika 1:5

Kayak Nug ag ehanatte, ag ɠagattag daan, uug maon oitteb amunu, ig amuppa Kayak Nug danab ah tutukku epeɗiadtte anidttem. Nug anam hette amunu, Nug ag nuhig ɗo maɗoɗ ooppa daaglagnu, Nug amunu elele doyadkku. Ag Nug ele nuhig ɗo maɗoɗ ooppa daaglagnu hetteb amunu, ag aakku guittak aotteb.