Luk 10:9 - Nobonob Baibel

⁹ Aab amuppan oɗe danab amu, ag heppeg ena daappeg, ag amelagppa, ‘Kayaknu ɗo maɗoɗ aakku ahilagppa miag doum daatte,’ aon aig!

Luk 10:9 ပူးပေါင်းရင်းမြစ်များ

Daniel 2:44

Baeg wan tabatte, wan aab aɗuppa ewom, aen ele qataqak am king laala ag laippu daaglagnu hekkulag, amge laippunab ii daamna ippunigtte, haen ag amu henan daappeg, haen amuppa Kayak hab attan daatte, Nug ɗo maɗoɗ laa daakkunu heeb, ɗo maɗoɗ amuam hanhan daakku. Ɗo maɗoɗ laa wan atu gumaglagnu ahan, ɗo maɗoɗ amu eɗidna ii aomna. Ɗo maɗoɗ amuam ɗo maɗoɗ oh heeb, iitta mekkulag, amge ɗo maɗoɗ amuam hanhan daakku.

Matyu 3:2

Nug nai mehuqaqa inam aum. “Kayaknu ɗo maɗoɗ aakku miag doum daatte amunu, ag oolag eɗuaɗ!” awa aum.

Matyu 4:17

Haen amuppa Jesus Nug Galili appa digma nai mehuqom. Nug nai inam mehuqaqa aum. “Kayaknu ɗo maɗoɗ aakku miag doum daatte amunu, ag oolag eɗuaɗ!” awa aum.

Mak 4:30

Nug anam ana amu, Nug nai tuɗitta aum. “Ig Kayaknu ɗo maɗoɗ am aɗi keeke bia daatte akkunig? O ig aɗi keeke danab ag dootteb ii dootteb ele ouaqata ippuanittak nai aɗi apput, ag Kayaknu ɗo maɗoɗnu oolag maidkku? Am inam.

Mak 6:13

Anam henana amu, ag oɗe danab kuɗum olip goɗenppa layadna ⌊unuqitteg, Kayak he,⌋ ag beɗulag ena daye, ag ouɗi nau kuɗum ele lamadppig.

Luk 10:10

Amge haen ag gona, aab laappa noppeg, appanu danab ag ag ele laippu dayaknu oolagppa eleleib ii dooppeg amu, ag gona, aab amunu ibppa daanna, ag inam aon aig!

Luk 10:11

‘Ahilag aabnu gappud, ig baenigppa teum daatte amu, ag eheɗ heppig ippunadkkunignu, ig gappud amu iikku oppiut nette, amge ag imu dabmena autna aweg! Kayaknu ɗo maɗoɗ aakku miag doum daatte!’ aon aig!

Luk 9:2

ag gona, Kayaknu ɗo maɗoɗnu nai mehuqnana, danab oɗe ele heppeg ena daaglagnu maatte goppig.

Jon 3:3

A amu Jesus oɗeppa awa aum. “Da genabnab genab na amenppa attem. Danab nug bau menuak ii aokku amu, nug Kayaknu ɗo maɗoɗ ii anidma,” awa aum.

Jon 3:5

Nikodemus anam a amu, Jesus oɗeppa awa aum. “Genabnab genab da na amenppa attem. Danab nug leppa, amu Kayak Ouɗippa ele menuak ii aokku amu, nug Kayaknu ɗo maɗoɗ ooppa nokkunu elele iitta.

Aposel 28:28

Amunu ag doyeg! Kayak Nug ig eɗua awigkkunu uɗat ena imu ihinignu heum amu, Kayak Nug he, iitta aɗi danab dilagppa ukkom, amu iitta aɗi amu, ag am dooglag,” awa aum.

Aposel 28:31

Nug baɗak iitta ele Kayaknu ɗo maɗoɗnu nai, Naɗi Jesus Kristus, nug nuhignu nai ele danab ah ippuanattatta mehuqom. Nug anam heehe, danab laa nuhignu aib ii aum.