Luk 10:4 - Nobonob Baibel

⁴ Ag men doɗo inaknu hogot, oiyaknu battam, baelag gaɗa ele amu aib aoppig. Ag gonana, ibppa laa ele nai mattiglagnu haen aib kakidppig.

Luk 10:4 ပူးပေါင်းရင်းမြစ်များ

Genesis 24:33

Le mattaeg, ⌊baelag ihan malaeg,⌋ ag ee aon dona madappig, amge maɗi nid nug aum. “Da nai dahil tatam madippi dooppeg, dimppaib da ee lakkul,” awa aum. Awa a amu, Laban nug aum. “Enade, anam he!” awa aum.

Genesis 24:56

Aa anam apiɗ, amge maɗi nid nug aum. “Aa aib da qakkiɗpiɗ. Yawe da ehaniɗeɗe, da uɗat hekkulnu uɗimi amu, elele hemi amunu, aa hepeɗ, da okkai dahil toppa gokkulnu ool daatte,” awa aum.

2 King 4:24

Aria, ah nug paha dayaknu keeke donki qaɗeppa ma qakka, attan ta, nug maɗi nid amegppa aum. “Haen i goɗaɗa amu, na heppe, donki nug paha paha ukkaɗ! Donki heppe, qinonob gokkunu ool dayeb amu, geha da na amenppa akkul,” awa aum.

2 King 4:29

Elisa nug nai amu doya malowa, aria nug Gehasi amegppa inam aum. “Ahan bappaidna, dahil dudqak hokkat amu aon, eppenppa aɗan, na paha Sunem gokkut. Amu na gonana, ibppa danab laa anidna, aib na nug humidme. Am danab laa nug na humitteb amu, na nai nuhig aib nob meme. Na ah imu laugppa tutukku gona, na dahil dudqak hokkat amu nid nakok iɗuppa me!” awa aum.

Prowerb 4:25

Haen oh na noomppanab neegnana, kobol tutukku neekkitte! Ao, na gottemppaib neegnana, kobol enaib neekkitte!

Mak 6:7

Nug anam oiyaya amu, Nug nuhikkud ippunittak awak danab 12 onilagppa e uɗieg, Nug aɗit aɗit maatte, ag aab laalappa gokkulagnu daaegeg, Jesus Nug ag ouɗi nau lamadkkulagnu ɠagattag matta,

Luk 22:35

Jesus Nug Pita amegppa nai amu awowa, Nug nai baula tuɗitta ippunittak awak danab 12 amelagppa aum. “Anukka da hei ag gonana amu, men doɗo inaknu hogot, oiyaknu battam, baelag gaɗa ele ii akkan goppig, haen amuppa amu ag keeke laanu tutu mak dooppigte o iitta?” oɗ mattom. Oɗ matte amu ag, “Iitta,” appig.

1 Samuel 21:8

Aria, Ahimelek nug bret amu Dawit mette, Dawit nug oɗ mettom. “Na qep elab, o ban laa ele daatte, o iitta? ⌊Laa daatte dayeb amu, na meɗakkutnu ool daatte.⌋ Aɗinu? King nug da tappaɗilom amunu, da ban dahil ii aomi, qep elab dahil keeke ele ii aomi,” awa aum.