Luk 10:2 - Nobonob Baibel

² Nug otiatta, Nug amelagppa aum. “Datta ee kuɗumnab oɗuppig, amge uɗat nid kuɗum iitta amunu, ag dad Mameg, Nug uɗat nid maatteb, ag gona ee nuhig qagmekkulagnu unuqitteg!” awa aum.

Luk 10:2 ပူးပေါင်းရင်းမြစ်များ

1 King 18:22

Aria, Elaiya nug danab ah amelagppa aum. “Yawenu propet amu laal ii daatteb. Iitta. Da dakka iikku daattem. Amge Balnu propet danab am 450 daatteb.

Sam 68:11

Naɗi Nug keeke bekkunu aum, am danab ah kuɗumnab ag nai Kayak Nug heeb bekku, ag nai aumnu oo gamag ahak eleppa eppig.

Jeremaia 3:15

Da Sion omalatten uɗien, da ag, Israel, da ag gumak danab, sipsip gumak danab bia, da gumak danab ena, ag da ool hette bia oolag hekku, da ag maadppi, ag gumadkkulag. Ag doyak ena, diignu doyak tutukku ele aɗan, ag gumadkkulag.

Sekaraia 11:17

O gadonnab gadon! Danab okkai amu, nug sipsip pehettak ii gumadtte, nug genab bu okkai aokku. Qep elab nug eppeg okkuleb, nug ameg naɗiap ele yaakku. Ao, nug eppeg am aakku nauhak dayebeb, nug ameg naɗiap ele gaɗuak daakku.” Yawe Nug anam awa atte.

Sekaraia 11:5

Danab ag sipsip amu ⌊sipsip mamelkad dilagppanu, enub danab laanu men doɗoppa, nuhig daakkunu⌋ daden metteb ele ag daden mewona, ag ⌊laa⌋ baalag otaɗadna ⌊latteb⌋, amge ag bu ii aotteb. ⌊Enub⌋ danab ag sipsip amu ⌊ahilag men doɗoppa aoppig amu,⌋ ag aon meeg, laa daden meeg, enub danab ag men doɗo okkai aon, ag anen anen, ‘Ig Yawe onig humatu. Da enub danab bemi daattem!’ atteb. Sipsip amunu gumak danab ele ag ena ii atognoadtteb; ag ele aqadna ⌊latteb⌋. ⌊Aakku ib ewam amuppa sipsip ameg amuppa daatteb, ag nauhak aotteb.⌋

Namba 11:17

Ag hippaidna daappeg, da geha noppi, appa na ele nai mattignih, amu da dahil Ouɗi nahip-ppa dayaya ehanidtte amu, da heppi, Nug danab 70 amu, ahilagppa dayaya ehanadkku. Geha da amu heppi, ag na ehanidna, uug danab ah imu na medatteb ele amu, ag uug amu ele maoglag. Geha ib amuppa na nakka ii hemana.” Yawe Nug Moses amegppa anam aum.

Namba 11:29

Josua anam aum, amge Moses nug nai nob ma aum. “Na aa da abenal aomyanu baɗattemte? Yawenu danab ah oh ag propet daaglagnu, Yawe Nug nuhig Ouɗi nuhikkud danab ah oh madakkunu ool daatte,” awa aum.

Matyu 20:1

Aria, Jesus Nug nai tuɗitta aum. “Kayaknu ɗo maɗoɗ am imubia. Danab nug wan okkai ele, nug buttuanab aha, ee oɗiak abenppa maɗi nid nuhig uɗat hekkulagnu anadkkunu ukka, nug laa ag deɗ amuppa uɗat aoglagnu daaegeg anatta, nug ag nuhig grep dadppa uɗat hekkulagnu diiom.

Mak 13:34

Haen amu inam bia bekku. Danab laa nug atu laih gokkunu aha, nug laugppanu uɗat oh otia, nuhikkud maɗi nid eppelagppa mewowa, laa nug od gumom ele, nug nuhig okkai eɗua uɗikkunu dabmaama daakkunu awowa, aha ukkom.

Mak 16:15

Daulag batowa, Nug ag amelagppa aum. “Ag ahan, wan atu ohppa gona, dahilnu Nai Ena danab oh amelagppa mehuqeg!

Mak 16:20

Aria, ippunittak awak danab ag wan ohppa gona, Jesusnu nai mehuqegeg, Naɗi Nug ag ehanattette, ag Kayak dabmettaknu kobol danab haknu elele iitta laala ele heegeg, amuppa danab ag mehuqak ahilag genab dooppig.))

Luk 9:1

Jesus Nug ippunittak awak danab 12 onilagppa e uɗieg, Nug ag ouɗi nau oh lamadna, oɗe digdignu ele heppeg iitta mekkulagnu ɠagattag matta,

Aposel 11:19

Amu ag Stiven qeeg mauhe, amu dimppa ag tamaniak heppeg nauhkkunu heppig, diig amunu danab ag oolagppa genab dooppig ele, ag matatun goppig amu, ag Ponisia, Saiprus amu Antiok ele batak gona daappig. Daanna, ag danab oh amelagppa Nai Ena ii mehuqppig. Iitta. Ag Juda danabib amelagppa Nai Ena mehuqppig.

Aposel 13:2

Ag am Naɗi noobppa dup nona binag menana, ee ohnu kud mena daaegeg, Kayak Ouɗi Nug ag amelagppa aum. “Da Barnabas, Saul ele aa uɗat laa hekkulahnu tituanatmi amunu, ag otiatna meɗeg!” awa aum.

Aposel 13:4

Kayak Ouɗi Nug he, aa ahai goya, Selusia noya, Selusia appa aa uub laa anidya teya, Saiprus nudppa gopiɗ.

Aposel 20:28

Amunu ag akka ahilagnu dabmenan daanna, amu Kayaknu danab ah, Kayak Ouɗi Nug ag gumak ikki danab ahilag daaglagnu otiattom ele amu, ag amu dilag ele oh dabmenan dayeg! Ag Kristen tamaniak, Kayak Nug nukka Nug tiigppa nuhig tamaniak amu daden meum ele amu, ag nuhig tamaniak amu tutukku gumatteg!

Aposel 22:21

Da anam ami amge Naɗi Nug da amelppa aum. ‘Na ukke! Da na meidppi, na atu uma, iitta aɗi, amu gumadna gokkut,’ awa aum.” Pol nug anam aum.

Aposel 8:4

Anam heehe, Kristen ag matatun aab laalappa gona daanna, ag Nai Ena mehuqppig.

1 Korint 12:28

Am Kayak Nug Kristen tamaniak ooppa nuhig uɗat hak danab ele anam aakku meum. Anuqak am totol danab daatteb. Amu dimulagppa am propet danab daaeg, ag dimulagppa am ippunittak danab daatteb. Aria, laa amu kobol danab hekkunu elele iitta hak danab daaeg, laa ag oɗe babaittak danab dilag ehah ele daaeg, amu laa ag ehanattak danab daaeg, laa ag uɗat digdig gumak danab dilag ehah ele daaeg, laa amu aabaab naippa nai mattiaknu danab daatteb.

1 Korint 15:10

Amge Kayak Nug da ehanittak okkai hamu meɗe, da gemu attem daattem amu ehanittak nuhig amuppa da aakku daattem. Nug da ehanittak okkai hamu meɗe amu, da ii kakidmi. Iitta. Da uɗat ɠagattag hei uɗie, gemu ele hettem. Totol danab laa ag da uɗat ɠagattag hettem bia ɠagattag ii hetteb, amge da dakka ii hettem. Iitta! Kayak Nug da ehanittak okkai hamu meɗe, da amuppa amu hettem.

2 Korint 6:1

Ig Kayak ele oh uɗat hettem amunu, ag Kayaknu ehanittak okkai Nug hamu mattom amu, ag amu ii kakidmananu dabmekkulagnu ahilkad dabmak maɗedattem.

Pilipai 2:21

Danab laa oh ag akka ahilagnuib dabmenana, Jesus Kristusnu uɗat atognokkulagnu dab-ii-metteb.

Pilipai 2:25

Amu da Epaproditus, nug am da layalnab, i uɗat ihinih laippu, nug da ele Kayaknu daup danab bia daattep, nug ag Pilipai daatteb, ahilag nai awa ukkak danab, ag nug meeg, da ehaniɗkkunu uɗiom daatte amu, da nug ahilagppa meppi gokkunu ɠagattag dabmettem.

Pilipai 2:30

Aɗinu? Nug Kristusnu uɗatppa mauhkkunu miagnab dayom, amge nug bau daakkunu am anuqak dab-ii-meum. Iitta. Nug ag da ehaniɗkkulagnu elele iitta daaeg doya, nug amu elele medakkunu am anuqaknu dabmak okkai awa, uɗat amu heum.

Kolosi 1:29

Diig amunu da dahil ɠagattag ohppa da uɗat amu hekkulnu heɗiag okkai hettem. Kristus Nug nukka da uɗat anam hekkulnu ɠagattag okkai nuhig da meɗa, Nug da tappaɗilele hettem.

Kolosi 4:12

Epapras, ahilag nid laa, Kristus Jesusnu maɗi nid, nug ele ag humadtte. Haen oh nug nuhig unuqittak ɠagattagppa nug ag ehanattatta, Nug Kayak heeb, ag Kayaknu dabmaknab awak pehettan doon, anamib ɠagattag daanna, danab kalulag ele daanna, ag dabmak aɗit ele iitta daaglagnu unuqidtte.

1 Tesalonaika 2:9

Ao ig lainkad, ag ihinig uɗat okkai uug ele amu ag anidna dooppig. Ig tuqan amun ele eppenigppa uɗat hetata, ig Kayaknu Nai Ena ele mehuqmut. Aɗinu? Ig ahilag ee keeke hamu aopput, ag ihinignu oolagppa uug doomnanu ig anam hemut.

1 Tesalonaika 5:12

O lainkad, ag aun aɗi ag ahilagnu uɗat ɠagattag hetteb, ag Naɗi onigppa ahilag ikki daanna, ag ib ippunadnana ahilagnu tolittak nai atteb ele amu, ag danab amu dilagnu ena elele doyeg!

2 Tesalonaika 3:1

O lainkad, ig nai laippu imuib ele iikku ag amelagppa attem. Ag ihinignu dabmenana, ag Naɗi Nug ig ehanikkeb, ig uɗat elele hekkunignu, nuhig nai atu oh paha tuala ukkeb, danab ah ag wan atu amuppa daatteb amu, ag Tesalonaika danab ag nai amunu ena, binag ele dooppig bia ag nai amunu ena, binag ele dooglagnu ihinignu unuqitteg!

1 Timoti 4:10

Nai am inam. Ig Kayak bauklel, Nug danab ah oh eɗua awikkak diig daatte, amge Nug danab ah ag nuhignu oolagppa genab dootteb ele, Nug ahilagnu eɗua awikkaknab danab daatte, ig nuhignu oonigppa genabnab dootta, Nug doa ehanigkkunu dabmak aɗat daat, ameg mettem. Ig amunu am genabib doottem amunu, ig uɗat naɗinab ɠagattag ele hettem.

2 Timoti 4:5

Amge nahipnu amu, na haen oh dabmak amahlak ele daye! Uug haenppa na ɠagattag daanna oiye! Kayak nai mehuqak uɗat am na he! Na Kayaknu mehuqak danab daakkutnu amu, na aɗi uɗat hekkutnu daatte amu na he!

Pilemon 1:1

Da am Pol, da Kristus Jesusnu nai mehuqeqe, diig amunu da maniguittakppa daattem. Da ig lainig Timoti ele, i ad uɗug imu Pilemon, nahipnu yaattep. Na i lainih, i nahipnu oonih mauhtte, amu na ihinih uɗat laippu ele daattem.

Hibru 3:6

Amge Kristus Nug am Kayak Bekkanab, Nug oo metta ii uuak kobol dim lamitta, Kayaknu danab dilag ikki dayaya ag gumadtte. Amu ig ihinkad oo ɠagattag qettak aɗat, amu ig Kristus, Nug am ena bekkunu dabmak aɗa oiyaknu diig, ig amunu mehuqttem amu, ig Nug ele aɗat amu, ig Kayaknu danab ah daattem.

Revelesen 2:1

Nug anam ana, Nug nai tuɗitta Jon amegppa aum. “Na nai da attem imu Epesus Kristen tamaniaknu ikki danab, nuhignu inam ye! Nai imu, laa Nug hoɗoppai eblaih aɗit ele eppeg naɗiap-ppa aɗalattatta, lam maknu balal eblaih aɗit ele oolagppa oitte amu, nuhigppanu uɗitte.