Luk 10:19 - Nobonob Baibel

¹⁹ Amu doyeg! Da ag ɠagattag mattai, ag mat, apiap ele tappadna, kekeɗnu ɠagattag amu oh eɗadkkulagnu elele daatteb. Keeke laippu laa heeb, ag ii nauhmana.

Luk 10:19 ပူးပေါင်းရင်းမြစ်များ

2 Stori 10:11

Genab, da mamel nug ag uɗatnu uug okkai, ɠagattagnab mattom, amge da amu, geha da ag amu eɗittak, okkainab madakkul. Da mamel nug ag bu qaun eleppa mataɗattom, amge da amu geha bu laa noobppa aeg ele awe, ag huan mataɗadkkul.’ Na anam appe doyeg!” aon appig.

Sam 91:13

Na geha laion, amu mat nau ele eɗadppe, ag aɗitai keeke laa hekkulagnu elele iittanab daaglag. Ao, na geha laion bau, mat nau ele tappaladppe noppeg, ag aɗitai laa hekkulagnu elele iittanab daaglag.

Aisaia 11:8

Nid yuɗ, huh lanan, ekkuɗkkuɗ gotte ele, nug geha mat nau kobra teɗuabppa notte, oɗe amuppa qiɗ hekku. Nid yuɗ, anig huh aɗittom ele amu, nug eppeg bahieb, mat naunab nau teɗ oɗeppa noa, ooppa nokku.

Esekiel 2:6

Amu danab bekka, nahipnu amu, na ahilagnu aib baɗame. Ahilag nainu ele aib baɗame. Danab nug aben laappa, appa uud keeke qaun ele, nug amu ooppa dayaya, laih ukkeb, qaun yaama, o laih ukkeb, qaun yaamanu baɗatte, o danab nug apiap oittebppa daatte, nug laa beɗu aɗamanu baɗatte amu, na amubia daakkut, amge diig amunu na aib baɗame. Israel danab ah ag aɗi nai nahipnu mattiglag amu, na nai amunu aib baɗame. Ag attem heidkkulagnu hekkulag amu, na ahilagnu baɗak eheɗ nau aib doome. Aɗinu? Ag am nai tappe nak danab ah daatteb, ⌊amge da na atognoidkkul⌋.

Mak 16:18

Ag mat nau aɗaglag, o le nau danab qe mauhtte ele, ag amu lakkulag, amge ag amuppa ii mauhmana. Ag oɗe danab beɗulag aɗappeg, ag oɗe uuadkku,” awa aum.

Luk 11:12

Aria, nid nug mameg matuk oppa medakkunu oɗ metteb amu, mameg nug apiap medakkute? Iitta!

Aposel 28:5

Ag anam aon appig amge Pol nug mat amu maute, aab aɗuppa no, Pol nug uug laa ii doya dayeye,

Rom 16:20

Haen elab iitta Kayak, Nug am maɗoɗ diig amu, Nug geha Satan tappeb na, ag baelag waappa daakku. Naɗi Jesusnu ehanittak okkai hamu mettak ahilagppa dayaɗ!

Revelesen 11:5

Laala ag aa eheɗ haatkkulagnu heppeg amu, aab aɗu oɗelahppanu doa, ahilah kekeɗ amu ewatteb mauhkkulag. Ao, genab, danab nug eheɗ hatakkunu heeb amu, nug ib anamppa mauhkkuoitte.