Luk 1:7 - Nobonob Baibel

⁷ Amge aa nid iitta. Elisabet nug ah mattoi amunu aa hamu oiya, kaino mepiɗ.

Luk 1:7 ပူးပေါင်းရင်းမြစ်များ

Genesis 17:17

Kayak Nug anam a amu, Abraham laippun gateg qaun o, gomela, iɗu wanppa ma dayaya, nug nukka imaama, ooppa aum. “Danab laa nug maɗ 100 ele dayaya amu, nug nid danab aokkute? O Sarah nug maɗ 90 ele dayaya amu, nug nid menukkute?” ooppa aum.

Genesis 18:11

Amu Abraham, nug wau Sarah ele aa kaino meya malapiɗ, amu Sarah nug nid menukkunu elele iitta.

Genesis 25:21

Aisak wau Rebeka nug nid iitta, nug ah mattoi amunu, Aisak nug Yawe amegppa amunu unuqitte, Yawe Nug he, Rebeka nug oo ele oiyom.

Genesis 30:1

Haen Rahel nug ah mattoi oiya, Jakop nid ii metta antta, nug Leanu, dahilppa anam daalon dabmak aɗa daya, nug Jakop amegppa aum. “Na nid meɗe! Iitta amu, da mauhkkul,” awa aum.

1 King 1:1

Haen King Dawit nug kainonab ma dayom, haen amuppa amu, nug beɗu ulah qe, oug doyeye, nuhig maɗi nid ag haen oh palanget laidttappig, amge nug beɗu ii gakkaɗttom, iitta.

2 King 4:14

A amu, Gehasi ah nai aum amu Elisa amegppa a, Elisa nug aum. “Amge i keeke aɗi laa nuhignu hekkunih?” awa oɗ mettom. Oɗ mette amu, Gehasi nug aum. “Ah amu nug bekka laa iitta, nug gamu ele am kaino meum,” awa aum.

Luk 1:5

Aria, haen Herot okkai nug Juda dilag king dayeye, mana mettak danab laa dayom. Nug am ameg laa onig Abaiya ameg, amu ooppanu, nug onig Sekaraia. Nug wau am onig Elisabet. Aa oh am Aron buɗub.

Luk 1:6

Aa oh Kayak noobppa tutukku oittapiɗ. Aa Naɗinu haknunab anak, ɗo nai oh ele Kayaknu neekkakppa eleleib dim lamidpiɗ.

Luk 1:8

Aria, haen laa Sekaraia laikkud ele, amuam Abaiya ameg amu, ag maɗi ahilag hekkulagnu haen be, ag henan daanna amu, Sekaraia nug ele Kayak noobppa mana mettak uɗat nuhig heum.

Rom 4:19

Abraham nug doyom, nug maɗ nuhig 100 guguittak, nug beɗu amu bodoettak, amu Sarah nug ele anam daya, ⌊ah mattoi ele dayom⌋, amge Abraham nug amu doya, ooppa genab doyak nuhig ii paɗom. Iitta. Nug ooppa genab doyaya dayom.

Hibru 11:11

Sarah nug am ah mattoi, nug kaino ma, nid aokkunu haen nuhig iitta meum, amge Kayak Nug nug nid menukkunu nai qakka a, Sarah nug Kayaknu ooppa genab doyom amunu Kayak he, Sarah nug nid menukkunu elele dayom

1 Samuel 1:2

Elkana nug ah aɗit diiatom. Ah laa onig Hana, amu ah laa onig Penina. Amu Penina nug nid menuattom, amge Hana nug ah mattoi, nug nid laa ii menuom.