Luk 1:54 - Nobonob Baibel

^54-55 Nug maɗi nid nuhikkud, amuam Israel danab amu, nug ah ehanattom. Nug ig alankad Abraham, nug buɗub ele, Nug amu dilagnu hanhan oo gai-iitta doya oo matta ehanadkkunu ig mamelkad aɗi amelagppa aum, Nug nai amu daug ii atitte. Iitta. Nug anam hette,” awa aum.

Luk 1:54 ပူးပေါင်းရင်းမြစ်များ

Sam 46:5

Kayak Nug aab okkai amuppa daatte amunu, aɗitai laa uɗalkkunu ii daatte. Ao, Kayak Nug danab ah appa daatteb ehanatteb, ag padal mak ii anidmana. Tuqan uug bekkutai, amge buttua, wakkaɗebeb, Nug ag ehanadkku.

Sam 98:3

Am Yawe Nug oo mauhaknab kobol nuhig, oo metta ii uuak kobol nuhig ele Israel dilagnu dabmaama dim lamidkkunu nai anan qakkom. Yawe Nug anam hekkunu nai anan qakkom, amu Nug aakku heum. Ihinig Kayak Nug ehanikke, ig padal ii memut, amu wanppan danab ah oh ag amu anidppig.

Aisaia 44:21

Amu Yawe Nug atte. “O Israel danab ah, ag am dahilad maɗi nid maɗi ah ele amunu, ag Jakop buɗub, ag keeke imu ag daulagppa doaɗ! Da ag huu laippu daaglagnu hemi, ag am dahilad maɗi nid maɗi ah ele; da ahilagnu daul ii atima.

Jeremaia 31:20

Ag anam atteb, amge Israel danab ah ag am da bekkalad, da ahilagnu oo doyaknab iite doottem? Da ahilagnu ool huana iite mauhtte? Da ahilag eheɗ haknu dabmein, bu madakkulnu haen kuɗum attem, amge da amu heinne, da ahilagnu dabmettem, ahilagnu daul ii atitte. Da amu hettem amunu, da ag ele laippu daagnignu ool naɗi daatte. Da ahilagnu ool doyeb, ool matten ehanadkkul.” Yawe Nug anam awa atte.

Jeremaia 31:3

Amu anukka Yawe Nug ig Israel danab gumikka uɗia, Nug mattiaya inam aum. “Da oo mauhak tuqa ii awak eleppa ahilagnu ool mauhom, gemu ele amu hettem. Ao, da oo mauhaknab kobol dim lamittette, dahilppa uɗiglagnu eeɗadmi.

Maika 7:20

Na anukkanab ig mamenkad aɗi amelagppa ihinigppa aɗi hekkutnu nahip nai ɠagattag qena mattime amu, na Jakop buɗubppa aɗi hekkutnu ame amu, na anamib hekkut. Ao, na Abraham buɗub dilagnu oot gai-iitta doon oot mattan ehanadkkutnu ame amu, na anamib hekkut.

Luk 1:53

Danab enug aqak dooppig ele amu Nug he, oolag dittiom. Ao, danab ag enulag ele amu, Nug aɗatte, ag keeke laa ii aɗappig, hamu goppig.