Luk 1:3 - Nobonob Baibel

^3-4 O danab naɗi Tiopilus, na ele keeke amunu aeg doome. Aeg doome amunu, da ele na nai doome am genabnab dookkutnu nahipnu nai amu baula yaakkulnu ool dayom amunu, da keeke amu digmakppanu ukke batakppa ele ohnu oɗmak tutukku elelenab hei, aeg doyen, iikku eleleppa yaattem.

Luk 1:3 ပူးပေါင်းရင်းမြစ်များ

Sam 40:5

O Yawe, dahil Kayak, na keeke kuɗum, danab amu hekkunu elele iitta, na aakku heme. Ao, na keeke ena ena kuɗum ihinignu maidme amu, laa nug keeke amu ohnu eɗua, na amenppa ab dookkutnu elele iitta. Keeke na hekkutnu maidttem am huanak, ebqaknu iitta amunu, da ma anttak hein, da laa amegppa keeke amu ohnu akkulnu hekkul dayeb amu, da elele iitta. Am keeke kuɗum, huanak ele.

Sam 50:21

Na amu oh heehe, da Kayak, da na bu ii mettami. Ao, da na bu ii nittami amunu, dahil hak amuppanu na da eletai kobol nau amubia hettem dabmeme. Amge da anam ii hettem. Da na daut baten, hettoɗiakppa meidkkul.

Prowerb 22:21

Aun laa oɗ meeb, na nob genab medakkutnu amu; da doyak diig genabib, nai ena ele iikku ippunidttem.

Eklisiastis 12:9

Ippunittak danab nug nai imu yom amu, nug am doyak dabmak okkai ele, amge nug nukka amu aɗa, nugib ehanidkkunu ii heum. Iitta. Nug doyak amu danab ah dooglagnu ele ippuanattom. Nug dabmak okkainab awawa, nug oiyak ehanittaknu nai tutu elenu meu pehettak anidkkunu haaha, nug awa babaitta, listappa pehettak yom.

Luk 1:1

O danab naɗi Tiopilus, danab kuɗum ag tatam keeke ig oonigppa beppig, amunu nai yaappig.

Aposel 1:1

O Tiopilus, yaak dahil da tatam yaami amu, da yaak amuppa Jesus Nug uɗat oh heumnu, Nug danab ah keeke ippuanattomnu ele yaami. Nug uɗat amu digme uɗie, deɗ Nug hab aabppa teum batak, Nug uɗat amu oh heum. Amge ii ukkom haenppa Nug gokkunu haaha, tatam Nug nuhikkud totol danab 11, Nug tituanattom ele amu, ag aɗi aɗi hekkulagnu, Nug Kayak Ouɗi ɠagattagppa nai mattom.

Aposel 11:4

Ag anam appig, amge Pita nug keeke oh be, nug heum ele amunu mehuqaqa, amelagppa inam aum.

Aposel 15:19

Anam amu dahil dabmak am inam; iitta aɗi ag oolag eɗueb, Kayak dooppeg amu, ig ag uug ii mattamta.

Aposel 15:25

Ag gona anam heeg, nai amu uɗie ig doota, ig nai mattit, oonig laippu meta, ig lainti gokkulahnu otiatmut. Amu ig lainti aɗit laa ele ig ahilahnu oonig huana hette ele, amuam Barnabas, Pol ele, aa ele aakku gokkulagnu amut.

Aposel 15:28

Ig qagmeta nai mattiutut, Kayak Ouɗi Nug ig ehanikka, ig ɗo laa aot, ag qaɗelagppa ii memata, ag imu iikkuib dim lamidkkulagnu ippunikkom, aakku ig Nug oɗe dim lamidta, inam attem.

Aposel 18:23

Amu Pol nug ukka Antiok noa, nug appa haen nakok elab dayowa amu dimppa nug aha, Galesia, amu Prigia ele dilah wan atu, nug appa aab laalappa ukka oiyaya, Kristen oh ɠagattag aqom.

Aposel 23:26

“Da Klodias Lisias, da ad uɗug imu danab naɗi, gawana Peliksnu iikku yaattem. Da na humidttem.

Aposel 24:3

Amuppa ig aabaab ohppa ig oonigppa enanag doota, ig na, danab naɗi Peliks, ig nahipnu hanhan ‘Ena heme’ aot attem,” awa aum.

Aposel 26:25

Pestus nug anam e amu Pol nug aum. “O Naɗi Pestus, da kaaka ii niɗatte! Da madittem imuam genab, nai kaaka iitta.

1 Korint 16:12

Aria, ig lainig Apolos, nuhignu amu da iikku attem. Haen kuɗum da nug amegppa, nug geha ukkebeb, lailad laala ele oh gona, ag anadkkulagnu ɠagattag ami, amge nug gemu gokkunu am uua autanab awom. Dimppa nug ib elele antta, aria nug geha gokku.

1 Korint 7:40

Amge da dahil dabmak am inam. Nug danab laa awak uua, hamu daakku amu, nug gamag ahak aokku; amu gamag ahak amuam nug danab aolo, gamag ahalo, am gamag ahak amu eɗidkku. Amuam dahil dabmak, amge Kayak Ouɗi Nug ele anam maidtte bia doottem.

1 Timoti 4:6

Na mattiak imu i laintad amelagppa madikkut dayeb, na tuɗidna, ooppa genab doyaknu nai, ippunittak nai ena aome ele aɗan dabmenan dim lamidkkut dayeb amu, na Kristus Jesusnu maɗi nid ena daakkut.