Luk 1:20 - Nobonob Baibel

²⁰ Amge na da nai ami amu ootppa genab ii doome amunu, na nai madikkutnu, oɗenppa oqotti laa hekkutnu ele elele iitta daakkut. Iitta. Na anam daappe ukkeb, haen keeke amu oh genab beeb, na eɗun nai madikkut. Da nai ami amu haen dob, genab meu bekku,” awa aum.

Luk 1:20 ပူးပေါင်းရင်းမြစ်များ

2 King 7:19

Amge ban daup ikki gemu mauhom amu, nug Elisa nai aumnu, nug nob ma inam aum. “Antte! Yawe Nug habnu od matulatta, ee kuɗum gokkaɗeb neeb mekkeb amu, ig men doɗo nakokppa ee anam ii daden memata,” awa aum. Nug anam a amu, Kayaknu danab Elisa nug ban daup ikki amu amegppa aum. “Genabnab genab, keeke amu geha beeb na amenppa anidkkut, amge na ee amu nakok laa ii lamana,” awa aum.

2 King 7:2

Elisa nug anam a amu, ban daup ikki laa king ehanidtte, nug king ele oh uɗipiɗ, nug Elisa nai amu a doya, nug nob ma inam aum. “Yawe Nug habnu od matulatta, ee kuɗum gokkaɗeb neeb mekkeb amu, ig men doɗo nakokppa ee anam ii daden memata,” awa aum. Nug anam a, Elisa nug danab amu amegppa aum. “Na amu attem, amge da ami am genabnab genab, keeke amu geha beeb na amenppa anidkkut, amge na ee amu nakok laa ii lamana,” awa aum.

Eksodas 4:11

Moses nug anam a amu, Yawe nug amegppa aum. “Aun Nug danab ah oɗelag madatte? Aun nug he, danab ag nai mattiglagnu elele iitta daatteb? Aun nug he, danab ah daulag ituak daatteb? Aun Nug he, ag amelag keeke anidtte, o Nug he, danab ameg gaɗutte? Da Yawe daib, da aakku anam hettem

Esekiel 24:27

Danab amu nug gumitta beeb, haen amuppanab na digmena, hanhan nai madittem bia madikkut. Na oɗe qamuttak ele baula ii daamna. Na anam daakkut amunu, na Israel danab ah dilag at daakkut. Amu ag da am Yawe dooglag,” awa aum.

Esekiel 3:26

Israel danab ah ag nai tappe nak danab ah amunu, ⌊da ag bu okkainab madakkul. Amuam⌋ da heppi, na oɗen qamuttak daan, na nai mattinna, Israel danab ah daulag batakkutnu elele iitta daakkut.

Daniel 10:15

Nug anam awa aawo, da dup noin, gatel qaun o, da nai laa madikkulnu elele iitta daami.

Namba 20:12

Amge Yawe Nug Moses, Aron ele amelahppa aum. “Aa Israel danab ah da am Kayak oppiaawak ele daattem Israel danab ah ippunadkkulahnu dahilnu oolahppa elele genab ii doopiɗ amunu, aa geha da wan Israel danab ah madakkulnu hettemnu ami amu, aa appa ii diiya nomaya,” awa aum.

Mak 16:14

Dimppa amu Jesus Nug ippunittak awak danab 11 ag ee lanana daaegeg, Nug tula gumatta wana, Nug ag ooppa genab doyak iitta daanna, ag laa ag Nug eɗua hibaittom dimppa anidna, ag amelagppa appig, amge ag oolagppa genab dooglagnu uun, ahilag dabmak amu ɠagattag eppom, Nug amunu daulag batom.

Mak 9:19

Danab nug anam a amu, Jesus Nug oɗeppa awa aum. “Ag oh oolagppa genab doyak iitta. Da ag ele haen elab daamut, amge ag dahilnu oolagppa genab ii dootteb amunu, da ool uug ele. Ag haen ganeb ag dahilnu oolagppa genab dooglag? Ag nid omalna dahilppa doig!” awa aum.

Luk 1:19

A amu engel nug oɗeppa awa aum. “Da am Gabriel. Da Kayak noobppa daattem, amu Nug he, da amenppa nai ena imu appi dookkutnu uɗimi.

Luk 1:21

Aria, engel nug nai amu mattieye, Sekaraia nug lag ooppa dayeye, danab ah ag nug ameg mena daanna, dabmak kuɗum aona, akka akka appig. “Kayaknu mettid lag amuppa keeke attem be, nug haen elab daatte?” aon appig.

Luk 1:22

Dimppa nug dimittim doa, nug oɗeppa ag amelagppa nai akkunu elele iitta dayom. Anam amu ag dooppig, nug Kayaknu mettid lag ooppa tulegleg laa anttom. Aɗinu? Nug eppegppaib nai mattiak bia heum; nug oɗeppa nai laa madikkunu elele iitta.

Luk 1:45

Naɗi a, na ootppa genab doome amunu, na Naɗinu itittak ena aome daattem. Nug aum amu, amuam genab anam bekku.” Elisabet nug anam aum.

Luk 1:64

Nug nid onig ye anidna, ag dabmak kuɗum aoegeg amu, haen amuppanab Sekaraia nug oɗe oppate, lemaɗu uug iitta me, nug nai mattiaya, Kayak binag meum.

Rom 3:3

Genab, Juda danab laala ag nai amunu oolagppa genab ii dooppig, amge ooppa genab ii doyak ahilag amuam he, Kayak Nug aɗi hekkun attenu oo metta ii uuak kobol dim lamidtte, am nuhig kobol amu iitta meumte?

2 Timoti 2:13

Ig nuhignu oo metta ii uuak kobol ii dim lamidkkunig dayeb; Nug nuhig diignu oo metta ii uuak kobol dim lamidkku. Aɗinu? Nug nuhig diig attem daatte, Nug amunu oo metta ii uuak kobol ii dim lamidkkunu elele iitta.”

Taitus 1:2

Doyak diig genabib amuam he, ag bauklel hanhannu aoppig daatteb dootteb. Kayak, Nug hambuppuak nakok laa iinab maditte amu, Nug ag bauklel hanhannu amu aoglagnu anukkanab, keeke ii heum haenppa nai qakka aum.

Hibru 6:18

Aria, gemu keeke aɗit amu aakku daattep; laa am Kayak Nug keeke genab hekkunu nai qakka aum, laa am Nug nuhig nai Nug Nug onigppa ɠagattag qettom. Keeke aɗit amu aa baolikkulahnu elele iitta. Kayak ele hambubukkunu elele iitta. Aria, ig laa, ig Kayak Nug ig gog tak haenppa bauklel mekkeb aognignu dabmak aɗat daat, ameg mettem ele amu, keeke aɗit amu aa ig oonig ɠagattag qedattep.

Revelesen 3:19

Da bekkalad dilagnu ool mauhe, amu da ag tutukku daaglagnu ag daulag batete, ahilag kobol ena bekkulagnu toliadttem amunu, na kobol nahipnu dabmena autna aona, oot eɗuaɗ!