Luk 1:18 - Nobonob Baibel

¹⁸ Nug anam a, Sekaraia nug engel amegppa aum. “Da attem heina, nai amuam genab daatte dookkul? Da kaino memi, amu ah dahil ele kaino meum,” awa aum.

Luk 1:18 ပူးပေါင်းရင်းမြစ်များ

Genesis 15:8

Yawe anam aum, amge Abram nug Yawe oɗ mettom. “O Naɗi Yawe, da dimppa wan imu genab aokkulnu amu, da attem hein, da amu dookkul?” awa aum.

Genesis 17:17

Kayak Nug anam a amu, Abraham laippun gateg qaun o, gomela, iɗu wanppa ma dayaya, nug nukka imaama, ooppa aum. “Danab laa nug maɗ 100 ele dayaya amu, nug nid danab aokkute? O Sarah nug maɗ 90 ele dayaya amu, nug nid menukkute?” ooppa aum.

Genesis 18:12

Anam daapiɗ amunu, Sarah nug nai amunu ooppaib imaama dabmakppa aum. “Da amu ah kaino memi. Dahil naɗi, da gamul, nug ele danab kaino meum amunu, da nid awaknu oolppa gamag ahak, ena ele doyak dookkulte?” awa aum.

2 King 7:2

Elisa nug anam a amu, ban daup ikki laa king ehanidtte, nug king ele oh uɗipiɗ, nug Elisa nai amu a doya, nug nob ma inam aum. “Yawe Nug habnu od matulatta, ee kuɗum gokkaɗeb neeb mekkeb amu, ig men doɗo nakokppa ee anam ii daden memata,” awa aum. Nug anam a, Elisa nug danab amu amegppa aum. “Na amu attem, amge da ami am genabnab genab, keeke amu geha beeb na amenppa anidkkut, amge na ee amu nakok laa ii lamana,” awa aum.

Aisaia 38:22

Amge tatam Hesekaia nug Aisaia inam oɗ mettom. “Yawe Nug da geha eɗue bau mein, nuhig mettid lakka gokkulnu aum amu, nug geha at aɗi, da nai amuam genab bekku dookkulnu meɗakku?” awa oɗ mettom. ⌊Nug anam oɗ mette, Yawe Nug he, lokko adqaɗppa dayom, lokko amu aben dayomppanu eɗua teum.⌋

Luk 1:34

Anam a amu, Maria engel amegppa aum. “Keeke amuam attemutai bekku? Da danab ii awen, ah makkun daattem,” awa aum.

Luk 1:7

Amge aa nid iitta. Elisabet nug ah mattoi amunu aa hamu oiya, kaino mepiɗ.

Rom 4:19

Abraham nug doyom, nug maɗ nuhig 100 guguittak, nug beɗu amu bodoettak, amu Sarah nug ele anam daya, ⌊ah mattoi ele dayom⌋, amge Abraham nug amu doya, ooppa genab doyak nuhig ii paɗom. Iitta. Nug ooppa genab doyaya dayom.