Luk 1:12 - Nobonob Baibel

¹² Sekaraia engel antta, nug huan ottaia, oo ele huana baɗom.

Luk 1:12 ပူးပေါင်းရင်းမြစ်များ

Daniel 10:7

Da, Daniel, da dakka tulegleg amu anidmi, laa da ele daamut, ag ii anidppig, amge baɗak eheɗ nau ahilagppa be, ag oolna, lokkumna daappig.

Mak 16:5

amunu, ag gona, moɗ ooppa nona, nid bau laa nug lamen elab hakkab ele nug naɗiap-ppa heɗep na dayeye anidna, ag baɗappig.

Luk 1:29

Maria nug nai amu doya, nug ottaia dabmak kuɗum awa, nug nukka nuhig dabmakppa aum. “Nai amu attemunab?” awa aum.

Aposel 10:4

Nug anam a amu, Kornilius nug ameg behabe, engel neekkittatta, huanak baɗaɗa nug aum. “O naɗi, amu aɗitai?” awa aum. A aria engel nug amegppa aum. “Kayak Nug nahip unuqittak doya, amu daɗek ehanittak kobol nahip ele antta, nahipnu dabmette.

Revelesen 1:17

Da Nug anam anttena, mauhak bia Nug baegppa nein qemi. Amge Nug eppeg naɗiap da qaɗelppa ma dayeye, Nug da amelppa aum. “Na aib baɗame. Da hanhan daattem; anuqakppa, batakppa ele da daattem.

Ikki Danab 13:22

Nug anam doya, wau amegppa aum. “I Kayak anidmuɗ amunu, geha mauhkkunih!” awa aum.

Ikki Danab 6:22

Haen Gideon nug aakku laa daya qettoɗom ele, amuam Yawenu engel doya amu, nug ewa aum. “O Naɗi Yawe, ⌊da nauhmi daattem. Aɗinu?⌋ da na, Yawe, da nahip engel amelppanab anidmi,” awa aum.