Lewitikas 9:24 - Nobonob Baibel

²⁴ Aakku, Yawe toppan aab aɗu na, manaknu ofa, amu ittag ele qaɗabppa dayom, am laippun ewa iitta meum. Haen danab ah ag amu oh anidna, ag maɗoɗppan gamag ahak doon ena, ag laippun gatelag qaun ona, gomelna, iɗulag wanppa meppig.

Lewitikas 9:24 ပူးပေါင်းရင်းမြစ်များ

Genesis 15:17

Yawe Nug anam a amu, aam no, gatatu ne, keeke waa bia, aab kahug amuppa teete, ooppa aab aɗu, hul dittiak bia dittieye, amu newowa, doɗ teppu amu gamagppa oiyom.

Genesis 17:3

Kayak Nug anam a amu, Abram nug laippun gateg qaun o, gomela, iɗu wanppa ma daye, Kayak Nug tuɗitta aum.

2 King 19:15

Hesekaia nug kola me dayeye, nug Yawe inam unuqittom. “O Yawe, na Israel dilag Kayak, na Tituanak Nainu Kunupnu engel okkai-kerubim aɗit dottolah gamalahppa sia king nahip-ppa daattem. Na hab, wan ele hatame. Na aakkuib am wan ohppan Kayak daattem.

1 Stori 21:26

Dawit aben amu anam daden ma, nug qaɗab qewowa, nug manaknu ofa, laippu dayaknu ofa ele qaɗab amuppa manatta, Yawe mettom. Nug anam ha, nug Yawe unuqitte, Yawe doya he, aab aɗu habppannu manaknu ofa haknu qaɗabppa neum.

2 Stori 6:2

Solomon nug danab ah amelagppa anam awowa, nug nai tuɗitta, Yawe amegppa inam unuqittom. “O Yawe, gemu amu, da mettid lag enanag nahip, na haen oh imuppa daakkutnu iikku hemi,” awa unuqittom.

Esra 3:11

Ag tena daan, ag Yawenu binag maknu ahi laa ettanna, ahi amunu eɗua ettaknu nai-kores imu baubau edappig. “Yawe Nug enaib dayaya, enaib hette. Israelnu amu, nuhig oo mauhaknab kobol hanhan alet daatte.” Lewi buɗubppan mana mettak danab, Lewi buɗubppan mana mettak danab iitta ele, ag anam heeg, Israel danab ah laa oh ag Yawe laug ukkunu men meeg ukke, mena malappig anidppig amunu, ag Yawe binag mekkulagnu ewak baag okkai, huanak laippu heppig.

Sam 80:1

O na ig Israel, na ihinig gumitta danab, na sipsip gumitta danab nug sipsip ameg laa diia, laih gotteb bia na ig Israel anuqna gonana omaigttem amu, na ihinig unuqittak imu dookkutnu oɗ medattem. Na sia king nahip-ppa engel okkai-kerubim aɗit dottolah gamalahppa daattem amu, na heppe,

Eksodas 3:2

Amu Moses nug appa oiyeye, Yawenu engel nug tula, Moses toppa beum, amge Nug miag ii beum. Iitta. Nug aab ewak bia, ad nakok laa eppeg ooppa dayeye, Moses nug ad amuppa aab ewewe anttom, amge nug aab dittia, ad ewa ii malele ele anttom.

Lewitikas 10:2

Aa anam hepiɗ amunu, aab aɗu Yawe toppan na, aa ewate, aa Yawe noobppa mauhpiɗ.

Lewitikas 6:13

Aab nug deɗ ohppa haen oh qaɗabppa ewawaib daakkuoittede, aib daulag atiom. Aab amu nug iinab qauhkkuoitte,” awa aum.

Namba 14:5

Ag anam aeg amu, Moses, Aron ele aa Yawe unuqidkkulahnu, Israel danab ah laa oh daappig noolagppa laippun gatelah qaun o gomelya iɗulah wanppa mepiɗ.

Namba 16:22

Yawe Nug anam aum, amge Moses, Aron ele aa laippun gatelah qaun o gomelya iɗulah wanppa meya, aa Kayak unuqidya apiɗ. “O Kayak, na danab ah oh dilag Kayak. Na danab laippuib hipunin heeb amu, danab ah oh imu dilagnu oo nauhak doon, eheɗ hadakkutte?” aoya apiɗ.

Namba 23:21

Nauhak laa Jakop buɗub dilagppa bekkunu gemu ii daatte. Ao, Israel danab ah ag qagaiettak laa anidkkulagnu ii daatte. Yawe, ahilag Kayak, Nug ag ele daatteb. Yo, Nug ahilag king daatte, amu ewak amu ahilagppa daatte.

Matyu 26:39

Nug anam awowa, Nug nakok baula wana ukka, appa Nug laippun gateg qaun o, gomela, iɗu wanppa ma, unuqitta aum. “O Mama, uug oh da maokkul ele, amuam leppu mua eheɗ nau kap-ppa daatte bia, amu na ib laa anidna appe, da le kap amuppanu da ii lapa, amge na dahil dabmaknab aottem ii dim lamidmana. Iitta. Na nahip dabmaknab aottem amuib dim lamidkkutnu ool daatte!” awa aum.

Revelesen 4:9

Hab daup waɗele Kayaknu bauklel aotteb ele, ag Kayak, sia king ⌊anuqak,⌋ appa daatte, Nug ele hanhan bau daatte, ag Nug binag, amu binag amahlak oppiaawak ele menana, “Ena heme,” aon aegeg,

Revelesen 5:8

Nug buk itoɗiak amu awe, hab daup waɗele Kayaknu bauklel aotteb ele, aria ikki danab 24 ele ag Sipsip Nag noobppa dup noppig. Ikki danab oh ag am harp aɗualadnana, ag ele tappiɗ golppa hattak, kalu danab ile muttuɗig enanag bette ele tappiɗppa ambak ele, amu eonna, muttuɗig oegeg aɗualadna daappig. Kalu amuam Kayaknu danab ah oppiaawak ele dilkad unuqittak aakku.

Revelesen 7:11

Amu engel oh ag sia king ⌊anuqak⌋, ikki danab, amu hab daup waɗele Kayaknu bauklel aotteb ele, ag amu oh taliliadna daaeg, ag oh sia king ⌊anuqak⌋ noobppa gatelag qaun ona, ag dup nona Kayak binag meppig.

Ikki Danab 13:23

Nug anam aum, amge wau nug amegppa aum. “Yawe Nug niteb mauhkkunihnu helo amu, Nug manaknu ofa, ee aegnu ofa ihinih ele ii aolo. Nug i noonihppa tula doa, i amenihppa keeke enanab bekkun daatte aab ii doolop; keeke danab laa hekkunu elele iitta amu ele ii helo,” awa aum.

Ikki Danab 6:21

He amu, Yawenu engel nug dudqak hokkat aɗom amu, nug amu noobppa teppu, bret yis iitta ele lauɗitte, aab dittiak menppanu ba, teppu, bret yis iitta amu ele ewe, iitta meum. Aakku Yawenu engel qettoɗom.