Lewitikas 8:4 - Nobonob Baibel

⁴ Yawe anam aum amunu, Moses nug Yawenu nai dim lamitta he, danab ah ohnab ag mettid haknu peh lag danab ah appa qagmetteb ele, ag lag amu odppa qagmeppig.

Lewitikas 8:4 ပူးပေါင်းရင်းမြစ်များ

Eksodas 39:1

Amu ag linen muɗi kaala iɗu iɗu, am ed, perpel, kokoɗnab ele amu, ag muɗi amuppa mana mettak danab ag Yawenu mettid haknu peh laugppa nuhig ɗo maɗoɗnu uɗat hekkulagnu agappig. Ag lamen Aron nug ma, uɗat amu hekkunu heppig. Lamen amuam Yawenu tituanak daatteb. Yawe Nug Moses amegppa haknunab aum, ag Nug aumbianab aakku heppig.

Eksodas 39:21

Ag amu hewona amu, ag muɗi ed ele aon, ring aɗit momo tonaknu lamenppa qakkatak daattep, aria ring aɗit lamen enanag-epod, amuppa qakkak daattep ele, ag muɗi amu aon, ag ring aɗit aɗit amu, ag muɗi amuppa aɗit aɗit qakkalatppig. Aria, ag amu anam qakkaeg, amu geha momo tonaknu lamen am ɠagattag, lamen enanag-epod qaɗeppa qataqak lamen nakok elab imuagppa matagiɗ bia qakkaknu, amu qaɗeppa dayaya, ilul ii eum. Yawe Nug Moses amegppa haknunab aum, ag aumbianab aakku heppig.

Eksodas 39:29

Aria, ag imuagppan lamen am linen muɗi hakkab, am linen muɗi kaala iɗu iɗu, am ed, perpel, kokoɗnab ele, ag amuppa lamen amu heppig. Danab ag koitak uɗat doon autna aoppig ele amu, ag heppig. Yawe Nug Moses amegppa haknunab aum, ag Nug aumbianab aakku heppig.

Eksodas 39:5

Ag amu hena, amu nuhig lamen nakok elab enanag, imuagppa matagiɗ bia qakkaknu, lamen amuam lamen enanag-epod ele laippu henana, ag laa heppig bia heppig. Ag linen muɗi hakkab, linen muɗi kaala iɗu iɗu, am ed, perpel, kokoɗnab ele amu, am muɗi golppa hak ele, ag muɗi amu oh aon, imuagppa qakkaknu lamen heppig. Yawe Nug Moses amegppa haknunab aum, ag Nug aumbianab aakku heppig.

Eksodas 39:7

Ag amu hewona amu, ag men aɗit amu lamen enanag-epodnu qatti aɗit gukka laih laih tonat-ttep amu, ag amuppa qakkalatppig; am geha Israel dilag huu okkai 12 dilag at aakku daapiɗ. Yawe Nug Moses amegppa haknunab aum, ag Nug aumbianab aakku heppig.

Lewitikas 8:13

Moses nug anam hewowa, amu Yawe Nug anam haknunab aum bia, nug Aron bekkod diia doa, lamen nakok elab, nug lamen amu aɗualatte noeg, lamen matagiɗ imualagppa tagattowa, ikkilagppan lamen ele ikkilagppa itattom.

Lewitikas 8:17

Yawe Nug Moses anam haknunab aum bia, nug makau dawai kunum laih oh, amuam gaɗa, teppu, amu biig, biig ooppan biilag ele oh akka, nug haen tutu dayaknu aab kalak dimittim appa ukka, mane ewa, iitta meum.

Lewitikas 8:29

Aakku Moses nug doɗ momo awa, Yawe noobppa huma epponitta mettaknu ofa heum. Yawe Nug Moses amegppa haknunab amegppa aum bia, Moses amu heum. Amu sipsip dawai momo teppu amu, amuam baɗ awaknu ofanu doɗnu momo amu, momo amu nuhig dayom.

Lewitikas 8:3

dahil mettid haknu peh lag danab ah appa qagmetteb ele, lag amu od oɗeppa do! Diin dona amu, Israel danab ah ohnab appa qagmekkulagnunab appe doyeg!” awa aum.

Lewitikas 8:35

Ag aib daulag atiom. Ag mettid haknu peh lag danab ah appa qagmetteb ele, ag lag amunu haɗap-ppa deɗ eblaih aɗit, amun tuqan ele, Nug ag aɗi hekkulagnu aum henan daaglagoitte. Ag ii mauhmananu, ag keeke oh Yawe Nug ag amuppa hekkulagnu aum amu, ag amu hekkulagoitte. Yawe Nug ag anam hekkulagnu da amelppa akkulnunab aum amunu, ag anam hekkulag.

Lewitikas 8:5

Ag qagmeeg, Moses nug amelagppa aum. “Yawe Nug da aɗi hekkulnunab aum amu, gemu da hekkulnu hettem,” awa aum.

Lewitikas 8:9

Nug amu hewowa, nug igippan lamen Aron igippa ma, Yawe Nug Aron tituanom ippunadkkunu at laa golppa hak, amuam Yawenu tituanak daatte amu, nug amu lamen amu noobppa, Yawe Nug anam haknunab aum bianab meum.

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

1 Korint 11:23

Da nai imu Naɗi Jesus Nug oɗeppan nai awen, da ag amelagppa tatam ami amu da gemu eɗuen baula attem. Nai amuam inam. Judas Nug tuqan Naɗi Jesus awa kekeɗ eppelagppa meum, tuqan amuppa Naɗi Jesus Nug bret awa,

1 Korint 15:3

Da ippunittak aomi amu da nai amu ag amelagppa mehuqi dooppig. Nai amu inam. Kayak naippa nai daatte amubia Kristus Nug ig oh ihinig hipunin uhuqa megakkunu mauhom.

Duteronomi 12:32

Ag haknunab anak da attem imu oh tutukku dabmettan dim lamitteg! Ag nakok laa aib tuɗidppig, maha laa ele aib otaɗppeg neum.