Lewitikas 8:31 - Nobonob Baibel

³¹ Moses nug anam hewowa amu, nug Aron, bekkod ele amelagppa aum. Ag mettid haknu peh lag danab ah appa qagmetteb ele, ag lag amu odppa, Nug ag anam hekkulagnunab aum bia, ag doɗ teppu laa daatte amu, ag amu oh uhina, ag appa ag baɗ awaknu ofanu kalegppa bret daatte amu ele laig! Ag amu hekkulagnunab amu, Yawe Nug inam aum. “Aron, bekkod ele aguppa laig!” awa aum.

Lewitikas 8:31 ပူးပေါင်းရင်းမြစ်များ

Lewitikas 10:17

“Ib etta, hipunin haknu ofanu amu, mana mettak amuam Kayaknu tituanaknab daatte amunu, aɗinu ag mana mettak amunu doɗ teppu aben Kayaknu tituanak daatte ele imuppa ii daanna lappig? Yawe Nug ag mana mettak amu hekkulagnu aum. Mana mettak amuppa Nug he, danab ah ag beɗulagppa aab iitta daatteb. Yawe noobppa mana mettak amuppa ag danab ah dilagnu hipuninnu nob nau doɗ tiigppa iitta meeb elele medakkunu hetteb.

Lewitikas 6:28

Am wan waate laa, doɗ teppu amuppa battiak dayeb amu, ag aoɗkkulagoitte. Am tappiɗ laa brasppa hak, amuppate battiak dayeb amu, ag leppa pehettan ihaglagoitte.

Lewitikas 7:15

Yawe amegppa, ‘Ena heme,’ anaknu, laippu dayaknu ofanu amu, doɗ amu teppu am deɗ nug mana mettak hette, amuppaib lanaknu daakkuoitte. Teppu laa wagɗeb lanaknu bakkalenu iinab mak daama.

Jon 6:33

Bret Kayak madatte ele, amuam laa hab aabppanu neum. Bret amu Nug wanppan danab ah bauklel madatte,” awa aum

Jon 6:35

Aon aeg amu Jesus Nug aum. “Bauklelnu bret am da. Danab nug dahilppa dotte amu, nug enug qak baula ii dooma. Am danab nug dahilnu ooppa genab dootte amu, nug le baag diiak baula ii dooma.

Jon 6:51

Bret bauklel ele hab aabppanu uɗiom am da. Am laa nug bret imu latte amu, nug bauklel hanhan daakku. Amu ele bret da wanppan danab ah bauklel daaglagnu madakkul ele imuam, da beɗul,” awa aum.

Galesia 2:20

Da Kristus ele oh ad emaitakppa aihlop bia mauhmi amunu da gemu bau ii daattem. Iitta. Kristus Nug da oolppa bau daatte. Anam daatte amunu, dahil oiyak wan imuppa oh amu da Kayak Bekkanu oolppa genab doyeye oittem. Nug dahilnu oo mauhe amu dahilnu ele mauhom.