Lewitikas 7:9 - Nobonob Baibel

⁹ Am ee aegnu ofa oh, am manaknu tappiɗppa babaittakte, o aen mahappa manakte, amu oh am mana mettak danab aun nug awa uɗia, Yawe medatte, am nuhig aakku.

Lewitikas 7:9 ပူးပေါင်းရင်းမြစ်များ

2 King 12:17

Juda dilag king Joas nug Yawenu mettid lag bappaidkkulagnu danab otiattom, amu dimppa Aram dilag king Hasael nug ban danab nuhikkud diie uɗin, Gat aab okkaippa ban hena, ag Gat eɗadna, aab ahilag amu aoppig. Aria, ag aab amu awona, ag Jerusalem aqaglagnu eɗun goppig.

Esekiel 44:29

Mana mettak danab ag Israel danab ah dilag ee aegnu ofanu aeg, amu ib etta hipunin haknu ofanu teppu laa, amu eheɗ haknu ofanu teppu laa ele aon lakkulag. Ag amu lakkulag, amu aɗi keeke Israel ooppa Yawenuib nuhig pelemppa daatte ele amu, amuam ele mana mettak danab dilag aakku.

Lewitikas 2:10

Ee aegnu ofa, amunu maha laa oh amu, ag Aron, bekkod ele, ahilag ee daakkunu mattaglag. Mana mettak imunu maha amu, am mana mettak oh ag Yawe mettaknu aab aɗunu ofa hetteb, ofa amu oolagppan maha laala am Yawenu tituanaknab daatteb, amu maha Aron bekkod ele aoglag amu, am amunu laa aakku.

Lewitikas 5:13

Ib amuppa amu, mana mettak danab nug mana mettak amuppa heeb, danab aun nug aɗi hipunin laa amu oolagppa heum ele amu, hipunin amunu eheɗ haknu nob nau doɗ tiigppa iitta meeb elele metteb, Yawe Nug hipunin uhuqa medakku. Plaua laih oh amu, geha ee aegnu ofa hena hetteb, amubia mana mettak danabnu daakku.” Moses nug anam aum.

Lewitikas 7:10

Aria, ee aegnu ofa laa oh amu, ag plaua olip goɗen eleppate kaboliak, o iitta, plaua qaɗaiettakte, amunu hak oh am, ag otin, mana mettak danab oh, ag bekkalkad ele mattaglag; ag oh Aron buɗub.

Lewitikas 7:8

Am manaknu ofanu amu, doɗ amu gaɗa am mana mettak danab nug mana mettak amu hette ele, am nuhig daakku.

Namba 18:9

Ag mana mettak maha dahilnu tituanaknab daatte laih aab aɗuppa ii managlag, danab ah ag da meɗaglag ele amu, laih amuam ahilag daakku. Israel danab ah ag mana mettak attem attem aon, dahilnu tituanaknab dayebeb meɗaglag, amuam ee aegnu ofa, o iitta ib etta hipunin haknu ofa, o iitta eheɗ haknu ofa amu, ag mana mettak amu laa aon wakkulag dayeb, ag aɗi keeke laa maha laa ii manak ele amu, amuam na, na begapad ele, ahilag.

1 Korint 9:13

Ag imu iite dootteb? Danab ag Kayaknu mettid lakka uɗat hetteb ele, ag ahilag ee Kayaknu mettid lakkanu aotteb. Amu danab ag doɗ mana Kayak mettaknu uɗatnab hetteb ele, ag qaɗabppanu ee aotteb.

1 Korint 9:7

Am danab laa nug ban danab daatte amu, nug amuppa nuhig ee iite aotte? O danab laa nug grepnu dad ebatte amu, nug grep meu iite latte? O danab laa nug meeme gumadtte amu, nug uɗat amu haaha, meeme huh amu iite latte?

Galesia 6:6

Danab nug Kayak nai dookkunu ippunittak danab laa waappa daatte amu, nug nuhig keeke ena ohppanu laih nuhig ippunittak danab amu mettaɗ!