Lewitikas 7:34 - Nobonob Baibel

³⁴ ⌊Nai amunu amu, Yawe atte.⌋ ‘Aɗinu anam daakkuoitte? Israel danab ag laippu dayaknu ofa hekkulagnu doɗ akkan dotteb ele amu, da amuppanu doɗ momo, tuɗi naɗiap ele huma epponitta mettak ele, da teppu amu haen oh mana mettak danab dilagnu epeɗiatmi daatte,’ ” awa atte.

Lewitikas 7:34 ပူးပေါင်းရင်းမြစ်များ

Eksodas 29:26

Na amu hewona, na sipsip dawai Aron bekkod ele ag mana mettak danab daaglagnu baɗ awaknu doɗ amu, na sipsip amunu momo aon, da, Yawe, da noolppa na huma epponitta mettaknu ofa he! Na amu hena malappe amu, doɗ teppu amuam nahip, na lakkutnu daakku.

Eksodas 29:9

ikkilagppan lamen ele ikkilagppa itan, imualagppan lamen ele qakkalatte! Aron, nug bekkod ele ag mana mettak danab daanna, aria danab amu ag, amu ag bekkalkad, alalkad, buɗulkad uma ukkak, nid danab geha mana mettak uɗat amu agib hanhan hekkulag; ɗo anam daatte. Na Aron, nug bekkod ele ib amuppa baɗ madakkut.

Lewitikas 3:17

Ag ittagte, o tiigte amu iinab lakkulagoitte. Ɗo imu buɗub buɗub doobob, ahilagnu hanhan daakkunu daatte.” Moses nug anam aum.

Lewitikas 7:33

Ag tuɗi naɗiap amu hanhan aoppeg, teppu amuam mana mettak danab, Aron buɗub aun nug laippu dayaknu ofappan tiig qaɗabppa tauɗowa, ittag ele mana Kayak medatte amu, teppu amuam nuhig daakkuoitte.

Namba 5:9

Ofa Kayaknu tituanak daatteb ele oh Israel danab ah ag aon dona, mana mettak danab medatteb ele, amu ohnu amu, maha laa mana mettak danab dilag daatte. Anam amu, amuam mana mettak danab aun nug mettaglag amu, nuhigppa daatte.

Namba 6:20

Mana mettak danab nug anam hewowa, nug ⌊keeke amu eɗua, Nasarait danab eppegppanu diia⌋ aɗalata, nug Yawe noobppa huma epponitta mettaknu ofa hekku. Keeke amuam Yawenu tituanak daatte. Keeke amu, amuam sipsip momo, baeg naɗiapnu tuɗi huma, Nug mettak ele amu, keeke amu oh am mana mettak danabnu daatteb. Aria, amu dimppa aun nug Nasarait ted dayom amu, nug aakku wain lakkunu elele.

Namba 8:11

Amu Aron nug Lewi buɗubppan mana mettak danab iitta, nug Israel danab ah ag danab ah amu ofa mettak bia meɗaglagnu, ag da Yawe, dahil uɗat hekkulagnu, nug Lewi buɗub amu diiatta, da Yawe, nug da gumiɗa uɗia, da noolppa maadkku.

Duteronomi 18:3

Danab ag mana mettak aon dotteb, amuam makau dawai laate, o sipsip laate amu, ag aɗi doɗ aon uɗitteb ele, mana mettak amunu maha laala am mana mettak danab, ag ahilagnu aɗaglag; maha amuam gukka naɗiap, akkabɗu, amu doɗ amu oo ele.