Lewitikas 7:19 - Nobonob Baibel

¹⁹ Doɗ teppu, laippu dayaknu ofa henana, manan, Yawe mettaeg, keeke laa Kayaknu neekkakppa dubuttid ele lauɗittak dayeb amu, teppu amu lanaknu ii daama. Amu maippeg ewa, iitta mekkuoitte. Amu laippu dayaknu ofanu teppu lanaknu daatte amu, danab ag Kayak ele ouqa dayaknu elele, ag oh lakkulagnu elele.

Lewitikas 7:19 ပူးပေါင်းရင်းမြစ်များ

Lewitikas 6:27

Aun laa, o aɗi keeke laa doɗ teppu amu lauɗidtte amu, nug ele Kayaknu tituanak ba daakku, amu tiig, aun laa nuhig lamen qette amu, lamen amu ag aben Kayaknu tituanak daatte eleppa ihaglagoitte.

Lewitikas 7:18

Amu doɗ teppu, laippu dayaknu ofa haknu amu, nug dayeb ukkeb, deɗ ewamppa laa lakku amu, Yawe Nug mana mettak amunu ena ii doya ii aoma. Danab nug mana mettak amu hekkunu dabmeum ele amu, Yawe Nug nuhignu, ‘Nug doɗ amu mana, da meɗom,’ ii dabmema. Deɗ ewamppa amu, doɗ teppu amuam Yawe noobppa dubuttid ele daakku. Aun nug lakku amu, nug eheɗ aakku ha, nug amunu bu aokku.

Lewitikas 7:20

Amge danab aun laa nug Kayak ele ouqa dayaknu elele iitta, nug laippu dayaknu ofanu teppu, Yawenu aon doppig ele, nug teppu amu lakku amu, nug Israel oolagppanu geɗittak daakkuoitte.

Luk 11:41

amunu, ag danab daɗek ehanadppeg, ii nauhppeg, ag oolag oppiaawak ele daakku.

Aposel 10:28

Pita nug kuɗum daaegeg anatta, nug amelagppa aum. “Ig Juda amu ihinig ɗo ɠagattag laa am Juda danab laa nug iitta aɗi laa ele oh ouqak laippu ii daamya, o Juda laa amu nug iitta aɗi laa ele gumitta ii wama, amge Kayak Nug da ippuniɗom, da danab laanu inam laa ii apa. ‘Da am Juda danab amunu Kayak amegppa da iitta aɗi amu da nug eɗidttem!’ Da anam awe ii apa.

Rom 14:14

Amu da am Naɗi Jesusnu danab, amu Nug da ippuniɗa auta awe, da ee laippu laa nug nukka ii lanaknu epeɗiak ii daatte doottem. Amge danab nug nukka keeke atten laa nug amunu eheɗ dootte, nuhigppa am eheɗ daatte ele doottem.

Rom 14:20

Ag aib ee lanaknuib dabmena, Kayaknu uɗat heppeg nauhom. Am genab, ee oh am lanaknu epeɗiak daatte, amge na keeke laa lae, amu he, danab laa nug oo eeɗak doya na qette dayeb amu, na aakku kobol eheɗ hettem.

2 Korint 6:17

Nug anam aum, amu Nug baula ele aum. “Anam amunu, ag ahan hipunin danab uuadna, ag gona, aben laih piɗe daaglag. Ag keeke Kayaknu neekkakppa dubuttid ele aib aɗappig. Am ag anam heppeg, geha da dakka ag diiatten,

Taitus 1:15

Am danab ag oolag dubuttid iitta ele amu, ahilagnu keeke oh am oppiaawak ele daatte, amge danab ag dubuttid ele, ag oolagppa genab ii dootteb ele amu, ahilagnu keeke oh am oppiaawak iitta. Ahilag dabmakppa, ahilag ooppan oiyak ippunittaknu ulum eleppa dubuttid aakku teum daatte.