Lewitikas 7:18 - Nobonob Baibel18 Amu doɗ teppu, laippu dayaknu ofa haknu amu, nug dayeb ukkeb, deɗ ewamppa laa lakku amu, Yawe Nug mana mettak amunu ena ii doya ii aoma. Danab nug mana mettak amu hekkunu dabmeum ele amu, Yawe Nug nuhignu, ‘Nug doɗ amu mana, da meɗom,’ ii dabmema. Deɗ ewamppa amu, doɗ teppu amuam Yawe noobppa dubuttid ele daakku. Aun nug lakku amu, nug eheɗ aakku ha, nug amunu bu aokku. အခန်းကိုကြည့်ပါ။ |
Lewitikas 7:18
31 ပူးပေါင်းရင်းမြစ်များ
Danab ah amu ag matmatppa danab boumattak oolagppa daatteb. Ao, ag tuqan danab ah mauhppig ele ag nai madippeg dooglagnu dabmattanna daatteb. Da ag bo teppu, doɗ laala ele ii lamananu ami, amge ag bo teppu lanana, ag doɗ laala, doɗ amu ag lamananu aib ami ele, ag amu tebuppa lewa hena, lanan daatteb.
Amge laa nug ⌊dahil nai ii dim lamitta,⌋ nug makau dawai mana, da meɗatte amu, nug am danab layag qe mauhtte bia daatte. Laa nug ⌊dahil nai ii dim lamitta,⌋ nug sipsip nag mana, da meɗatte amu, nug danab nug qai mana, da meɗatte bia daatte. Laa nug ⌊dahil nai ii dim lamitta,⌋ nug ee aegnu ofa da meɗatte amu, nug am danab nug bo tiig awa meɗatte bia daatte. Laa nug ⌊dahil nai ii dim lamitta,⌋ nug kalu danab ile muttuɗig enanag bette ele mana, da meɗatte amu, nug am danab kayak hambuppuak dottolag noolagppa dup noa binalag mette bia daatte. Danab amu ag ahilag dabmakib dim lamidtteb. Ag keeke eheɗ nau, ag amunu oolagppa uuaknab doolob, ag hak amunu enanagnab dootteb.
Da anam unuqidmi, amge Yawe Nug Juda danab ah dilagnu inam atte. “Ag da uuiɗna, laih oiglagnu oolag okkainab daatte. Ao, ag akka ag heppeg, ag eheɗ amu hemananu ib ahilag keldokkunu nakok laa iinab hetteb,” awa atte. Amu Yawe Nug anam dootte amunu, Nug ag Juda danab ah, Nug ahilagnu ena ii dootte. Nug gemu ahilag nau hak dabmekku. Ao, Nug ahilag hipunin ag heegeg uɗie, gemu ele hetteb, Nug diig amunu ag bu madakku.
Danab ah imu ag ee ohnu kud mena daaglagtai, amge diig amunuib da ahilag unuqittak ii doopa. Ag manaknu ofa, amu ee aegnu ofa ele hekkulagtai, amge diig amunuib da ahilagnu ena ii doopa. Iitta. Da heppi, ag banppa, enugppa, amu oɗe nau danab kuɗum aqe mauhtteb eleppa ele mauhadna, padal mekkulag,” awa aum.
Danab aun nug hipunin hette ele, nug mauhkku. Laa nuhig abenab ii awa mauhma. Laa beɗuppa aab laa daatte ele amu, aab amuam nug bekka beɗuppa ii daama. O aab laa bekka beɗuppa daatte amu, aab amu nug mameg beɗuppa ii daama. Genab tutukku hak danabnu kobol genab tutukku ele, am nug beɗuppaib daakku. Danab nau, nau hette ele amu, nau hak amunu aab am nug beɗuppaib daakku. Laa beɗuppa ii daama.
“Ib etta, hipunin haknu ofanu amu, mana mettak amuam Kayaknu tituanaknab daatte amunu, aɗinu ag mana mettak amunu doɗ teppu aben Kayaknu tituanak daatte ele imuppa ii daanna lappig? Yawe Nug ag mana mettak amu hekkulagnu aum. Mana mettak amuppa Nug he, danab ah ag beɗulagppa aab iitta daatteb. Yawe noobppa mana mettak amuppa ag danab ah dilagnu hipuninnu nob nau doɗ tiigppa iitta meeb elele medakkunu hetteb.
Moses nug anam a amu, Aron nug amegppa aum. “Gemu amu, da bekkalaɗ aa ahilah mana mettak aɗit oh, ib etta hipunin haknu ofa, amu manaknu ofa Yawe toppa hepiɗ. Aɗi keeke gemu dahilppa beum imu antte! Anam amunu, Yawe Nug da gemu ib etta hipunin haknu ofa hak imu teppu lappi, Nug amunu oo ena daakkute?” awa aum.
Am danab laa nug appinag laa, nug mamegte, o anigte aɗeg ele aa beɗuppa wanak hekkulah dayeb, amuam uɗa nak nau guittak ele kobol. Ag tamaniakppa, danab ah oh noolagppa heppeg, aa Israel oolagppan geɗittak daaglahoitte. Danab nug appinag ele aa gappai aoglah amu, danab amu nug appinag hunu qelo bia hekku. Nug anam hekku dayeb, nug eheɗ aakku ha, nug amunu bu aokku.
Aib na anin apagte, o makkegte, o na mamen apagte, o appinagte ele beɗuppa wanak hepiɗ. Aɗinu? Na anam hekkut dayeb amu, na tiin laippu hunu qelom bia hekkut. Am aun laa nug mameg apagte, o appinagte, o anig makkegte, apagte ele beɗuppa wanak hekkulah amu, aɗit amu oh aa aakku eheɗ heya, aa amunu bu aoglah.
Ag manaknu ofa hekkulagnu doɗ aon uɗin, manadna meɗaglagtai, o iitta ag ee aegnu ofa da meɗaknu ee aeg akkan uɗin, manan meɗaglagtai. Ag amu hekkulagtai, amge ⌊ag hipunin uuglagnu uun autna aotteb amunu,⌋ da mana mettak amu ii aopa. Yo, ag da ele laippu dayaknu ofa hekkulagnu doɗ ena ena akkan uɗin, manadna meɗaglagtai, amge ⌊ag hipunin uuglagnu uun autna aotteb amunu,⌋ da mana mettak amu ii dabmepa.
Ag amu henana, ag kobol da Yawe, da ag hekkulagnu mattami, ag kobol amunu, ‘Ig kobol amu oh hekkunignu am uug okkainab,’ aon atteb. Ag kobol amunu, am keeke hamunab doon, kobol amunu ena iitta dootteb.” Yawe Nukka Ɠagattag Oh Ele Nug anam awa atte. Amu Yawe Nug inam atte. “Ag doɗ yab heppig elete, o ebehi kaliak elete, o oɗe meum elete, ag amu aon main meɗatteb amu, da amu aokkul am ena dabmettebte? Iitta!
Nug gaɗa ii otaɗom, haen amuppa nug ooppa genab doye, Kayak Nug nuhignu, “Genab tutukku hak danab,” awa ana, Nug amunu epponak keeke daakkunu Nug Abraham gaɗa otaɗkkunu aum amunu, Abraham nug am danab oh, ag gaɗalag ii otaɗppig daanna, Kayaknu oolagppa genab dootteb, Kayak ahilagnu, “Genab tutukku hak danab,” atte ele amu, nug ag mamelag anuqak daatte.
ကြော်ငြာတွေ