Lewitikas 7:12 - Nobonob Baibel

¹² Laa nug Yawe amegppa, ‘Ena heme,’ awa akkunu ha, nug ena heme anaknu ofa hekku dayeb, nug doɗ awa, mana mettak hette haaha, nug bret batappatak, yis iitta, goɗen ele kaboliak laala, bisket teppu iitta, yis iitta, goɗen qaɗeppa laittak ele laala, amu bret batappatak, plaua enanag, goɗen ele kaboliak ele, nug amu oh mana mettak amu ele mekkuoitte.

Lewitikas 7:12 ပူးပေါင်းရင်းမြစ်များ

2 Stori 29:31

Amu Hesekaia nug danab ah amelagppa aum. “Ag aakku hena, ag Yawenu tituana mettak daatteb amunu, ag Yawenu mettid lakka uɗin, doɗ manadna, Nug mettanna, ag ena heme anaknu ofa ele metteg!” awa aum. Nug anam aum amunu, danab ah ag doɗ manadna, Yawe mettaglagnu, ena heme anaknu ofanu doɗ ele aon uɗieg, laa ag oolagppa ena anidppig ele, ag manaknu ofanu doɗ ele aon uɗippig.

2 Stori 33:16

Nug amu ha mala, nug Yawenu qaɗab babaitta, amuppa nug laippu dayaknu ofa, amu ena heme anaknu ofa ele heum. Amu Nug Juda danab ah ag Yawe, Israel dilag Kayak, ag Nug waappa daan nug oɗe dim lamidkkulagnu aum.

Nehemaia 12:43

Kayak Nug he, ag gamag ahak huanaknab dooppig amunu, ag doɗ kuɗum manadna Kayak medappig. Danab ag gamag ahak okkainab doyeg, ah, nid naunau ele, ag ele oolag gamag ahom. Ag oh oolag gamag ahe, Jerusalem appa daanna, heegeg oqotti amuam uma ukke dooppig.

Sam 107:8

Heppeg, ag Yawe amegppa nuhig oo mauhaknab kobolnu, “Ena heme,” aig! Ao, ag Nug keeke ena ena oh danab nuhikkud dilag hettenu ele anam aig!

Sam 116:17

O Yawe, da na noomppa ena heme anaknu ofa hein medakkul. Ao, da Yawe unuqidkkul.

Sam 50:23

Danab laa nug ena heme anaknu ofa ha, da meɗakku dayeb amu, amuam ena. Amuppa nug da binal mette. Amu da nug ehanidppi, nug padal ii memanu ippu dahil ippunidkkulnu amu, nug ofa amuppa ib amu matultte.” Kayak Nug anam awa atte.

Jeremaia 33:11

ag gamag ahak okkai doon oiglag. Danab ah ele ag ewau matulak aonna, ag gamag ahak doon oiglag. Danab ag Yawe laugppa daan, ena heme anaknu ofa hekkulag. Ag doɗ amu main, Yawe mettanna, ag inam akkulag. ‘Yawe Nug am enaib. Ao, nuhig oo mauhaknab kobol ii iitta mette. Anam amunu, ig Yawe Nukka Ɠagattag Oh Ele, ig Nug amegppa “Ena hen mekkame,” aot atu!’ Ag anam akkulag. Ag anam akkulagnu diig am, da heppi, ag ahilag wanppa enaib daaglag.” Yawe Nug anam awa atte.

Hosea 14:2

Ag eɗun, Yawe waappa daaglagnu wana, ag nai inam aig! “Mana mettak ou daakkunu, ig oɗenigppa na binan mekkunignu, ig na ihinig hipunin oh uhuqna megakkutnu oɗ medattem. Ao, na oo bodoette enanag maɗoɗ ele hak kobol dim lamidna awigkkutnu unuqidttem.

Lewitikas 2:4

Amu ag ee aegnu ofa owenppa manak hekkulag dayeb amu, ag plaua enanag, amuppa hekkulag. Ag amu hekkulagnu amu, ag bret batappatak, yis iitta, goɗen ele kaboliak, o ag bisket teppu iitta, yis iitta, goɗen qaɗeppa laittak ele, ag amuppa mana mettak amu hekkulagoitte.

Lewitikas 2:5

Am ee aegnu ofa amu aen maha attan me ewak dayeb amu, ag plaua enanag, olip goɗen ele kaboliak eleppa hena, amu yis iitta hekkulagoitte.

Lewitikas 22:29

Haen ag ena heme anaknu ofa laa Yawenu hena, ag mana mettak amuam pehettan managlagoitte. Ag anam hekkulag dayeb, Kayak Nug mana mettak amunu ena doya aokku.

Lewitikas 6:16

Plaua eppeg laippuppa appuom amu, plaua amu manak malak, plaua biig laih oh am Aron, bekkod ele dilagnu ee daakku. Plaua amuppa bret yis iitta hak dimppa, ag mettid haknu peh lag danab ah appa qagmetteb ele, lag amu haɗap-ppa, aben amuam Yawenu tituanak daatte amu, ag appa lakkulagnu daakkuoitte. Aben amuam Kayaknu tituanak daatte amunu, ag appa lakkulag.

Lewitikas 7:15

Yawe amegppa, ‘Ena heme,’ anaknu, laippu dayaknu ofanu amu, doɗ amu teppu am deɗ nug mana mettak hette, amuppaib lanaknu daakkuoitte. Teppu laa wagɗeb lanaknu bakkalenu iinab mak daama.

Amos 4:5

Ag ena heme anaknu ofa hekkulagnu bret yis ele aon uɗin, maneg! Yo, ag akka ag ɗo hamu mettaknu ofa laala ele henan, danab ah laa amelagppa ag akka binalag mena, ag appeg doyeg! Ge, ag Israel danab ah, ag akka ag amunu binalag meig! Aɗinu? Ag amu hekkulagnu oolag huana daatte.” Naɗi Yawe Nug anam atte.

Namba 6:15

Nug Yawe aum bia, doɗ amu oh mana, Yawe medatta, nug ee aegnu ofa, wain gokkaɗaknu ofa ele diiata, Yawe gumitta ukka, Nug medakkuoitte. Nug kaleg bret yis iitta inak, nug amu laa ele Yawe medakkuoitte. Bret amuam diig aɗit inam dayad! Laa amu bret batappatak, yis iitta, amu plaua enanag, goɗen ele kaboliak; laa am bisket teppu iitta, yis iitta, qaɗeppa goɗen laittak ele.

Luk 17:16

Nug ukka, Jesus baegppa laippun gateg qaun o, gomela, iɗu wanppa ma, “Na ena heme,” aum. Danab amu nug am Samaria danab. ⌊Samaria Juda ele ag am layam iitta.⌋

Luk 17:18

Danab laa nug eɗua uɗia, Kayak binag mekkunu amu iittatai? Danab imu nug am wan laihnu danab, nug nukka iikkuibte?” awa aum.

Rom 1:21

Amu ag Kayak dooppig, amge ag Nug am genab Kayak oolagppa genab ii doonna, ag Nug binag amahlak oppiaawak ii mettana, ag nug amegppa, “Ena heme,” aon ii appig. Iitta. Dabmak ahilag eɗua, dabmak tutukku iitta be, ag oolag ootot aqe, gatatu manom.

Epesus 5:20

Ag haen oh ihinig Naɗi Jesus Kristus onigppa keeke ohnu Kayak Mamenig amegppa, “Ena heme,” aon aig!

Hibru 13:15

Danab laa ag Kayak binag mekkulagnu amu ag doɗ keeke main Nug medatteb, amge ihinignu amu, ig Jesus uɗat naɗi ihinignu heum, ig amuppa, mana mettak bia hanhan Kayak binag metu! Ig amu hekkunignu amu, ig oɗenigppa Kayak Nug am ihinig Naɗi akkunig.

1 Pita 2:5

Nug he, ag ele men bau daatte bia beegeg, Kayak Nug nuhig tamaniak, lag bia, ahilagppa hette. Amuppa ag mana mettak danab oppiaawak ele daanna, ag keeke Kayak oo niitte ele, Jesus Kristus onigppa mana mettak bia Kayak keeke amu mettaglag.