Lewitikas 6:4 - Nobonob Baibel

⁴ Nug hipunin amunu laa hekku amu, nug aakku hipunin heum daatte, nug beɗuppa aab ele. Nug aɗi keeke yab awom, o nug aɗi keeke lokkumakppa awaknu duttuna hak kobolppa awom amu, nug eɗua, mameg medakkuoitte. Nug laa dilag keeke dabmetta atognono qettoɗom, o nug aɗi keeke laa niieye antta, hambuppuakppa awom ele, nug amu ele eɗua mameg medakkuoitte.

Lewitikas 6:4 ပူးပေါင်းရင်းမြစ်များ

Genesis 21:25

Amu Abraham nug le moɗ nuhig laa Abimeleknu maɗi nid ag yab aoppig, nug amunu Abimelek amegppa aum.

Nehemaia 5:11

Amge anamib iitta. Ag laa ag amu heppig ele amu, ag paha eɗun, ahilkad wan, ahilkad grep dad, ahilkad olip dad, ag laulkad ele, ag amu dilag keeke amu lonnu onig awak daye aoppig ele amu, ag eɗun paha matteg! Ag amu mattanna, ag aɗi lon mattan, dimppa eɗun, lonnu intres, ag amu ele aoppig, ag tuɗittak amu ele eɗun matteg! Ag tuɗittak amu men doɗoppanu aoppigtai, o ee aegppanu aoppigtai, o wain bauppanu aoppigtai, o goɗenppanu aoppigte amu, ag men doɗo, o ee aeg, o wain bau, o goɗen amu oh, ag amu eɗun, daɗek matteg!” awe ami.

Job 20:19

Aɗinu amu oh am nau hak danab, nuhigppa bekku? Nug daɗek danab eheɗ hadatta, ahilag keeke awe, ag daɗeknab daappig. Ao, nug wagai ma, lag nug ii heum ele hamu awom.

Job 24:2

Danab eheɗ hetteb ag men wannu tomppa daatteb aon akkan, laih maadtteb. Ao, ag sipsip yab aon diin, ahilkad gikkiɗah dadppa maadtteb.

Aisaia 59:6

Danab ah ag goɗim teɗ aon, lamen hekkulagnu elele iitta. Ao, danab nug goɗim teɗnu muɗippa lamen ha, beɗu tonakkunu elele iitta bia amu, Juda danab ag ahilag hak nauppa ehanittak aoglagnu elele iitta. Ag ahilag hak am nau. Ag eppelagppa laa guittak nau mauhnoak madatteb.

Esekiel 18:12

Nug daɗek danab amu laa ag keekenu tutu mak daatteb ele eheɗ hadatte. Nug yab hette. Nug keeke lonnu onig awak daatte amu eɗua, mameg ii medatte. Nug kayak hambuppuak binag maama, nug kobol digdig, da kobol amunu oolppa uuaknab doottem amu, nug kobol amu ele hette.

Esekiel 18:18

Danab nau, bekka kobol ena tutukkuib heum ele, bekka nug ii mauhma, amge nug mameg am mauhkku. Mameg nug hipunin heum amunu, nug mauhkku. Mamegnu hak am, nug keeke lokkumakppa awaknu duttuna hak kobol dim lamittom. Nug layagnu keeke yab awom, amu nug laikkud oolagppa kobol eheɗ kuɗum laa ele heum amunu, nug mauhkku.

Esekiel 18:7

Nug laa eheɗ ii hatta, nug keeke lonnu onig awak daatte amu eɗua, mameg medatte. Genab tutukku hak danab amu nug yab ii hette. Nug danab enug qeeqe, ee medatte. Ao, nug laa lamen iitta ele lamen medatte.

Esekiel 33:15

nug ii mauhma. Iitta. Nug bau daakku. Nai doya mala hettoɗia epeɗia elele mettak kobol, genab tutukku hak kobol ele nug digma hekku am inam bia. Nug keeke lonnu onig awak daatte, nug keeke amu laa nug mettom amu, nug eppegppa eɗua mekku. Nug aɗi keeke yab awom amu, nug keeke amu awa, mameg eɗua medakku. Nug dahil ɗo, danab amu dim lamittatta bau daakku amu, nug ɗo amu dim lamidkku. Nug eheɗ hak kobol digdig ii hema. Kobol nug hekku am anam. Nug anam hekku dayeb amu, nug ii mauhma. Nug bau daakku.

Esekiel 44:19

Aria, mana mettak danab dilag haɗap-ppa, appa dahil ɗo maɗoɗnu uɗat malona, ag eɗun Israel danab dilag haɗap-ppa, danab ah daatteppa gokkulagnu daanna amu, ag tatam linen lamen tagappig uɗadna, lamen laa takkaglag. Takkona, ag linen lamen lag oo Yawenu tituanak daatte ele amuppa meppeg dayebeb, ag dimittim gokkulag. Aɗinu ag anam hekkulag? Ag amu ii hekkulag dayeb, linen lamen tagatteb ele, amuam dahilnu tituanak daatteb, lamen amu ahilagppa dayebeb, ag danab ah gumadna goppeg, danab laa nug lamen aɗeb, ⌊am heeb, nug dahilnu tituana meɗak daakku, amunu⌋ anam daamnanu, mana mettak danab ag anam hekkulag.

Lewitikas 24:18

Aun laa nug laanu doɗ qeeb mauhkku, nug eɗua nob mekkuoitte. Nug doɗ qe mauhom amunu, nug doɗ bau laa, doɗ mauhom aben aokkunu, doɗ mameg eɗua nob medakkuoitte.

Lewitikas 24:21

Aun laa nug doɗ laanu qeum dayeb, amu nug eɗua nob elele medakkuoitte, amge ag laa nug danab laa qe mauhom amu, ag nug qeppeg mauhkkuoitte.

Amos 3:10

Amu Yawe Nug inam atte. “Israel danab ag kobol tutukku dim lamidna hekkulagnu ib ii dootteb. Ag ahan, lailkad dilag keeke hamu aotteb. Ag ban danab laih gona, wan laappan daup eɗadna, wan amuppan keeke aon gotteb, ag Israel, ag amubia ag lailkad dilagppa anam hena, ag keeke aotteb amu, ag aon gona, aab aɗ ɠagattagnab ele, ag aguppa daatteb amu, ag appa aon gona metteb,” awa atte.

Maika 2:2

Danab amu, ag laa dilag wan amelag qe aolobnab dabmak eheɗ aon, ag wagai menan aotteb. Ao, danab amu, ag laanu lag amelag qe, wagai menan aotteb. Ag hambuppuak kobol, ib eheɗ amuppa danab laanu lag hamu aotteb. Ao, ag lailkad dilag aulkad, ag keeke amu ib eheɗppaib hamu aotteb.

Sepanaia 1:9

Ao, da laa ag kayak hambuppuak noolagppa dup nona binalag menan, ag laa guittak nau mauhnoak mattan, ahilkad keeke yab aotteb, ag hambuppuak ibuppa ag lailkad dilag keeke ele yab aotteb, ag keeke amu aon gona, ahilag kayak hambuppuak laulagppa metteb amu, da ag oh bu madakkul,” awa atte.

Malakai 1:13

Ag amu henana, ag kobol da Yawe, da ag hekkulagnu mattami, ag kobol amunu, ‘Ig kobol amu oh hekkunignu am uug okkainab,’ aon atteb. Ag kobol amunu, am keeke hamunab doon, kobol amunu ena iitta dootteb.” Yawe Nukka Ɠagattag Oh Ele Nug anam awa atte. Amu Yawe Nug inam atte. “Ag doɗ yab heppig elete, o ebehi kaliak elete, o oɗe meum elete, ag amu aon main meɗatteb amu, da amu aokkul am ena dabmettebte? Iitta!

Namba 5:7

Nug beɗuppa aab ele amunu, nug hipunin amu miagib madikkuoitte. Laa hipunin heum ele amu, nug kobol amu bappaidkkunu, nug nob oh tutukku, laa nuhigppa hipunin amu heum, nug nob amu nug medakkuoitte. Nug medakkun haaha, nug nob amu awa, laih 20 pesent laa ele awa, keeke amu oh danab nug nuhigppa heum ele amu medakku.