Lewitikas 6:18 - Nobonob Baibel

¹⁸ Mana mettak danab ag Yawe mettaknu aab aɗunu ofa hadatteb ele, amu maha laa am ahilag daakkunu tituanak daatte amunu, Aron buɗubppan danab aun nug ee aegnu ofanu maha amu lakkun elele, gemu, buɗub buɗub doobob, hanhan ele. Aun laa, o aɗi keeke laa ee amu lauɗidtte amu, ee amu heeb, nug Yawenu tituanak ba daakku,” awa aum.

Lewitikas 6:18 ပူးပေါင်းရင်းမြစ်များ

Eksodas 29:37

Na deɗ eblaih aɗit ele ohppa na ib etta hipunin haknu ofa anen anennu tiigppa qaɗab dahil neekkakppa oppiaawak daakkunu babaitte! Na anam heppe, qaɗab amuam dahilnu tituanaknab daakku, amu auntai o aɗitai laa aɗakku amu, amuam dahilnu tituanak daakku.

Lewitikas 3:17

Ag ittagte, o tiigte amu iinab lakkulagoitte. Ɗo imu buɗub buɗub doobob, ahilagnu hanhan daakkunu daatte.” Moses nug anam aum.

Lewitikas 4:24

Nug eppeg meeme dawai amu igippa mewowa, aben manaknu ofa baag otaɗttebppa ele, appa Yawe noobppa baag otaɗkkuoitte. Amuam ib etta hipunin haknu ofa aakku.

Lewitikas 4:3

Laa amu hekku, nug mana mettak ikki danab daatte dayeb, nug Israel oh ag hipunin hekkulagnu elele daatteb bia hipunin hekku dayeb, nug Yawe toppa makau gaiɗ laa, ib etta hipunin haknu ofa daakkunu, beɗuppa eheɗ laa iitta ele amu awa, Yawe gumitta ukka, Nug medakuoitte.

Lewitikas 4:33

Nug eppeg am ib etta hipunin haknu ofanu doɗ igippa mewowa, aben manaknu ofa baag otaɗttebppa ele, appa Yawe noobppa baag otaɗkkuoitte. Amuam ib etta hipunin haknu ofa aakku.

Lewitikas 6:10

Wagɗeb buttua mana mettak danab nug linen lamen gaɗappanu takka, nug amu qaɗeppan lamen linenppa hak ele takkowa, amu nug manaknu ofa hak, uhuɗ amu awa, qaɗab guguittak mekkuoitte.

Lewitikas 6:19

Yawe Nug imu ele Moses amegppa a, ⌊nug Israel danab ah amelagppa mattiom⌋.

Lewitikas 6:27

Aun laa, o aɗi keeke laa doɗ teppu amu lauɗidtte amu, nug ele Kayaknu tituanak ba daakku, amu tiig, aun laa nuhig lamen qette amu, lamen amu ag aben Kayaknu tituanak daatte eleppa ihaglagoitte.

Lewitikas 6:29

Mana mettak danab baegppan amu, amuppan danab oh ag mana mettak amu lakkulagnu elele. Amuam Kayaknu tituanaknab daatte.

Lewitikas 7:6

Mana mettak danab baegppan amu, amuppan danab oh ag mana mettak amu lakkulagnu elele. Amge ag aben, Yawenu tituanak daatte ele, amuppa daanna lakkulagoitte. Ee amuam Yawenu tituanaknab daatte.

Namba 18:10

Ag mana mettak amunu, am Yawenu tituanaknab daatte doon lakkulag. Ag mana mettak danab oolagppan, danab oh ag amu lakkulag. Ag ee amunu, am Yawenu tituanak daatte dooglagoitte.

Namba 18:8

Yawe Nug Aron amegppa anam awowa, Nug tuɗitta aum. “Da, Yawe, da dakka, da na, na begapad ele ag mana mettak atten Israel ag da meɗaglagnu hetteb ele amu, ag eppelagppanu aoglagnu, ag manan meɗaglagnu ele tituanadmi. Mana mettak amuam dahilnu tituanak daatteb. Amu mana mettak amunu doɗ, o ee aeg keeke, Israel ag da meɗappeg, laih atten ag ii manan meɗaglag daatte amu, da na, amu na begapad ele madattem. Maha amuam ahilag daatte, ag amu hanhan aoglag.

1 Korint 9:13

Ag imu iite dootteb? Danab ag Kayaknu mettid lakka uɗat hetteb ele, ag ahilag ee Kayaknu mettid lakkanu aotteb. Amu danab ag doɗ mana Kayak mettaknu uɗatnab hetteb ele, ag qaɗabppanu ee aotteb.

1 Pita 1:16

Amuam Kayak naippa, Kayak Nug appa nai laa atte amubia. Nai amuam inam. “Da oppiaawak daattem amunu, ag ele oppiaawak dayeg!”

1 Pita 2:9

Amge ag Kristen danab ah amu, ag gatatuppa daaegeg, Kayak Nug diia amahlak enappa maattom, ag Nug ahilagppa ena heum, ag amu miag atiglagnu Nug ag tituanatte daanna, ag am mana mettak danab, king ele daatteb, ag am danab ah Kayaknu ɗo maɗoɗppa daatteb, ag danab ah nuhikkudnab ele daatteb.