Lewitikas 6:16 - Nobonob Baibel

¹⁶ Plaua eppeg laippuppa appuom amu, plaua amu manak malak, plaua biig laih oh am Aron, bekkod ele dilagnu ee daakku. Plaua amuppa bret yis iitta hak dimppa, ag mettid haknu peh lag danab ah appa qagmetteb ele, lag amu haɗap-ppa, aben amuam Yawenu tituanak daatte amu, ag appa lakkulagnu daakkuoitte. Aben amuam Kayaknu tituanak daatte amunu, ag appa lakkulag.

Lewitikas 6:16 ပူးပေါင်းရင်းမြစ်များ

2 Stori 31:14

Ag amu heegeg, Imna bekka Kore, nug Lewi buɗubppan mana mettak danab iitta, ag oolagppanu, nug Yawenu mettid lagnu aɗ od kaɗag uɗitteppanu daattenu gumak okkai amu, nug Israel danab ah ɗo hamu mettaknu ofa aon uɗin, amu keeke Israel danab ah ag Yawenu daakkunu tituanna, Nug medappig ele aon uɗippig, nug amu oh gumaama, nug keeke amu oh mana mettak danab, amu Lewi buɗubppan mana mettak danab iitta, ag ele, nug ahilagnu otiatta mattom.

Eksodas 12:8

Tuqan amuppa amu, ag sipsip teppu, o meeme teppu amu, ag aab aɗuppa managlag. Manona amu, ag teppu amu, bret yis iitta ele, amu ele lanana, keh mua ele lakkulag.

Esekiel 44:29

Mana mettak danab ag Israel danab ah dilag ee aegnu ofanu aeg, amu ib etta hipunin haknu ofanu teppu laa, amu eheɗ haknu ofanu teppu laa ele aon lakkulag. Ag amu lakkulag, amu aɗi keeke Israel ooppa Yawenuib nuhig pelemppa daatte ele amu, amuam ele mana mettak danab dilag aakku.

Lewitikas 2:3

Ee aegnu ofa, amunu maha laa oh amu, ag Aron bekkod ele, ahilag ee daakkunu mattaglag. Mana mettak imunu maha amu, am mana mettak oh ag Yawe mettaknu aab aɗunu ofa hetteb, ofa amu oolagppan maha laala am Yawenu tituanaknab daatteb, amu maha Aron bekkod ele aoglag amu, am amunu laa aakku.

Lewitikas 5:13

Ib amuppa amu, mana mettak danab nug mana mettak amuppa heeb, danab aun nug aɗi hipunin laa amu oolagppa heum ele amu, hipunin amunu eheɗ haknu nob nau doɗ tiigppa iitta meeb elele metteb, Yawe Nug hipunin uhuqa medakku. Plaua laih oh amu, geha ee aegnu ofa hena hetteb, amubia mana mettak danabnu daakku.” Moses nug anam aum.

Lewitikas 6:23

Mana mettak danab dilag ee aegnu ofa oh am anam maippeg, iittanab mekkuoitte. Maha nakoknab laa am lanaknu laa iinab daama,” awa aum.

Lewitikas 6:26

Am mana mettak danab aun nug ib etta hipunin haknu ofa hekku amu, nug, ⌊mana mettak danab laa ele, ag⌋ mettid haknu peh lag danab ah appa qagmetteb ele, ag lag amunu haɗap-ppa appa daanna lakkulagoitte. Aben amuam Kayaknu tituanak daatte amunu, ag appa lakkulagoitte.

Namba 18:8

Yawe Nug Aron amegppa anam awowa, Nug tuɗitta aum. “Da, Yawe, da dakka, da na, na begapad ele ag mana mettak atten Israel ag da meɗaglagnu hetteb ele amu, ag eppelagppanu aoglagnu, ag manan meɗaglagnu ele tituanadmi. Mana mettak amuam dahilnu tituanak daatteb. Amu mana mettak amunu doɗ, o ee aeg keeke, Israel ag da meɗappeg, laih atten ag ii manan meɗaglag daatte amu, da na, amu na begapad ele madattem. Maha amuam ahilag daatte, ag amu hanhan aoglag.

1 Korint 5:8

Amunu ig Pasowanu Hobulppa bret yis alag eleppa aib lamut. Yis amuam oo aeg bak kobol, am hipunin laa oh hak kobol ele. Ig Pasowanu Hobulppa bret yis iitta ele latu! Bret amuam kobol tutukku, kobol doyak diig genabibppanu ele ippunigtte.