Lewitikas 6:10 - Nobonob Baibel

¹⁰ Wagɗeb buttua mana mettak danab nug linen lamen gaɗappanu takka, nug amu qaɗeppan lamen linenppa hak ele takkowa, amu nug manaknu ofa hak, uhuɗ amu awa, qaɗab guguittak mekkuoitte.

Lewitikas 6:10 ပူးပေါင်းရင်းမြစ်များ

Sam 20:3

Nug keeke oh na Nug medattem ele amu, Nug dabma, ⌊na ehanidkkunu⌋ oonig daatte. Yo, ig nahip manaknu ofa na hena medakkut amu, Nug ena doya aokkunu oonig daatte. Sila.

Sam 37:20

Amu nau hak danab ah ag mauhkkulag. Ao, Yawenu kekeɗ ag dad okkaippan bala haɗag, bala haɗag amu ag laippun mauɗna nena qetteb, ag amubia hekkulag. Ge, Yawenu kekeɗ ag kahug laippun ukka qettoɗtte bia hekkulag.

Esekiel 44:19

Aria, mana mettak danab dilag haɗap-ppa, appa dahil ɗo maɗoɗnu uɗat malona, ag eɗun Israel danab dilag haɗap-ppa, danab ah daatteppa gokkulagnu daanna amu, ag tatam linen lamen tagappig uɗadna, lamen laa takkaglag. Takkona, ag linen lamen lag oo Yawenu tituanak daatte ele amuppa meppeg dayebeb, ag dimittim gokkulag. Aɗinu ag anam hekkulag? Ag amu ii hekkulag dayeb, linen lamen tagatteb ele, amuam dahilnu tituanak daatteb, lamen amu ahilagppa dayebeb, ag danab ah gumadna goppeg, danab laa nug lamen aɗeb, ⌊am heeb, nug dahilnu tituana meɗak daakku, amunu⌋ anam daamnanu, mana mettak danab ag anam hekkulag.

Lewitikas 1:13

Amge ofa mameg nug tatam ooppan keeke, gamag, uɗuag, biig keeke, amu baekkud ele oh amu, nug leppa ihakkuoitte. Amu malak amu, mana mettak danab nug doɗ kunum oh awa, aakku qaɗabppa mana, Yawe medakku. Mana mettak amuam manaknu ofa; am aab aɗunu ofa aakku. Mana mettak amunu muttuɗignu, Yawe Nug ooppa ena dootte.

Lewitikas 1:9

Amge ofa mameg nug tatam ooppan keeke, gamag, uɗuag, biig keeke, amu baekkud ele, amuam tatam leppa ihakkuoitte. Amu malak amu, mana mettak danab ag doɗ kunum oh aakku qaɗabppa manan, Yawe mettaglag. Mana mettak amuam manaknu ofa; am aab aɗunu ofa aakku. Mana mettak amunu muttuɗignu, Yawe Nug ooppa ena dootte.

Lewitikas 16:4

Anam hewowa amu, nug le layowa, nug linen lamen gaɗa aɗatte ele tatam mewowa, nug lamen nakok elab, dahilnu tituanak daatte amu, nug amu ele mekkuoitte. Amu hewowa, nug lamen nakok elab, imuagppa matagiɗ bia qakkaknu takkowa, nug igippan lamen mekkuoitte. Lamen amu oh am dahilnu tituanak daatteb. Nug le layowa, mekku.

Lewitikas 2:11

Ag ee aegnu ofa, Yawe mettaknu aab aɗuppa hetteb amu, ag amu oh henana, ag aib yis mena, ee aegnu ofa Yawe medappig. Aɗinu? Ag yiste, o uppuh leppute Yawe mettaknu aab aɗunu ofa mena, ofa amu hena, Yawe mettaglagnu ii daatte.

Lewitikas 21:22

Nug amu ii hema me, nug Kayaknu mana mettak hak, laa Kayaknu tituanak daatteb, laa Kayaknu, tituanaknab daatteb amu, nug amu lakku.

Lewitikas 6:11

Nug anam hewowa, nug bala meum uɗowa, nug bala hanhan mette ele amu ma, uhuɗ amu awa ukka, haen tutu dayaknu aab kalak dimittim, appa aben dubuttid iitta eleppa mekkuoitte.

Lewitikas 6:18

Mana mettak danab ag Yawe mettaknu aab aɗunu ofa hadatteb ele, amu maha laa am ahilag daakkunu tituanak daatte amunu, Aron buɗubppan danab aun nug ee aegnu ofanu maha amu lakkun elele, gemu, buɗub buɗub doobob, hanhan ele. Aun laa, o aɗi keeke laa ee amu lauɗidtte amu, ee amu heeb, nug Yawenu tituanak ba daakku,” awa aum.

Lewitikas 6:22

Mana mettak ikki danab bekka, nug mameg abenab aokkunu daatte, haen nug digma, mana mettak danab abenab awa daakku amu, nug deɗ nug goɗen laittakppa tituanak aotte, deɗ amuppa nug mana mettak amubianab ele hekkuoitte. Amuam oh Yawe tituana aum bia, nuhig daatte amunu, maneb iitta mekkuoitte.

Lewitikas 8:2

“Na gemu Aron, bekkod ele, amu ahilkad mana mettaknu uɗatnu bala ele, aria laittaknu goɗen, ib etta hipunin haknu ofa haknu makau dawai laippu, aria sipsip dawai aɗit, amu kaleg bret yis iitta ele amuppa daatte, amu ele, na amu oh diin,

Namba 16:21

“Da danab imu pahanab hadappi nauhkkulagnu, aa awaidya laih dayeɗ!” awa aum.

Namba 16:35

Amu ag wan ooppa noeg, Yawe Nug he, danab 250 ag kalu danab ile muttuɗig enanag bette ele maippig, ag aab ewatte mauhppig.

Revelesen 19:14

Hab aabppanu ban danab ag ahilkad hos hakkab enanag qaɗelagppa daanna, Nug dim lamidppig. Ag linen lamen hakkab, oppiaawak ele ag beɗulagppa maadppig.

Revelesen 19:8

Anam amu, Kayak Nug linen lamen hakkab, amiak, oppiaawak ele nug mekkunu mettom,” aon appig. Amunu diig am, linen lamen hakkab amuam genab tutukku hak kobol Kayaknu danab ah oppiaawak ele hetteb ippunigtte.

Revelesen 7:13

Aon aeg amu ikki danab laa oɗ meɗom. “Lamen elab hakkab meppig imu amu, ag am aun aɗi? Ag adeppanu uɗippig?” awa oɗ meɗom.