Lewitikas 5:2 - Nobonob Baibel

² O iitta, aun laa nug aɗi keeke Kayaknu neekkakppa dubuttid ele daatte, amuam doɗ dakkuɗ laa ii lanaknu epeɗiak daatte gaɗate, o doɗ manan laa, ii lanaknu epeɗiak daatte gaɗate, o doɗ laa ag oolag wan qeeqe oitteb, ag ii lanaknu epeɗiak daatteb gaɗate amu, nug amu laa aɗakku dayeb, nug aakku Kayak ele ouqa dayaknu elele iitta daakku. Nug aɗom iitai dookku, amge ib amuppa nug Kayak ele ouqa dayaknu elele iitta daya, beɗuppa aab ele daakku. Amu nug doɗ dakkuɗ laa anamtai, o doɗ manan laa anamtai, o doɗ naunau wanppa oitteb laa anamtai aɗakku amu, doɗ anam amu oh ag heppeg, nug Kayak ele ouqa dayaknu elele iitta.

Lewitikas 5:2 ပူးပေါင်းရင်းမြစ်များ

Sam 19:12

Auntai laa nug nuhig eheɗ hak doyaya ii hette oh ele, nug amunu oo maittak aokkunu elelete? Laa iitta. O Kayak, na oot da meɗan, hipunin da doyeye heinne, ii hettem ele amu, na uhuqna meɗakkutnu oɗ medattem.

Aisaia 52:11

⌊Haen amuppa amu, Juda danab ah, ag nai imu dooglag.⌋ Ag ahan, ⌊Babilon⌋ uun ukkeg! Ge, ag ahan, ⌊Babilonnu⌋ ukkeg! Ag ahan gonana, ag keeke Kayaknu neekkakppa dubuttid ele aib aɗappig! Ao, ag laa, ag Yawenu tappiɗ keeke, ag keeke amu maon oitteb ele amu, ag ahan, Babilon uun, ag oppiak ele dayeg!

Lewitikas 11:11

Ag amu uuaknab doonna, ag teppulkad ii lamana, amu ag mauhppig gaɗalagnu ele oolagppa uuaknab dooglagoitte.

Lewitikas 11:8

Ag doɗ amu teppulkad ii lamana; o iitta mauhppig, ag beɗulag ele ii lauɗadmana. Doɗ amuam ahilagnu ag ii lanaknu epeɗiak daatteb.

Lewitikas 4:13

Amu Israel danab ah oh ag ii doonna ib apiɗidna, ag Yawe keeke ii haknunab aum amu henana, hipunin hekkulag dayeb, Israel danab ah oh ag oh beɗulagppa aab ele. Ge, Israel ag keeke amuppa hipunin ii doonna hekkulag dayeb amu, ag aakku beɗulagppa aab ele.

Lewitikas 5:17

Laa nug ii doyaya ib apiɗitta, Yawenu ɗoppa ⌊nuhig keekeppan⌋ keeke laa haknu aib daatte ele, nug amu tippalkku dayeb, nug aakku hipunin hekku. Anam amu, nug beɗuppa aab ele dayebeb, bu aokku.

Lewitikas 5:3

O iitta, aun nug danab o ah beɗulagnu leppu nau keeke, Kayak Nug amunu am keeke dubittid ele dootte amu, nug amu aɗeb, diig amunu, nug Kayak ele ouqak daakkunu elele iitta daakku. Nug aɗom am iitai dookku, amge ib amuppa nug Kayak ele ouqa dayaknu elele iitta daya, nug amu doya, nug aakku beɗuppa aab ele daakku.

Lewitikas 5:4

Iitta. Aun nug dabmak elele tutukku tatam ii awawa, nug nuhig nai ɠagattag qetta akku amu, nug diig genab tutukkunute, iitta eheɗnute anam hekku, amge nug hekku haenppa nug hamu, dabmak ii awawa, hekku dayeb, diig amunu dimppa haen nug heum doya, nug beɗuppa aab ele daakku.

Lewitikas 7:21

Aun laa nug aɗi keeke Kayaknu neekkakppa dubuttid ele daatte, amuam danab Yawe ele ouqak daakkunu elele iitta, o doɗ ii lanaknu epeɗiak daatte, o aɗi keeke laa Kayaknu neekkakppa dubuttid ele, laa nug amu aɗowa, nug laippu dayaknu ofa, auntai Yawenu ha mettom ele amu, nug doɗ amu teppu laa awa lakku dayeb, nug Israel oolagppanu geɗittak daakkuoitte,” awa aum.

Hagai 2:13

Ag anam aeg amu Hagai nug tuɗitta, oɗ matta aum. “Amge danab laa nug danab, o doɗ mauhak gaɗa aɗowa, amuppa Kayaknu neekkakppa nug ooppa dubuttid teum daatte amu, nug ee amu aɗakku dayeb, ee amu eɗua, Kayaknu neekkakppa dubuttid tak ele daakkute?” Hagai nug anam oɗ matte, mana mettak danab ag appig. “Ao, keeke amuam Kayaknu neekkakppa dubuttid tak ele daakku,” aon appig.

Namba 19:22

Keeke aɗitai laa danab nug da ele ouqa dayaknu elele iitta lauɗidtte amu, keeke amu ele dahil neekkakppa dubuttid ele daatte, amu auntai nug keeke amu aɗatte amu, nug ele da ele ouqa dayaknu elele iitta dayeb ukkeb, tueb meeb, nug eɗua, da ele ouqa dayaknu elele daakku,” awa aum.

Luk 11:44

O gadonnab gadon, ag dabmeig! Ag am boumaknu moɗ laa, moɗ amuppa moɗ laa iikku daattenu at laa ii daatte amu, danab ii doonna qaɗeppa oitteb, ag amubia daatteb,” awa aum.

2 Korint 6:17

Nug anam aum, amu Nug baula ele aum. “Anam amunu, ag ahan hipunin danab uuadna, ag gona, aben laih piɗe daaglag. Ag keeke Kayaknu neekkakppa dubuttid ele aib aɗappig. Am ag anam heppeg, geha da dakka ag diiatten,

Duteronomi 14:8

Bo ele ag ii lanaknu epeɗiak daatteb amunu ag bo aib lappig. Aɗinu? Bo ag eppelkad baelkad di gamagppa obatak ele, amge ag ee lawona, eɗua kele be, eɗua lanak kobolppa ii latteb. Doɗ amu ag ii lamananu epeɗiak daatte. Ag ii lamana, o iitta ag mauhak gaɗalkad ii lauɗadmana.