Lewitikas 5:1 - Nobonob Baibel

¹ Aun nug laa kobol he antta doyom, diig amunu ⌊epeɗiak danab⌋ ag nug hettoɗiakppa aɗi anttomnu madikkunu onigppa eppeg, nug madikkunu uukku dayeb, nug aakku eheɗ ha, nug amunu bu aokku.

Lewitikas 5:1 ပူးပေါင်းရင်းမြစ်များ

1 King 22:16

Mikaia nug anam aum, amge King Ahap nug Mikaia amegppa aum. “Da hei, na Yawenu nai da amelppa akkutnu akkut amu, na Nug genab aɗi aum aakkuib akkutnu nahip nai ɠagattag qena ame. Amu da heppi, na nai amu baubau haen gane awona, na Yawenu nai genabib da amelppa madikkut?” awa aum.

1 King 8:31

Amu danab laa nug layagnu, ‘Nug dahilppa nau imu heum,’ ab, laa eheɗ heumnu nai yaakppa daatte amu, ikki danab ag heppeg, nug uɗia, nahip mettid lag imuppa qaɗab guguittak dayaya, nug nai nuhig Kayak onigppa ɠagattag qa, ‘Da ii hemi,’ akku amu,

2 Stori 18:15

Mikaia nug anam aum, amge King Ahap nug Mikaia amegppa aum. “Da hei, na Yawenu nai da amelppa akkutnu akkut amu, na Nug genab aɗi aum aakkuib akkutnu nahip nai ɠagattag qena ame. Amu da heppi, na nai amu baubau haen gane awona, na Yawenu nai genabib da amelppa madikkut?” awa aum.

Sam 38:4

Aɗinu? Da beɗulppa aab okkainab, da eɗilak daatte, amu aab amuam keeke uug nau ele, mawaknu elele iitta, amubia daatte.

Eksodas 22:11

aria, aa oh mettid lakka gopeɗ, laa doɗ gumom ele amu, nug da, Yawe, da noolppa, ‘Da Yawe onigppa dahil nai ɠagattag qein attem. Da doɗ amu hei ii nauhom,’ akku, o iitta nug, ‘Da Yawe onigppa dahil nai ɠagattag qein attem. Da doɗ amu yab ii aomi,’ akku. Nug anam awa ab, amu doɗ amu mameg nug oo ena dayebeb, mudippan layag nug doɗ qettoɗppig amu nob aib eɗua mettom.

Prowerb 29:24

Aun laa nug yab danab laa ehanitte yab hette, nug nugakka nuhig kekeɗ daatte; Nug hettoɗiakppa nai genab madikku dayeb, nug amunu bu aokku, me nug ii akku dayeb amu, Kayak Nug nug bu medakku.

Prowerb 30:9

Da enub, o daɗek danab dayak uuttemnu diig am, da enub danab daakkul dayeb, da na dimetten, ‘Yawe am aun?’ akkultai. O iitta, da daɗek danab daakkul dayeb, da keeke yab awen, amuppa da na, dahil Kayak, da na onin heppi, laa dilag neekkakppa ena iitta daakkutai.

Aisaia 53:11

Amu Yawe Nug atte. “Dahil maɗi nid, nug genab tutukku hak kobolib dim lamidtte amu, Nug guittak amu mawa malowa, nug bau dayaya, ⌊danab oolag eɗueb ele antta,⌋ elele dookku. Dahil maɗi nid nug nuhig doyak, nug amuppa heeb, danab ah kuɗumnab ag genab tutukku hak danab ah daaglag. Nug ahilag hipunin mawa heeb, iitta mekku.

Jeremaia 23:10

⌊Propet ag danab ah ib eheɗ ippunadtteb amunu,⌋ Juda wanppa danab ah huanak ag gappai hetteb. Ag amu hetteb amunu, ag eheɗ laa awaknu anak waappa daaegeg, gu ii neene, wan qaɗaiettaknab dayeye, gikkiɗah ele qaɗaiettom. Propet ag eheɗ henan oinna, ag ehah ahilag ib eheɗppa uɗat mettanna, ag danab ah eheɗ hadatteb.

Esekiel 18:20

Danab aun nug hipunin hette ele, nug mauhkku. Laa nuhig abenab ii awa mauhma. Laa beɗuppa aab laa daatte ele amu, aab amuam nug bekka beɗuppa ii daama. O aab laa bekka beɗuppa daatte amu, aab amu nug mameg beɗuppa ii daama. Genab tutukku hak danabnu kobol genab tutukku ele, am nug beɗuppaib daakku. Danab nau, nau hette ele amu, nau hak amunu aab am nug beɗuppaib daakku. Laa beɗuppa ii daama.

Esekiel 18:4

Danab ohnab am dahiladib. Laa mameg am dahil, danab amu bekka am ele dahil. Aɗit oh am dahilib, amu auntai laa nug hipunin heeb, nug mauhkku, am laa iitta.

Lewitikas 17:16

Amge nug nuhig lamen ii ihalatta, nug le ele ii laakku dayeb, nug eheɗ aakku ha, nug amunu bu aokku,” awa aum.

Lewitikas 19:8

Aun laa nug deɗ ewam amuppa lakku amu, nug eheɗ aakku ha, nug amunu bu aokku. Aɗinu? Nug aakku keeke laa da, Yawe, da amunu dahilnu tituanak daatte anidttem amu, nug he, dahil neekkakppa dubuttid teum daatte. Aun nug anam hette, nug Israel oolagppanu geɗittak daakkuoitte.

Lewitikas 20:17

Am danab laa nug appinag laa, nug mamegte, o anigte aɗeg ele aa beɗuppa wanak hekkulah dayeb, amuam uɗa nak nau guittak ele kobol. Ag tamaniakppa, danab ah oh noolagppa heppeg, aa Israel oolagppan geɗittak daaglahoitte. Danab nug appinag ele aa gappai aoglah amu, danab amu nug appinag hunu qelo bia hekku. Nug anam hekku dayeb, nug eheɗ aakku ha, nug amunu bu aokku.

Lewitikas 4:2

“Na Israel amelagppa nai imu appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Laa nug ii doyaya ib apiɗitta, nug Yawe aɗi keeke ii haknunab aum amu haaha, hipunin hekku amu, nug inam iikku hekku.

Lewitikas 5:15

“Aun nug Yawe ippunittomnu oo metta ii uuak kobol ii dim lamitta, nug ii doyaya ib apiɗitta, aɗi keeke laa, amu Yawenu tituanak daatte amu, nug Yawe medakkunu daatte ii medatte, nug hipunin aakku hette. Laa anam hekku amu, nug aakku hipunin heum daakku amunu, nug sipsip dawai laa eheɗ haknu ofa haknu awa, Yawe toppa wakkuoitte. Doɗ amu nug beɗuppa eheɗ laa iitta ele daakku, amu doɗ amu nug doɗ ena laa silwappa daden metteb, am nuhig noob am, amubia daakkuoitte. Silwa amunu uug am, mana mettak lagnu melemel bia dayaɗ! Amuam eheɗ haknu ofa aakku.

Lewitikas 5:17

Laa nug ii doyaya ib apiɗitta, Yawenu ɗoppa ⌊nuhig keekeppan⌋ keeke laa haknu aib daatte ele, nug amu tippalkku dayeb, nug aakku hipunin hekku. Anam amu, nug beɗuppa aab ele dayebeb, bu aokku.

Lewitikas 7:18

Amu doɗ teppu, laippu dayaknu ofa haknu amu, nug dayeb ukkeb, deɗ ewamppa laa lakku amu, Yawe Nug mana mettak amunu ena ii doya ii aoma. Danab nug mana mettak amu hekkunu dabmeum ele amu, Yawe Nug nuhignu, ‘Nug doɗ amu mana, da meɗom,’ ii dabmema. Deɗ ewamppa amu, doɗ teppu amuam Yawe noobppa dubuttid ele daakku. Aun nug lakku amu, nug eheɗ aakku ha, nug amunu bu aokku.

Namba 9:13

Ɗo amuam aun aɗi ag Kayak ele ouqa dayaknu elele iitta, o aun aɗi ag laih ukka, eɗua ii uɗiak ele, ag Pasowanu Hobul dayak haknu haen dayeye, ahilagnuib. Amu danab laa nug da ele ouqa dayaknu elele, o iitta, laa nug laih ukka, eɗua ii uɗiak ii hak ele amu, nug haenppa Pasowanu Hobul hekkunu tippalkku dayeb amu, nug Israel oolagppanu geɗittak daakkuoitte. Anam daakkun diig am, nug haen da ag ippunadmi, nug haen amuppa doɗ amu awa, da gumiɗa ii uɗia, da ii meɗom. Danab nug anam hekku amu, nug eheɗ hekku, nug amunu bu aokku.

Matyu 26:63

Nug anam aum, amge Jesus Nug nai nakok laa ii mattiom. Aria, baula mana mettak ikki danab Nug amegppa aum. “Da Kayak bauklel onigppa da na amenppa attem. Na nai genab tutukku a! Na genab Kristus, Kayak Bekkate o iitta?” awa aum.

1 Pita 2:24

Ig hipuninnu begbeg maɗi nid daamtanu, ig Kayak dim lamidta genab tutukku hak danab daagnignu, Jesus Nug ihinig hipunin oh ad emaitakppa mawom. Genab, Jesus nug guittak awe, ig amuppa elele daattem.

Ikki Danab 17:2

Deɗ laa nug anig amegppa aum. “Na yabhoi danab laa 13 kilogram silwa nahip yab awe, na nug eheɗ laa awaknu anak waappa daakkunu amenu amu, na mattieye da doomi. Silwa amuam iikku daatteb. Da aakkuib keeke amu akkami,” awa aum. Nug anam anig amegppa a, ⌊eheɗ laa awaknu anak waappa daakkunu meu bemanu⌋, anig nug aum. “O nid dahil, Yawe Nug na itittaɗ!” awa aum.