Lewitikas 4:6 - Nobonob Baibel

⁶ Nug noa, eppeg doɗo laa meeb, tiig amu ooppa nob, taula awa, nug haen eblaih aɗit ele Yawe noobppa Oo Gun Ele, Oo Gunnab Ele makkulaknu lamen guguittak tauɗ qedakku.

Lewitikas 4:6 ပူးပေါင်းရင်းမြစ်များ

Eksodas 40:21

Nug anam hewowa, nug Tituanak Nainu Kunup kontrak inak ele mettid haknu peh lag ooppa mewowa, nug Oo Gun Ele, Oo Gunnab Ele makkulaknu lamen, Tituanak Nainu Kunup amu miag atiak daamanu, qehakkak daakkunu ele aihom. Nug Yawe nug amegppa haknunab aum, nug aumbianab aakku heum.

Eksodas 40:26

Amu dimppa amu, Moses nug qaɗab, golppa hak ele mettid haknu peh lag danab ah appa qagmetteb ele, nug lag amu ooppa, Oo Gun Eleppa, Oo Gun Ele, Oo Gunnab Ele makkulaknu lamen guguittak meum.

Lewitikas 14:16

Gokkaɗowa, nug eppeg hiqal naɗiap meeb, goɗenppa nob, amu awa, haen eblaih aɗit ele Yawe noobppa tauɗ qedakku.

Lewitikas 14:18

Am mana mettak danab nug goɗen laih daatte, nug danab o ah Kayak ele ouqeya daaglahnu bekkun daatte, nug nug igippa gokkaɗeb nokku. Mana mettak danab nug keeke amu oh hette amu, ib amuppa nug Yawe noobppa eheɗ haknu nob nau iitta mekkunu heeb elele medakku.

Lewitikas 14:27

Gokkaɗowa, nug eppeg hiqal naɗiap meeb, goɗenppa nob, amu awa, haen eblaih aɗit ele Yawe noobppa tauɗ qedakku.

Lewitikas 14:7

Am mana mettak danab nug ai mauhom tiig, le ele amu awa, laa nug Kayak ele ouqeya daaglahnu bekkun daatte amu, haen eblaih aɗit anam tauɗ qetta, nug danab amu amegppa nug Kayak ele ouqa dayaknu elele akku. Kobol amu malak dayeb amu, mana mettak danab nug ai bau amu paɗeb, nug hagagɗa, aab dimittim, dadppa keeke, nug appa ukka oikku.

Lewitikas 16:14

Nug anam hewowa amu, nug eppeg doɗo makau gaiɗ amunu tiigppa meeb noob awa, Tituanak Nainu Kunup ameg, ameg amuam eheɗ haknu nob nau tiigppa iitta me elele medatte ippunadtte amu, nug ameg amu noobppa tauɗ qedakku. Nug anam hewowa amu, nug haen eblaih aɗit tiig amu aben Tituanak Nainu Kunup ameg noobppa daatte, aben amuppa tauɗ qedakku.

Lewitikas 16:19

Israel ag Kayak ele ouqa dayaknu elele iitta amunu, qaɗab amu oppiaawak daakkunu, Kayaknu tituana mettak daakkunu amu, nug eppeg doɗo tiigppa meeb noob awa, nug haen eblaih aɗit qaɗab attan tauɗ qedakku.

Lewitikas 25:8

Tuɗittak amu, ag maɗ ebqak eblaih aɗit ele, maɗ amuam wannu sabat maɗ amu, ag maɗ amunu eblaih aɗit ele ebqenana, dabmekkulagoitte. Amu oh am maɗ 49.

Lewitikas 26:18

Da heppi, uug nau amu oh ahilagppa beeb, ag nai dahil ii dim lamidkkulag dayeb amu, da geha ahilag hipuninnu bu huanaknab madakkul. Da bu mettak amibia, amu eblaih aɗit laippu ikki aɗak, anam bia bu madakkul.

Lewitikas 26:24

da geha ahilag kekeɗ daye, da geha ag hipunin hettebnu bu awak eleleppa bu huanaknab madakkul. Da bu mettak amibia amu eblaih aɗit laippu ikki aɗak, anam bia bu madakkul

Lewitikas 26:28

da ool nauheb, ahilag kekeɗ daakkul. Da geha ahilag hipuninnu bu huanaknab madakkul. Da bu mettak amibia amu eblaih aɗit laippu ikki aɗak, anam bia bu madakkul.

Lewitikas 4:17

Nug noa, eppeg doɗo meeb, tiig ooppa nob, taula awa, nug haen eblaih aɗit ele Yawe noobppa Oo Gun Ele, Oo Gunnab Ele makkulaknu lamen guguittak tauɗ qedakku.

Lewitikas 4:25

Nug amu heeb, mana mettak danab nug eppeg doɗo ib etta hipunin haknu ofanu tiigppa meeb noob awa, manaknu ofa haknu qaɗabnu qeqeɗi waɗeleppa mekku. Nug amuppa meeb, tiig laa oh am qaɗab diigppa gokkaɗkku.

Lewitikas 4:30

Nug amu heeb, mana mettak danab nug eppeg doɗo doɗ amunu tiigppa meeb noob awa, manaknu ofa haknu qaɗabnu qeqeɗi waɗeleppa mewowa, amu tiig laih oh qaɗab diigppa gokkaɗeb nokku.

Lewitikas 4:34

Nug amu heeb, mana mettak danab nug eppeg doɗo ib etta hipunin haknu ofanu tiigppa meeb noob awa, manaknu ofa haknu qaɗabnu qeqeɗi waɗeleppa mekku. Nug amuppa ma, tiig laa oh am qaɗab diigppa gokkaɗkku.

Lewitikas 8:11

Nug qaɗab haen eblaih aɗit ele tauɗ qedatta, qaɗabppan keeke oh, lenu tappiɗ, nuhig balal, baeg ele tauɗ qattom. Nug anam ha, nug keeke amu oh goɗen gokkaɗakppa tituanak haaha, nug Yawenu tituana mettak daaglagnu anam heum.

Lewitikas 8:15

Ag eppelag igippa meeg amu, aria Moses makau dawai amu baag otaɗom dimppa, qaɗab oppiak ele daakkunu, Moses nug eppeg doɗo makau amunu tiigppa me no awa, manaknu ofa haknu qaɗabnu qeqeɗi waɗele ohppa meum. Amu tiig laih dayom amu, nug amu oh qaɗab diigppa gokkaɗom. Amunu Moses nug ib amuppa tiigppa he, qaɗab am Yawenu tituana mettak daya, Yawenu neekkakppa oppiaawak dayom.

Lewitikas 9:9

Nug bekkod ag tiig aon doeg, nug eppeg doɗo laa me, tiig amuppa no, taula awa, qaɗabnu qeqeɗi waɗeleppa meum. Nug tiig laa oh amu qaɗab diigppa gokkaɗom.

Namba 19:4

Anam amu, mana mettak danab Eleasar nug tiig laa eppeg doɗoppa awa, nug haen eblaih aɗit ele tauɗeb, laih mettid haknu peh lag danab ah appa qagmetteb ele, lag amu ameg odppa gokku.

Josua 6:4

Na heppe, mana mettak danab eblaih aɗit ele ag anen anen ag trampet sipsip qeqeɗippa hak mawadna, Tituanak Nainu Kunup noobppa daana, anuqna gokkulag. Aria, deɗ eblaih aɗit amuppa amu, mana mettak danab ag ahilkad trampet amu aɗan iwaladppeppeg, ag, amu ag laa oh ele, ag aab okkai amu laippu tappa ukkak hena talilidppeg, haen eblaih aɗit ele batakku.

Josua 6:8

Josua nug danab amu amelagppa mattia male amu, mana mettak danab eblaih aɗit ele ag ahilkad trampet eblaih aɗit ele aɗualadna, ag digmena, trampet amu iwaladnana, ag Yawe noobppa laippuppa tappan goppig. Ag anam heegeg, mana mettak danab laa ag Yawenu Tituanak Nainu Kunup kontrak inak ele maonna, ag dim lamatteg ele goppig.