Lewitikas 4:31 - Nobonob Baibel

³¹ Am laa nug beɗuppa aab ele nug meeme ittag oh, ag laippu dayaknu ofa hetteb bianab doɗ beɗuppanu aokkuoitte. Nug anam heeb, mana mettak danab nug ittag qaɗabppa maneb eokku. Mana mettak amunu muttuɗignu, Yawe Nug ooppa ena dootte. Mana mettak amuppa amu, mana mettak danab nug heeb, eheɗ haknu nob nau doɗ tiigppa iitta meeb elele metteb, Kayak Nug hipunin uhuqa medakku.

Lewitikas 4:31 ပူးပေါင်းရင်းမြစ်များ

Genesis 8:21

Mana mettette, Yawe Nug mana mettak amu muttuɗignu ooppa ena doya, Nug nukka, Nug ooppa inam aum. “Da danab dilag eheɗ hak amunu wan eheɗ laa awaknu anak waappa daakkunu memi imubia baula iinab hepa. Aɗinu? Da doottem, danab nug menuak haenppa ukka ukka, mauhak nuhigppa amu, keeke laa nug danab ooppa hipuninppa eeɗkkunu daatte. Amu laa ele, da hemi bia, da keeke oh bau daatteb ele amu, baula heppi, ii mauhmana.

Job 42:8

Ag eheɗ anam madippig amunu, ag makau gaiɗ eblaih aɗit ele, sipsip dawai eblaih aɗit ele, ag amu ele aon, dahil maɗi nid Job gumidna gona, ag doɗ amu manaknu ofa daaglagnu manadna meɗeg! Ag amu heppeg, dahil maɗi nid Job nug ahilagnu da unuqilkku. Nug anam unuqilkku, da nuhig unuqittak doyen, diig amunu da ag dahilnu dab-ii-maama hak kobol dim lamidppig amu, da kobol amunu bu madappi aolob ii madapa. ⌊Da ii madapa, amge ag bu aoglagnu daappig.⌋ Aɗinu? Ag dahil maɗi nid Job, Nug dahilnu nai tutukku mattiom bia ii madippig. Ag eheɗ madippig,” awa aum.

Eksodas 29:18

na sipsip dawai amu oh qaɗabppa main, da meɗe! Amuam da, Yawe, da meɗaknu manaknu ofa. Ao, amuam da, Yawe, da meɗaknu aab aɗunu ofa. Mana mettak amunu muttuɗignu da, Yawe, da oolppa ena doottem.

Aisaia 42:21

Yawe Nug genab tutukku hak kobol aakkuib haen oh hette, amu Nug amunu dabmak anuqak awawa, Nug heeb, ɗo nuhig am binag amahlak oppiaawak ele dayeb, danab ah oh ag dooglagnu oo dayom.

Aisaia 53:10

⌊Ag Yawenu maɗi nidnu anam ii helob⌋, amge ⌊ihinig hipunin uhuqkkunu ib laa iitta amunu,⌋ Yawe Nug nuhig maɗi nid nug amu maokkunu aum. Yo, ⌊ihinig hipunin uhuqkkunu ib laa iitta amunu,⌋ Yawe Nug ag nuhig maɗi nid guittak anam mettaglagnu ib babaittom. Yawe Nug he, nuhig maɗi nid nug eheɗ haknu ofa dayom amunu, Yawe Nug heeb, nuhig maɗi nid nug buɗub ele dayaya, buɗub anadkku. Nug dayaya heeb, Yawenu dabmak am ena ma, okkai mekku.

Lewitikas 1:13

Amge ofa mameg nug tatam ooppan keeke, gamag, uɗuag, biig keeke, amu baekkud ele oh amu, nug leppa ihakkuoitte. Amu malak amu, mana mettak danab nug doɗ kunum oh awa, aakku qaɗabppa mana, Yawe medakku. Mana mettak amuam manaknu ofa; am aab aɗunu ofa aakku. Mana mettak amunu muttuɗignu, Yawe Nug ooppa ena dootte.

Lewitikas 1:17

Anam hewowa, nug haug laih laih aɗalata taietteb, ai beɗu pana otaleb, anamib dayaɗ! Anam hewowa, nug qaɗabppa aab attan meeb eokku. Mana mettak amuam manaknu ofa; am aab aɗunu ofa aakku. Mana mettak amunu muttuɗignu, Yawe Nug ooppa ena dootte.

Lewitikas 1:9

Amge ofa mameg nug tatam ooppan keeke, gamag, uɗuag, biig keeke, amu baekkud ele, amuam tatam leppa ihakkuoitte. Amu malak amu, mana mettak danab ag doɗ kunum oh aakku qaɗabppa manan, Yawe mettaglag. Mana mettak amuam manaknu ofa; am aab aɗunu ofa aakku. Mana mettak amunu muttuɗignu, Yawe Nug ooppa ena dootte.

Lewitikas 14:18

Am mana mettak danab nug goɗen laih daatte, nug danab o ah Kayak ele ouqeya daaglahnu bekkun daatte, nug nug igippa gokkaɗeb nokku. Mana mettak danab nug keeke amu oh hette amu, ib amuppa nug Yawe noobppa eheɗ haknu nob nau iitta mekkunu heeb elele medakku.

Lewitikas 15:15

Am mana mettak danab nug appa ai aɗit amuppa mana mettak hekku; laa amu ib etta hipunin haknu ofa, laa am manaknu ofa. Ib amuppa mana mettak danab nug doɗ amu mana, Kayak metta, nug Yawe noobppa heeb, leppu nak iitta meum, amunu dubuttid danab amuppa daatte Kayaknu neekkakppa iitta mekkunu hak am elele medakku.

Lewitikas 19:22

Am mana mettak danab nug sipsip dawai amu eheɗ haknu ofa Yawe noobppa ha, amuppa nug heeb, danab amunu eheɗ haknu nob nau tiigppa iitta mekkunu elele medakku. Amu Yawe Nug danab amunu hipunin uhuqa medakku.

Lewitikas 2:2

Anam hewowa, laa nug mana mettak hette ele nug mana mettak amu awa, Aron bekkod gumatta ukkeb, amunu laa nug geha plaua enanag olip goɗen ele kaboliak eppeg laippuppa appua, amu kalu danab ile muttuɗig enanag bette, amu oh ele, ou daakkunu qaɗabppa aab aɗuppa manakku. Am mana mettak amuam aab aɗunu ofa aakku. Mana mettak amunu muttuɗignu, Yawe Nug ooppa ena dootte.

Lewitikas 2:9

Mana mettak danab nug ee aegnu ofa amunu maha laa oh ou daakkunu awa, amu nug qaɗabppa aab aɗuppa manakku. Amuam aab aɗunu ofa laa aakku. Mana mettak amunu muttuɗignu, Yawe Nug ooppa ena dootte.

Lewitikas 4:19

Mana mettak danab nug doɗ ittag oh awa, qaɗabppa maikkuoitte.

Lewitikas 4:26

Am nug qaɗabppa, Yawe ele laippu dayaknu ofa hetteb bianab ha, meeme ittag oh maneb eokkuoitte. Mana mettak amuppa amu, mana mettak danab nug heeb, eheɗ haknu nob nau doɗ tiigppa iitta meeb elele metteb, Kayak Nug hipunin uhuqa medakku.

Lewitikas 4:35

Aun laa nug beɗuppa aab ele nug ag Yawe ele oolag laippu dayaknu ofanu sipsip-ppa, mana mettak hetteb bianab, nug sipsip amu ittag oh aokkuoitte. Anam heeb, mana mettak danab nug ittag qaɗabppa, Yawe mettaknu aab aɗunu ofa daatte ele, nug amu qaɗeppa maneb eokku. Mana mettak amuppa amu, mana mettak danab nug heeb, eheɗ haknu nob nau doɗ tiigppa iitta meeb elele metteb, Kayak Nug hipunin uhuqa medakku.

Lewitikas 5:10

Aria, mana mettak danab nug ai laa amu awa, manaknu ofa haaha, amu haknu ɗo oh dim lamitta hekku. Mana mettak amuppa amu, mana mettak danab nug heeb, eheɗ haknu nob nau doɗ tiigppa iitta meeb elele metteb, Kayak Nug hipunin uhuqa medakku.

Lewitikas 5:6

Nug nuhig hipunin miag uhuqowa, nug hipunin amu heum, amunu nug sipsip balatte, o meeme balatte laa awa, Yawe toppa wakkuoitte. Amuam nuhig ib etta hipunin haknu ofa aakku. Mana mettak amuppa amu, mana mettak danab nug heeb, eheɗ haknu nob nau doɗ tiigppa iitta meeb elele medakku.

Lewitikas 8:21

Amge Moses nug tatam gamagppan keeke, amuam oo, biig, uɗuag, keeke amubia, amu baekkud ele oh leppa ihalattowa, nug qaɗabppa sipsip dawai amu oh manaknu ofa ha manom. Amuam Yawe mettaknu aab aɗunu ofa aakku. Mana mettak amunu muttuɗignu, Yawe Nug ooppa ena dootte. Imu oh amu Yawe Nug Moses anam hekkununab aum bia heum.

Namba 15:25

Mana mettak danab nug Israel dilag eheɗ haknu nob nau doɗ tiigppa iitta meeb elele medakkunu, nug mana mettak anam aakkude haɗ! Nug anam heeb amu, Yawe Nug hipunin ahilag uhuqa madakku. Nug hipunin ahilag uhuqa madakkunu diig laa am, ag hipunin ii doonna heppig. Am diig aɗit laa am, ag aab aɗunu ofa hena, ag ib etta hipunin haknu ofa ele heppig.

Matyu 3:17

Kayak Ouɗi anam ne amu, baag laa hab aabppanu aum. “Imuam da bekkal, da nuhignu ool mauhtte. Nuhignu ele da oolppa enanag doottem,” ewa aum.

Epesus 5:2

Ag nug oo mauhakppa, Kristus Nug ihinignu oo mauhe, Nug nukka Nug bau dayak nuhig ig ehanigkkunu uua, ihinignu mauhom bia oiyeg! Kristus Nug danab ag doɗ main Kayak muttuɗig ena dookkunu medatteb bia, nukka nuhigppa anam heum.

Hibru 1:3

Aam lettod ye, amahlak amia ukke, danab ah anidtteb, amubia Kayak Bekka Nug Kayak binag amahlak oppiaawak ele he, danab ah anidtteb, amu Nug Mameg daatte, amubianab daatte. Nug keeke oh nuhig naippa ɠagattag aqadtte. Nug nuhig mauhakppa Nug danab dilag hipunin uhuqa mattaknu ib ooɗom. Nug ib amu ooɗowa, Nug eɗua hab aabppa ta, Nug Kayak, Nug dagom onig ɠagattag ele, Nug Nug eppeg naɗiap-ppa daatte.

Hibru 10:12

Amge Kristus Nug am haen laippu aakkuib hipunin uhuqaknu mana mettak hanhannu aakku heum. Nug anam hewowa, Nug Kayak eppeg naɗiap-ppa heɗep na dayom.

Hibru 10:14

Anam amunu, Nug mana mettak laippuib heum amuppa Nug he, danab ag Kayak he ag oppiaawak danab benan daatteb ele, ag elelenab daatteb. Amu hanhan ele anamib daaglag.

Hibru 9:12

Kristus Nug meeme tiilkad, amu makau nakkud tiilkad ele awa, Oo Gunnab eleppa ii noum. Iitta! Nug nukka Nug tiig awa, haen laippu aakkuib Oo Gunnab Ele, Nug amuppa noa, Nug tiigppa Nug qagaiettakppanu eɗua uhuqak hanhannu ha mekkom.

1 Jon 1:7

Amge Nug nukka amahlakppa daatte, amubia ig amahlakppa oittem dayeb amu, ig oh nug oo laippu ele nug doya dayakppa daattem, amu Nug Bekka Jesus, Nug tiig ihinig hipunin oh mihehe, ig oppiak daattem.

Revelesen 5:9

Ikki danab 24 ag anam hena, ag ahi bau laa inam edappig. “Na buk itoɗiak amu aona, qataqak oh tolakkutnu ehah ele. Aɗinu? Ag heeg, na mauhme, amu na danab ah huu ohppanu, nai ohppanu, beɗulag iɗu iɗu ohppanu, wanppan wan ohppanu ele na tiinppa hipuninnu qagaiettakppanu eɗua uhuqak hena, Kayak mettame.