Lewitikas 4:27 - Nobonob Baibel

²⁷ Aun laa Israel ooppa nug ii doyaya Yawenu ib apiɗitta, Yawe Nug keeke ii haknunab aum amu haaha, hipunin hekku dayeb, nug aakku beɗuppa aab ele.

Lewitikas 4:27 ပူးပေါင်းရင်းမြစ်များ

Sam 19:13

Keeke laa amu, na oot da, nahip maɗi nid, na da meɗan ehaniɗna heppe, da doyeye hipunin ii hepanu unuqidttem. Ao, na oot da meɗan ehaniɗna heppe, hipunin amu da ii gumiɗmanu oɗ medattem. Na anam hekkut amu, da oolppa nahip neekkakppa kaliak laa ii daama. Yo, da hipunin laa, okkai naɗi daatte amu, da amu ii hein, beɗulppa aab ii daama.

Eksodas 12:49

Amu ɗo am laippu; Israel danab, amu wan laihnu danab nug uɗia, ag oolagppa daatte ele, am ag oh, ahilag ɗo,” awa aum.

Esekiel 45:17

Israel danab ah ag amu nug mettaglag, amge ahilag okkai nug am mana mettak oh nuhig keekeppanu hobul dayaknu haen epeɗiak haenppa, kalam bau betteppa, Sabat deɗppa ele mana, da Yawe, da meɗakkunu bappaidkku. Amu nug bappaidkkunu am inam; manaknu ofanu keeke, ee aegnu ofanu keeke, amu wain gokkaɗaknu ofanu ele. Nug ib etta hipunin haknu ofanu, ee aegnu ofanu, manaknu ofanu, laippu dayaknu ofanu doɗ, ee aeg keeke, bappaidkkunu diig am, nug nuhig keekeppanu babaitteb, mana mettak danab ag amuppa Israel oh dilag eheɗ haknu nob nau mana mettak amuppa iitta mekkunu heppeg, elele medakku.” Yawe Nug anam atte.

Esekiel 45:20

Amu kalam amunu deɗ eblaih aɗitppa ele Israel dilag okkai nug digmakppa heum bianab eɗua, danab o ah nug ii doyaya, hipunin heumte, o nug ɗo ii doya hipunin heumte, nug aakku hipunin heum amunu, nug eɗua, beɗuppa aab iitta daakkunu nug anam hekku. Amu ib amuppa ag heppeg, da laul am dahil neekkakppa oppiaawak daakku.

Lewitikas 4:13

Amu Israel danab ah oh ag ii doonna ib apiɗidna, ag Yawe keeke ii haknunab aum amu henana, hipunin hekkulag dayeb, Israel danab ah oh ag oh beɗulagppa aab ele. Ge, Israel ag keeke amuppa hipunin ii doonna hekkulag dayeb amu, ag aakku beɗulagppa aab ele.

Lewitikas 4:2

“Na Israel amelagppa nai imu appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Laa nug ii doyaya ib apiɗitta, nug Yawe aɗi keeke ii haknunab aum amu haaha, hipunin hekku amu, nug inam iikku hekku.

Lewitikas 4:22

Am haen Israel dilag ikki danab laa nug ii doyaya ib apiɗitta, Yawe, nuhig Kayak, Nug keeke ii haknunab aum amu haaha, hipunin hekku dayeb, nug aakku beɗuppa aab ele.

Lewitikas 5:17

Laa nug ii doyaya ib apiɗitta, Yawenu ɗoppa ⌊nuhig keekeppan⌋ keeke laa haknu aib daatte ele, nug amu tippalkku dayeb, nug aakku hipunin hekku. Anam amu, nug beɗuppa aab ele dayebeb, bu aokku.

Lewitikas 9:15

Anam hewowa amu, Aron nug Israel danab ah dilag mana mettak awa, Yawe toppa waum. Nug meeme dawai, danab ah dilag amu awa, ib etta hipunin haknu ofa haaha, baag otaɗowa, nug mana Yawe mettom. Nug mana mettak amuam nukka nuhignu heum bia heum.

Namba 15:16

Ɗo amu oh dim lamittaknu amu, ag, amu wan laihnu danab, ag uɗin, ag oolagppa daatteb amu, am ag oh tonattom aakku daatteb,” awa aum.

Namba 15:22

⌊Amu laa nug nai imu mattie, Israel ag dooppig.⌋ “Israel danab ah, ag ɗo oh Yawe ag dim lamidkkulagnu Moses mettom amu, ag dim lamidkkulagnu daatteb. Amu deɗ adekkuppa Yawe ɗo amu mattom amu, ag digmena, deɗ aguppanab dim lamidkkulagnu dayeb ukkeb ukkeb, hanhan dim lamidkkulagnu daatteb. Anam, amge ag ii doon tippalkkulag dayeb amu, Yawe Nug Moses amegppa amunu nai imu ⌊ag amelagppa akkunu inam⌋ aum.”

Namba 15:27

Amge laippu laa nug ii doyaya hipunin ha amu, nug meeme balat laa, maɗ laippu awak ele, nug doɗ amu awa, ib etta hipunin haknu ofa haɗ!

Namba 15:29

Ɗo imu amu, Israel danab, amu wan laihnu danab ele, ag oh tonadtte. Aun nug Israel tedte, iitta nug wan laihnu danabte, keeke amu oh am hamu. Auntai laa nug ii doyaya, hipunin hette amu, ɗo laippu amuib ag oh tonadtte.

Namba 5:6

“Na Israel inam appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Haen danabte, o iitta ahte layagppa eheɗ laa hette amu, kobol amuppa nug Yawe ippunittomnu oo metta ii uuak kobol ii dim lamidtte. Haen laa nug eheɗ anam hette amu, nug Yawe oo niitte ele amu ii hette. Laa nug kobol amu hette amu, nug beɗuppa aab ele.