Lewitikas 4:25 - Nobonob Baibel

²⁵ Nug amu heeb, mana mettak danab nug eppeg doɗo ib etta hipunin haknu ofanu tiigppa meeb noob awa, manaknu ofa haknu qaɗabnu qeqeɗi waɗeleppa mekku. Nug amuppa meeb, tiig laa oh am qaɗab diigppa gokkaɗkku.

Lewitikas 4:25 ပူးပေါင်းရင်းမြစ်များ

Eksodas 29:12

Na qeppe mauheb, na eppen doɗo makau gaiɗ amunu tiigppa meppe noob aon, qaɗabnu qeqeɗi waɗele, na amuppa maattona, tiig laa oh amu laih qaɗab diigppa gokkaɗppe ukkaɗ!

Aisaia 40:21

⌊Danab kayak hambuppuak binag metteb ele ag anam hambuppun hetteb, amge ag wanppan danab ah oh⌋ ag imu iite dooppig? Ag imu iite daulagppa dooppig? Laa nug digmak haenppanu uɗie, gemu ele imunu iite a dooppig? Ge, ag Kayak Nug wan imu heum haenppanu uɗie, gemu ele ag imu diignu doyak tutukku iite aɗappig?

Lewitikas 16:18

Nug anam hewowa amu, nug uɗia, doɗ tiigppa nug qaɗab Yawe noobppa daattenu heeb, qaɗab am Yawenu neekkakppa oppiaawak daakku. Nug amu hekkunu amu, nug makau gaiɗ tiig laa awa, amu meeme tiig laa ele awa, qaɗabnu qeqeɗippa mekku.

Lewitikas 17:11

Aɗinu? Keeke oh bau daatteb ele amu, ag tiigppa bau daatteb. Qaɗabppa amu, mana mettak danab nug heeb, ahilag eheɗ haknu nob nau tiigppa iitta meeb elele medakkunu hette amunu, da ag eheɗ haknu nob nau tiigppa iitta meeb elele medakkunu hekkulagnu tiig ag mattami.

Lewitikas 4:18

Mana mettak danab nug amu hewowa, nug tiig laa qeqeɗi waɗele oh, kalu muttuɗig ena ele manaknu qaɗabppa daatteb, qaɗab amuam mettid haknu peh lag danab ah appa qagmetteb ele, lag amu ooppa, Yawe noobppa daatte amu, nug qeqeɗi amuppa mekku. Makau tiig laa oh amu, nug mettid haknu peh lag danab ah appa qagmetteb ele, lag amu odppa, manaknu ofa haknu qaɗab diigppa appa gokkaɗkku.

Lewitikas 4:24

Nug eppeg meeme dawai amu igippa mewowa, aben manaknu ofa baag otaɗttebppa ele, appa Yawe noobppa baag otaɗkkuoitte. Amuam ib etta hipunin haknu ofa aakku.

Lewitikas 4:30

Nug amu heeb, mana mettak danab nug eppeg doɗo doɗ amunu tiigppa meeb noob awa, manaknu ofa haknu qaɗabnu qeqeɗi waɗeleppa mewowa, amu tiig laih oh qaɗab diigppa gokkaɗeb nokku.

Lewitikas 4:34

Nug amu heeb, mana mettak danab nug eppeg doɗo ib etta hipunin haknu ofanu tiigppa meeb noob awa, manaknu ofa haknu qaɗabnu qeqeɗi waɗeleppa mekku. Nug amuppa ma, tiig laa oh am qaɗab diigppa gokkaɗkku.

Lewitikas 4:7

Mana mettak danab nug amu hewowa, nug tiig laa qeqeɗi waɗele oh, kalu muttuɗig ena ele manaknu qaɗabppa daatteb, qaɗab amuam mettid haknu peh lag danab ah appa qagmetteb ele, lag amu ooppa, Yawe noobppa daatte amu, nug qeqeɗi amuppa mekku. Makau tiig laa oh amu, nug mettid haknu peh lag danab ah appa qagmetteb ele, lag amu odppa, manaknu ofa haknu qaɗab diigppa, appa gokkaɗkku.

Lewitikas 5:9

Nug anam hewowa, nug tiig laih qaɗab daug laih tauɗ qettowa, aria tiig laih oh heeb, madmad qaɗab diigppa nokkuoitte. Amuam ib etta hipunin haknu ofa aakku.

Lewitikas 8:10

Aria, Moses nug laittaknu goɗen awa, mettid haknu peh lag, amu keeke oh ooppa daatte ele, nug amu oh goɗen gokkaɗakppa tituanak heum. Nug anam heehe, keeke amu oh Yawenu tituana mettak daappig.

Lewitikas 8:15

Ag eppelag igippa meeg amu, aria Moses makau dawai amu baag otaɗom dimppa, qaɗab oppiak ele daakkunu, Moses nug eppeg doɗo makau amunu tiigppa me no awa, manaknu ofa haknu qaɗabnu qeqeɗi waɗele ohppa meum. Amu tiig laih dayom amu, nug amu oh qaɗab diigppa gokkaɗom. Amunu Moses nug ib amuppa tiigppa he, qaɗab am Yawenu tituana mettak daya, Yawenu neekkakppa oppiaawak dayom.

Lewitikas 9:9

Nug bekkod ag tiig aon doeg, nug eppeg doɗo laa me, tiig amuppa no, taula awa, qaɗabnu qeqeɗi waɗeleppa meum. Nug tiig laa oh amu qaɗab diigppa gokkaɗom.

Rom 10:4

Juda ag anam hetteb, amge Kristusnu uɗat okkaippa, ig oonigppa genab doottem ele amu, ig ib amuppa genab tutukku hak danab bemut daattem. Ig ɗoppa genab tutukku danab ah ii bettem. Uɗat amu Kristusnu uɗat okkaippa aakku iitta meum amunu, danab oh ag Kristusnu oolagppa genab dootteb aakkuib Kayak Nug ahilagnu amu, “Genab tutukku hak danab,” awa atte.

Hibru 2:10

Kayak, Nug keeke oh diig, keeke oh Nug hattom ele, amu Nug bekkod kuɗum oh diia attan teeb, binag amahlak oppiaawak ele daaglagnu dabmaama, Nug Jesus Nug guittak doyaya, ib amuppa Nug Eɗua Diiaknu Anuqak Danab elelenab ba daakkunu aum. Amuppa Kayak Nug kobol elelenab heum.

Hibru 9:22

Aria ɗo kobolppa, tiigppaib keeke oh bia oppiak daakkunu daatte. Amu tiig ii ne amu, Kayak Nug hipunin ii uhuqtte.