Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lewitikas 4:22 - Nobonob Baibel

22 Am haen Israel dilag ikki danab laa nug ii doyaya ib apiɗitta, Yawe, nuhig Kayak, Nug keeke ii haknunab aum amu haaha, hipunin hekku dayeb, nug aakku beɗuppa aab ele.

အခန်းကိုကြည့်ပါ။ ကော်ပီ




Lewitikas 4:22
15 ပူးပေါင်းရင်းမြစ်များ  

Keeke laa amu, na oot da, nahip maɗi nid, na da meɗan ehaniɗna heppe, da doyeye hipunin ii hepanu unuqidttem. Ao, na oot da meɗan ehaniɗna heppe, hipunin amu da ii gumiɗmanu oɗ medattem. Na anam hekkut amu, da oolppa nahip neekkakppa kaliak laa ii daama. Yo, da hipunin laa, okkai naɗi daatte amu, da amu ii hein, beɗulppa aab ii daama.


Na anam hekkut, amge na inam ele hekkut. Na danab ah oolagppanu danab ag keeke haknu elelenab daatteb laala, ag Kayaknu ebehilag oh bodoetta le mette, laa ag danab amunu genab elele dooglagnu elele, danab amu ag men doɗo awaknu nai hambuppuak ii mattimna ele amu, na danab amubia otiadna heppe, ag laala danab ah 1,000 gumadna, ahilag okkai daappeppeg, laala 100, laala 50, am laala 10 anam gumadnana, ahilkad ehanittak anuqak danab daaglag.


Na oɗenppa nai laa mattiona, hipunin aib heme. Na keeke laa hekkutnu genabnab hekkutnu nai anan qagakkut dayeb, dimppa na Kayaknu mettid lakka gona, appan mana mettak danab amegppa, “Da kakitten, nai amu mattimi,” aib ame. Na anam heppe, Kayak Nug oo nauhkku, amu Nug heeb, keeke oh na eppenppa uɗat heme ele nauhkkutai.


Amu Israel danab ah oh ag ii doonna ib apiɗidna, ag Yawe keeke ii haknunab aum amu henana, hipunin hekkulag dayeb, Israel danab ah oh ag oh beɗulagppa aab ele. Ge, Israel ag keeke amuppa hipunin ii doonna hekkulag dayeb amu, ag aakku beɗulagppa aab ele.


“Na Israel amelagppa nai imu appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Laa nug ii doyaya ib apiɗitta, nug Yawe aɗi keeke ii haknunab aum amu haaha, hipunin hekku amu, nug inam iikku hekku.


Aun laa Israel ooppa nug ii doyaya Yawenu ib apiɗitta, Yawe Nug keeke ii haknunab aum amu haaha, hipunin hekku dayeb, nug aakku beɗuppa aab ele.


Laa nug ii doyaya ib apiɗitta, Yawenu ɗoppa ⌊nuhig keekeppan⌋ keeke laa haknu aib daatte ele, nug amu tippalkku dayeb, nug aakku hipunin hekku. Anam amu, nug beɗuppa aab ele dayebeb, bu aokku.


⌊Amu laa nug nai imu mattie, Israel ag dooppig.⌋ “Israel danab ah, ag ɗo oh Yawe ag dim lamidkkulagnu Moses mettom amu, ag dim lamidkkulagnu daatteb. Amu deɗ adekkuppa Yawe ɗo amu mattom amu, ag digmena, deɗ aguppanab dim lamidkkulagnu dayeb ukkeb ukkeb, hanhan dim lamidkkulagnu daatteb. Anam, amge ag ii doon tippalkkulag dayeb amu, Yawe Nug Moses amegppa amunu nai imu ⌊ag amelagppa akkunu inam⌋ aum.”


“Israel oh ag hipunin ii doonna heppig dayeb amu, tamaniak oh ag makau gaiɗ laa manaknu ofa hena, doɗ amu manan, Nug mettaglag. Ag makau gaiɗ, amuppa mana mettak henana, ag Yawe aum bia, ag ee aegnu ofa hena, ag wain gokkaɗaknu ofa ele hekkulag. Mana mettak amunu muttuɗignu, Yawe Nug ooppa ena dootte. Amu ag meeme dawai laa ib etta hipunin haknu ofa daakkunu ele Nug mettaglag.


Ag Moses abenabppanu lamidkkulagnu hena, nuhig nai tappaeg ne heegeg, Israel danab 250 laa, Israel ag, ag ikki danab daaglagnu otiadppig ele amu, ag ahan, danab waɗele amu dim lamadna ehanadppig.


Ag keeke amu oh akkan ukkaegeg, Moses, mana mettak danab Eleasar, amu Israel danab ah dilag ikki danab ele ag haen tutu dayaknu aab kalan daappigppanu ahan, ag uɗalag tekkulagnu, aab kalak amu dimittim goppig.


Ag anam anidna, Moses, mana mettak danab Eleasar, amu Israel danab ah dilag ikki danab ele gumadna gona appig.


ag aab okkai eblaih laippu ele, laa nug laa ii doyaya qe mauhomnu ehanittak aab okkai daaglagnu tituankkulagoitte. Ag anam hekkulag amunu, aun laa nug ii doyaya, laa qeeb mauhkku amu, nug qaietta ukka, aab amuppa ena daakkunu gokku.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ