Lewitikas 4:21 - Nobonob Baibel

²¹ Am mana mettak danab nug makau gaiɗ amunu huppu laala daatteb, amu oh haen tutu dayaknu aab kalak dimittim awa ukka, appa maneb eokkuoitte. Amu laa nug ib etta hipunin haknu ofa hekkunu, mana mettak ikki danab hipunin hewowa heumbianab hekkuoitte. Amuam ib etta hipunin haknu ofa, Israel dilag tamaniak oh dilag aakku.

Lewitikas 4:21 ပူးပေါင်းရင်းမြစ်များ

Esra 8:35

Keeke skelppa mak uɗat ha malak amu, diia ukka laih me dayak danab ah Babilonnu ahan, eɗun uɗippig ele, ag Kayaknu manaknu ofa heppig; amuam Israel oh dilagnu makau dawai 12, aria sipsip dawai 96, sipsip gaiɗ 77 ele. Amu oh am manaknu ofa daappig. Amu ag ele ib etta hipunin haknu ofa haknu, ag meeme dawai 12 ele manadna, Yawe medappig.

Eksodas 29:14

Amge makau teppu, gaɗa, biig, biig ooppan biilag amu, na amu oh haen tutu dayaknu aab kalak dimittim aab aɗuppa manappe ewaɗ! Makau amuam ib etta hipunin haknu ofa.

Esekiel 45:22

Hobul amunu deɗ digmakppa amu, Israel dilag okkai nug makau dawai laa mana mettak danab ag manan, da Kayak, da meɗaglagnu madakku. Mana mettak amuam ib etta hipunin haknu ofa. Da Yawe, da danab okkainu hipunin, Israel danab ah oh dilag hipunin ele uhuqen madakkulnu, danab okkai nug anam hekku.

Lewitikas 16:15

Nug amu ha malowa, Aron nug danab ah dilagnu ib etta hipunin haknu ofa hekkunu nug meeme baag otaɗeb mauheb, tiig awa, nug Oo Gun Ele, Oo Gunnab Ele makkulaknu lamen, nug lamen amu ooppa, nug makau tiigppa heum bia anam meeme amu tiigppa hekku. Nug tiig amu Tituanak Nainu Kunup ameg, ameg amuam eheɗ haknu nob nau tiigppa iitta me elele medatte ippunadtte amu, nug ameg amu tauɗ qedakku. Nug anam hewowa amu, nug haen eblaih aɗit tiig amu aben Tituanak Nainu Kunup ameg noobppa daatte, aben amuppa tauɗ qedakku.

Lewitikas 16:21

Nug eppeg aɗit oh meeme igippa ma, nug hipunin ohnu, amu Israel danab ah dilag nai tappe nak amunu ele miagib madikku. Amuppa, nug geha danab ah dilag hipunin amu meeme igippa mekku. Nug anam hewowa, meeme amu, danab laa otippig ele, nug eppegppa meeb, nug awa atu taɗakppa appa gokku.

Lewitikas 16:27

Amu Aron makau gaiɗ, meeme dawai ele ib etta hipunin haknu ofanu aqa, nug eheɗ haknu nob nau tiigppa iitta meeb elele medakkunu, tiilah Oo Gunnab Ele amuppa awa noum amu, laa nug gaɗalah, teppulah, amu biilah ele doɗ amunu akka, haen tutu dayaknu aab kalak dimittim ukka, manatteb eoglagoitte.

Lewitikas 4:13

Amu Israel danab ah oh ag ii doonna ib apiɗidna, ag Yawe keeke ii haknunab aum amu henana, hipunin hekkulag dayeb, Israel danab ah oh ag oh beɗulagppa aab ele. Ge, Israel ag keeke amuppa hipunin ii doonna hekkulag dayeb amu, ag aakku beɗulagppa aab ele.

Lewitikas 4:20

Nug ib etta hipunin haknu ofa, mana mettak ikki danab hipunin hewowa heum, amubia hekku. Mana mettak amuppa amu, mana mettak danab nug heeb, eheɗ haknu nob nau doɗ tiigppa iitta meeb elele medakku. Kayak Nug hipunin uhuqa madakku.

Lewitikas 6:11

Nug anam hewowa, nug bala meum uɗowa, nug bala hanhan mette ele amu ma, uhuɗ amu awa ukka, haen tutu dayaknu aab kalak dimittim, appa aben dubuttid iitta eleppa mekkuoitte.

Lewitikas 6:23

Mana mettak danab dilag ee aegnu ofa oh am anam maippeg, iittanab mekkuoitte. Maha nakoknab laa am lanaknu laa iinab daama,” awa aum.

Lewitikas 8:17

Yawe Nug Moses anam haknunab aum bia, nug makau dawai kunum laih oh, amuam gaɗa, teppu, amu biig, biig ooppan biilag ele oh akka, nug haen tutu dayaknu aab kalak dimittim appa ukka, mane ewa, iitta meum.

Namba 15:24

“Israel oh ag hipunin ii doonna heppig dayeb amu, tamaniak oh ag makau gaiɗ laa manaknu ofa hena, doɗ amu manan, Nug mettaglag. Ag makau gaiɗ, amuppa mana mettak henana, ag Yawe aum bia, ag ee aegnu ofa hena, ag wain gokkaɗaknu ofa ele hekkulag. Mana mettak amunu muttuɗignu, Yawe Nug ooppa ena dootte. Amu ag meeme dawai laa ib etta hipunin haknu ofa daakkunu ele Nug mettaglag.

Matyu 20:28

Yo, nug Danab Bekkalag da, da hettem amubia haɗ! Am inam. Danab Bekkalag da, da wan imuppanu danab ah ag da ehaniɗkkulagnu ii uɗimi. Iitta. Da ag ehanadkkulnu uɗimi, amu da dahil mauhakppa danab ah kuɗum eɗue diiadkkulnu ele uɗimi,” awa aum.

2 Korint 5:21

Kristus Nug eheɗ laa ii heum amge Kayak he, Nug ihinig mana mettak dayeye, Kayak Nug hipunin ihinig oh awa, laippu qagma Nug qaɗeppa me, Nug mawom. Anam amunu, gemu Kayak Nug Kristusnu uɗat okkaippa ig anikka, ihinignu, “Genab tutukku hak danab,” awa akkunu elele.

Hibru 13:11

Juda dilag mana mettak ikki danab nug sipsip, makau ele tiilkad awa ukka, Kayak Nug danab ah dilag hipunin uhuqa madakkunu lag Oo Gunnab Ele, amuppa mana mettak hette, amge doɗ amu meulkad amu aab dimittim manatteg eotte.