Lewitikas 4:18 - Nobonob Baibel

¹⁸ Mana mettak danab nug amu hewowa, nug tiig laa qeqeɗi waɗele oh, kalu muttuɗig ena ele manaknu qaɗabppa daatteb, qaɗab amuam mettid haknu peh lag danab ah appa qagmetteb ele, lag amu ooppa, Yawe noobppa daatte amu, nug qeqeɗi amuppa mekku. Makau tiig laa oh amu, nug mettid haknu peh lag danab ah appa qagmetteb ele, lag amu odppa, manaknu ofa haknu qaɗab diigppa appa gokkaɗkku.

Lewitikas 4:18 ပူးပေါင်းရင်းမြစ်များ

2 Stori 29:22

Hesekaia nug ag amelagppa anam aum amunu, mana mettak danab ag makau dawai baalag otaɗatteg mauheg, tiilag amu aon, qaɗabppa tauɗ qedappig. Ag amu hewona, ag sipsip dawai baalag otaɗatteg mauheg, ag tiilag aon, qaɗabppa tauɗ qedappig. Ag amu hena malona, ag sipsip gaiɗ baalag otaɗatteg mauheg, ag tiilag aon, qaɗabppa tauɗ qedappig.

Eksodas 29:12

Na qeppe mauheb, na eppen doɗo makau gaiɗ amunu tiigppa meppe noob aon, qaɗabnu qeqeɗi waɗele, na amuppa maattona, tiig laa oh amu laih qaɗab diigppa gokkaɗppe ukkaɗ!

Eksodas 30:10

Laa amu, maɗ ohppa, haen laippu Aron nug, ⌊amu nug buɗub ele geha ag inam ele hekkulag amu,⌋ nug heeb, qaɗab amu dahil neekkakppa oppiaawak daakkunu, nug ib etta hipunin haknu ofa amu haaha, nug doɗ amunu tiig laih awa, qaɗabppa keeke makau qeqeɗi bia, amuppa maadkku. Ag buɗub buɗub doobob, maɗ ohppa amu, ag anam hekkulagoitte. Da, Yawe, da qaɗab amunu, dahilnu tituanaknab daatte anidttem,” awa aum.

Lewitikas 4:25

Nug amu heeb, mana mettak danab nug eppeg doɗo ib etta hipunin haknu ofanu tiigppa meeb noob awa, manaknu ofa haknu qaɗabnu qeqeɗi waɗeleppa mekku. Nug amuppa meeb, tiig laa oh am qaɗab diigppa gokkaɗkku.

Lewitikas 4:30

Nug amu heeb, mana mettak danab nug eppeg doɗo doɗ amunu tiigppa meeb noob awa, manaknu ofa haknu qaɗabnu qeqeɗi waɗeleppa mewowa, amu tiig laih oh qaɗab diigppa gokkaɗeb nokku.

Lewitikas 4:34

Nug amu heeb, mana mettak danab nug eppeg doɗo ib etta hipunin haknu ofanu tiigppa meeb noob awa, manaknu ofa haknu qaɗabnu qeqeɗi waɗeleppa mekku. Nug amuppa ma, tiig laa oh am qaɗab diigppa gokkaɗkku.

Lewitikas 4:7

Mana mettak danab nug amu hewowa, nug tiig laa qeqeɗi waɗele oh, kalu muttuɗig ena ele manaknu qaɗabppa daatteb, qaɗab amuam mettid haknu peh lag danab ah appa qagmetteb ele, lag amu ooppa, Yawe noobppa daatte amu, nug qeqeɗi amuppa mekku. Makau tiig laa oh amu, nug mettid haknu peh lag danab ah appa qagmetteb ele, lag amu odppa, manaknu ofa haknu qaɗab diigppa, appa gokkaɗkku.

Lewitikas 5:9

Nug anam hewowa, nug tiig laih qaɗab daug laih tauɗ qettowa, aria tiig laih oh heeb, madmad qaɗab diigppa nokkuoitte. Amuam ib etta hipunin haknu ofa aakku.

Lewitikas 6:30

Amge mana mettak danab nug doɗ laa ib etta hipunin haknu ofa daattenu tiig awa, mettid haknu peh lag danab ah appa qagmetteb ele, nug tiig amu awa, lag amu ooppa Oo Gun Eleppa ukka, mana mettak amu tiigppa nug eheɗ haknu nob nau doɗ tiigppa iitta meeb elele medakkunu hette amu, laa nug doɗ amu teppu nakok laa iinab lama. Teppu amu manappeg, ewa iitta mekkuoitte.

Lewitikas 8:15

Ag eppelag igippa meeg amu, aria Moses makau dawai amu baag otaɗom dimppa, qaɗab oppiak ele daakkunu, Moses nug eppeg doɗo makau amunu tiigppa me no awa, manaknu ofa haknu qaɗabnu qeqeɗi waɗele ohppa meum. Amu tiig laih dayom amu, nug amu oh qaɗab diigppa gokkaɗom. Amunu Moses nug ib amuppa tiigppa he, qaɗab am Yawenu tituana mettak daya, Yawenu neekkakppa oppiaawak dayom.

Lewitikas 9:9

Nug bekkod ag tiig aon doeg, nug eppeg doɗo laa me, tiig amuppa no, taula awa, qaɗabnu qeqeɗi waɗeleppa meum. Nug tiig laa oh amu qaɗab diigppa gokkaɗom.