Lewitikas 3:6 - Nobonob Baibel

⁶ Am laa nug laippu dayaknu ofa hekkunu haaha, nug sipsip, o meeme awa dotte dayeb, nug sipsip o meeme dawai laa, o, sipsip o meeme anig laa awa, mana mettak ha, Yawe medakku. Amu nug Yawenu doɗ awa dotte amu, nug laa beɗuppa eheɗ laa iitta ele amu awa dokkuoitte.

Lewitikas 3:6 ပူးပေါင်းရင်းမြစ်များ

Aisaia 60:7

Kedar danab ag ahilkad sipsip, meeme ele manan Yawe mettaknu aon uɗiglag. Ao, Nebaiot danab ag sipsip dawai amunu aon uɗiglag. Ag aon uɗiglag amu, Yawe Nug amunu atte. “Ag aon uɗippeg, ag main meɗappeg, da oolppa ena, elele dookkul. Ag amu heppeg, da heppi, danab amu ag dahil mettid lag binag amahlak oppiaawak ele, ag appan bala bia daaglag,” awa atte.

Lewitikas 1:10

Am laa nug manaknu ofa hekkunu haaha, nug doɗ aɗppanu sipsipte, o meemete laa awa dotte amu, nug sipsip dawai laa, o meeme dawai laa, beɗuppa eheɗ laa iitta ele awa dokkuoitte.

Lewitikas 1:2

“Na Israel amelagppa nai imu appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Haen ag oolagppa laa nug doɗ mana Yawe medatte amu, nug nuhig doɗ sipsip, o meeme, o makau oolagppanu laa awa, Yawe toppa wakkuoitte.

Lewitikas 19:5

Haen ag laippu dayaknu ofa henana, ag doɗ manan, da Yawe, da meɗaglag amu, da mana mettak amunu ena doyen aokkulnu, ag amelagppa attem hekkulagnu ami bia, ag heig!.

Lewitikas 22:20

Aibnab doɗ nug beɗuppa eheɗ ele amu maippig. Aɗinu? Ag anam hekkulag dayeb amu, Yawe Nug ena doya, ii aoma.

Lewitikas 23:19

Aria, ag meeme dawai laippu aon gona, amuppa ag ib etta hipunin haknu ofa hekkulagoitte. Ag amu hewona, ag sipsip gaiɗ aɗit, maɗ laippu awak ele, amuppa Yawe ele laippu dayaknu ofa hekkulagoitte.

Namba 15:5

Amu laa nug manaknu ofa hette, o nug sipsip gaiɗ mana, Kayak medatte dayeb amu, nug 1 lita wain, wain gokkaɗaknu ofa daakkunu awa hekku.

Namba 6:14

Nug sipsip gaiɗ maɗ laippu awak ele, beɗuppa eheɗ laa iitta ele amu awa, manaknu ofanu, amu sipsip balat maɗ laippu awak ele, beɗuppa eheɗ laa iitta ele, nug amu ele awa, ib etta hipunin haknu ofa hekkunu, amu sipsip dawai beɗuppa eheɗ laa iitta ele laippu dayaknu ofa hekkunu, nug keeke amu oh awa, Yawe gumitta wana, Nug medakkuoitte.

Aposel 4:27

Dawit nug aum bia amu ag genab anam heppig. Herot Antipas, Pontius Pailat ele am iitta aɗi danab amu ag Israel ele, ag oh aab okkai imuppa qagmena, ag Jesus geɗidppig, Nug am maɗi nid nahip, oppiaawak ele. Na Nug anukka goɗen gokkaɗakppa tituanme.

Galesia 3:28

Amunu gemu Juda danab, Grik danab ele, begbeg maɗi nid, begbeg maɗi nid iitta ele, danab amu ah ele, ag oh elele eleleib daatteb. Ag oh Jesus Kristusnu daan, laippu daatteb.

Galesia 4:4

Am anam daye ukkom, amge haen Kayak aum amu elele mette, Kayak Nug Bekka me ne, ah nug menue, Nug ɗo waappa ba dayom.

Epesus 1:10

Nug oo niitte am inam. Nug ulum aɗebeb, Nug haen epeɗiom ele amu uɗieb, keeke hab attannu, wanppanu ele amu Nug oh qagmaatteb, Kristus waappaib daappeg, Kristus Nug keeke amu oh ikkilag daakku.