Lewitikas 3:2 - Nobonob Baibel

² Laa nug mana mettak hette ele, nug eppeg doɗ amu igippa mewowa, nug mettid haknu peh lag danab ah appa qagmetteb ele, nug amu odppa baag otaɗkkuoitte. Mana mettak danab, Aron bekkod, ag doɗ tiig amu qaɗab gigin waɗele ohppa tauɗ qettaglag.

Lewitikas 3:2 ပူးပေါင်းရင်းမြစ်များ

Eksodas 29:10

Na amu oh hena, na makau gaiɗ main, da meɗakkutnu daatte amu, na makau amu aon, dahil mettid haknu peh lag danab ah appa qagmetteb ele, ag lag amu odppa doppeg, Aron, nug bekkod ele ag eppelag makau igippa meig!

Eksodas 29:11

Ag eppelag igippa meppeg, na da, Yawe, da noolppa dahil mettid haknu peh lag danab ah appa qagmetteb ele, na lag amu odppa makau amu baag otaɗppe mauhaɗ!

Eksodas 29:15

Amu dimppa amu, na sipsip dawai tatamnu aoppe, Aron, nug bekkod ele ag eppelag igippa meppeg,

Eksodas 29:16

na sipsip amu baag otaɗppe mauheb, tiig amu na aon, qaɗab gigin waɗele ohppa tauɗppe ukkaɗ!

Eksodas 29:19

Amu na amu hewona, na sipsip dawai laa ele aoppe, Aron, nug bekkod ele ag eppelag igippa meppeg,

Aisaia 53:6

Ig danab ah oh ig sipsip matatun gona, padal metteb, ig amubia ib apiɗidta, matatut gomut. Ao, ig anen anen oh ig ihinig dabmak dim lamidkkunignu hemut. Ge, ig anam hemut, amu Yawe Nug ig danab ah oh, ihinig hipunin amu, Nug nuhig maɗi nid, nug amu maokkunu nuhigppa meum.

Lewitikas 1:11

Amu nug Yawe noobppa, qaɗab heqoppa, laih yawalti uɗitteppanu, nug appa, nug doɗ baag otaɗkkuoitte. Aron bekkod, ag mana mettak danab, ag tiig aon, qaɗab gigin waɗele ohppa tauɗ qettaglagoitte.

Lewitikas 17:3

‘Am Israel ted laa nug makau dawai ebehi ele, o sipsip nag, o meeme mana, Kayak medakkunu haaha, nug Israel dilag haen tutu dayaknu aab kalak ooppa, o dimittim amu hekku dayeb,

Lewitikas 17:4

amge nug doɗ amu awa, mettid haknu peh lag danab ah appa qagmetteb ele, nug lag amu odppa, Yawe gumitta, doɗ amu mana, Yawe medakkunu ii uɗitte dayeb, nug am danab laa nug hipunin okkai ha, layag qe mauhtte, hipunin amubia hekku. Nug aɗi heum ele, amuam danab laa qe mauhak bia heum amunu, nug Israel oolagppanu geɗittak daakkuoitte.

Lewitikas 3:3

Laippu dayaknu ofa laih amu, nug Yawe medakkuoitte. Amuam Yawe mettaknu aab aɗunu ofa aakku. Maha laih nug mana, Yawe medakku, amuam ittag ooppan keeke aɗak daatte oh,

Lewitikas 3:8

Nug awa wana, nug eppeg igippa mewowa, mettid haknu peh lag danab ah appa qagmetteb ele, nug lag amu odppa baag otaɗkkuoitte. Aron bekkod ag sipsip tiig aon, qaɗab gigin waɗele ohppa tauɗ qettaglag.

Lewitikas 8:22

Aakku Moses nug sipsip dawai laa amu awa, Yawe gumitta wana, Nug mettom. Sipsip dawai amuam baɗ awaknu epeɗiak. Aron, nug bekkod ele ag eppelag igippa meppig.

Sekaraia 12:10

Anam amu, da heppi, Dawit buɗub, aria Jerusalem danab ah ele, ag ehanittak okkai hamu mettaknu kobol, unuqittak kobol ele dim lamidkkulag. Ag anam henana, ag laa qetti banppa atulppig, amuam da, ag eɗun aniɗna, ag dahilnu oo doyak doon, mahiak okkai hekkulag. Laa nug nuhig nid laippuib, nid amu mauhe, nuhignu mahiak okkai hette, ag amubia dahilnu mahiglag. Ao, laa nug nid danab tatamnu mauhe, oo doyak okkai, guittak ele awa mahitte, amubia ag dahilnu mahiglag.

Namba 18:17

Amge ag makau okkai ebehi ele, o iitta sipsip, o iitta meeme nalkad ⌊dawai⌋ tatamnu manan, da meɗaglagnu henana amu, ag doɗ amu tituanakppanu eɗua uhuqak hekkulagnu elele iitta. Amu oh am dahilnu tituanak daatteb. Ag doɗ amu manan, da meɗaglag. Ag mana mettak hekkulagnu amu, ag tiilkad qaɗabppa tauɗna, ittalkad manadkkulag. Mana mettak amuam aab aɗunu ofa, nuhig muttuɗignu da, Yawe, da oolppa ena doottem.

Aposel 3:15

Ag danab ena, Nug bauklel diig, ag Nug qeeg mauhom. Ag qeeg mauhom, amge Kayak Nug he, Nug eɗua hibaitte, i amunu aɗi heehe anttomnu mattiak danab daaɗa, amunu mehuqttep.

Aposel 3:26

Anam amunu Israel danab, Kayak Nug heeb, ag oh anen anen ag hak nau ahilag uun, Nug dim lamidkkulagnu itittak amu madakkunu, Kayak Nug nuhig maɗi nid otia, ahilagppa tatam me uɗiom,” awa aum.

2 Korint 5:21

Kristus Nug eheɗ laa ii heum amge Kayak he, Nug ihinig mana mettak dayeye, Kayak Nug hipunin ihinig oh awa, laippu qagma Nug qaɗeppa me, Nug mawom. Anam amunu, gemu Kayak Nug Kristusnu uɗat okkaippa ig anikka, ihinignu, “Genab tutukku hak danab,” awa akkunu elele.