Lewitikas 3:17 - Nobonob Baibel

¹⁷ Ag ittagte, o tiigte amu iinab lakkulagoitte. Ɗo imu buɗub buɗub doobob, ahilagnu hanhan daakkunu daatte.” Moses nug anam aum.

Lewitikas 3:17 ပူးပေါင်းရင်းမြစ်များ

Genesis 9:4

amge ag doɗ teppu tiig ele, bau am tiigppa daatte amu, ag amu lakkulagnu elele iitta.

2 Stori 29:35

Danab ah ag doɗ amu aon uɗippig amunu, manaknu ofa kuɗum, laippu dayaknu ofa haknu ittag ele kuɗum, wain gokkaɗaknu ofa kuɗum daappig. Danab nug wain gokkaɗaknu ofa aakkuib ii hema. Iitta. Nug manaknu ofa laa haaha, nug wain gokkaɗaknu ofa ele hekku. Ag anam heppig amunu, ag eɗun, Yawenu mettid lag, ag amuppa Yawe noobppa dup nona binag mekkulagnu dayom amu, ag amu heppig.

Nehemaia 8:10

Amu Nehemaia nug aum. “Gemu deɗ imunu amu, ihinig Naɗi Nug amunu, dahilnu tituanak daatte anidtte amunu, ag ahan gona, ag ee ena, le ubuhi ele lanana, ag laa keeke anam iitta ele madappeg, ag ele laig! Ag aib gaappig. Aɗinu? Yawenu gamag ahak doyak am aab aɗ ɠagattagnab ele ahilag bia daatte,” awa aum.

Eksodas 27:21

Amu Aron nug bekkod ele ag geha lam amu dahil mettid haknu peh lag danab ah appa qagmetteb ele, ag peh lag amu ooppa, Oo Gun Ele, Oo Gunnab Ele makkulaknu lamen, Tituanak Nainu Kunup kontrak inak ele am lamen amu dimugppa Oo Gunnab Eleppa daatte amu, ag lamen amu guguittak, Oo Gun Eleppa mekkulag. Ag meppeg dayebeb, ag deɗ oh goɗen lamppa gokkaɗppeg noob, tueb meeb amotppeg, geha lam amu deɗ oh tuebnu ukkeb tuqan, tuqannu ukkeb wakkaɗak, aben da daattem amuppa, da Yawe, da noolppa ewawa dayaɗ! Ag Israel gemu daatteb, amu geha dimppa buɗub buɗub doobob, ag buɗulkad amu ele ag ɗo amu haen oh aɗan henana, mana mettak danab ag lam amu amotppeg, tueb digma ukka, buttua batak ewawa dayaɗ!” awa aum.

Eksodas 28:43

geha haen Aron nug bekkod ele ag dahil mettid haknu peh lag danab ah appa qagmetteb ele, ag amu ooppa nokkulag, o ag dahil qaɗab gukkuidna, lag Oo Gun Eleppa dahil ɗo maɗoɗnu uɗat hekkulagnu gokkulag amu, ag beɗulagppa aab iitta daaglagnu, da heppi mauhmananu amu, ag trosis ahilag, amu lamen laa oh waappa meig! Ɗo amuam hanhan anam dayebeb, Aron buɗub ele ag anamib heig!” awa aum.

Esekiel 33:25

Ag anam atteb amunu, na ag amelagppa, ‘Naɗi Yawe Nug inam atte,’ awona, na imu ele appe doyeg! ‘Ag doɗ teppu tiig ele latteb, ag kayak hambuppuak dottolkad binalag metteb, amu ag lailkad ele aqaeg mauhtteb amunu, ag wan imu ahilag daakkunu genab eɗun aon daaglagte? Iitta!

Esekiel 44:15

Lewi buɗub amu, ag amu hekkulag, amge Lewi buɗub laa, ag Sadok buɗub amu, ag am mana mettak danab daaglag. Haen Israel laa ag da uuiɗna, uma ukkaeg amu, Sadok buɗub ag ahilag uɗat da noolppa mettid lag dahilppa hekkulagnu dayom amu aakku heppig. Ag amu heppig amunu, ag da gumiɗna uɗin, da noolppa dahil ɗo maɗoɗnu uɗat hekkulag; ag doɗ ittag manan meɗan, ag tiig ele gokkaɗkkulagnu aakku daatteb.” Naɗi Yawe Nug anam atte.

Esekiel 44:7

Ag kobol eheɗ kuɗum, da kobol amunu uuaknab doottem, ag amu henana, ag wan laihnu danab, ag oolag babaittak iitta, beɗulag gaɗa otaɗak iitta ele, ag danab amu omaladna, mettid lag dahilppa goppig. Ag omaladna wana, haen amuppa ag ele doɗ main, da meɗappig amunu, kobol amuppa ag heeg, da laul dubuttid tak ele dayom. Ag amu henan, ag dahil nug tituana nai qakkak ig hemut ele amu, ag nai amu tippalppig.

Lewitikas 10:15

Aab aɗunu ofa hetteb ele, ittag mana mettak amuppanu, aria doɗ momo, baeg naɗiapnu tuɗi huma, Nug mettak ele amu, mana mettak danab nug amu oh awa, nug huma epponitta mettaknu ofa hekkuoitte. Momo, tuɗi amu ele am ag, amu ag bekkalkad, aɗelkad ele haen oh ahilagnu daakku. Yawe Nug haknunab aum bia, ahilagnu hanhannu daakku,” awa aum.

Lewitikas 10:9

“Na, amu na buɗunadppa ele ag iinab wain, o le ɠagattag laa lawona, mettid haknu peh lag danab ah appa qagmetteb ele, ag lag amu ooppa nokkulagoitte. Ag anam lawona, mettid haknu peh lag ooppa ii nokkulag dayeb amu, ag ii mauhmana. Ɗo imu buɗub buɗub doobob, ahilagnu hanhan daakkunu daatte.

Lewitikas 16:29

Ag keeke imu oh maɗ ohppa, kalam ebqak eblaih aɗit ele, kalam amunu deɗ eblaih tanig eleppa hekkulagoitte. Ag deɗ laippu amu ohppa amu, ag ee ohnu kud mena daanna, uɗat laa iinab hemana. Ɗo imu nug hanhannu, Israel danabnab, amu wan laihnu danab, ag uɗin, ag oolagppa daatteb ele, ahilag ohnu daatte.

Lewitikas 16:34

Ɗo imu amu ag Israel danab ah, am ag ahilagnu, hanhannu daatte. Mana mettak danab nug maɗ anen anenppa, haen laippu, hipunin ag heppignu amu, nug hipunin amu haknu nob nau tiigppa iitta meeb elele medakkunu hekkuoitte,” awa aum. Am Moses nug Yawenu nai dim lamitta hekkununab aum amu, nug amu oh dim lamitta heum.

Lewitikas 17:7

Am danab ah ag aben laih laih ouɗi nau dilagnu mana mettak hena, ag noolagppa dup nona binalag metteb amu, ag mana mettak hak amu uuglagoitte. Ɗo imu buɗub buɗub doobob, ahilagnu hanhan daakkunu daatte,’ ” awa aum.

Lewitikas 19:26

Teppu laa tiig ii gokkaɗa ukkak ele amu, ag aib lappig. Ag eman hak kobol, o onig awak, o emaɗ hak kobol aib heppig.

Lewitikas 23:14

Ag ee aeg bau aon, aib bret, o ee meu manak, o ee meu bau lappig. Ag tatam aon manan, ahilag Kayak mettona, lakkulag. Ɗo imu ahilagnu hanhan daakku. Ag, amu buɗub buɗub doobob, ag ele, ag adeppa adeppa daaglag amu, ag ɗo imu aɗan autna aon, dim lamidkkulagoitte.

Lewitikas 23:21

Deɗ laippu amuppa amu, ag uɗat ahilag oh ag hanhan hetteb amu, ⌊mana mettak danab ag,⌋ ag amu uun, ii hemananu appeg, ag Yawe noobppa qagmena dup nona Nug binag mekkulagoitte. Ɗo imuam ahilag hanhannu daakku. Ag, amu buɗub buɗub doobob, ag ele, ag adeppa adeppa daaglag amu, ag ɗo imu aɗan autna aon, dim lamidkkulagoitte.

Lewitikas 24:3

Lam amunu amu, Aron nug geha mettid haknu peh lag danab ah appa qagmetteb ele, lag amu ooppa, Oo Gun Ele, Oo Gunnab Ele makkulaknu lamen heqo laih Oo Gun Eleppa appa bappalatta, nug Yawe noobppa, amahlak amu tuɗid ele tuebnu ukka buttua eon amahalkkulagnu, nug dabmadatta atognoatta bappaladkkuoitte. Ɗo imu ahilagnu hanhan, buɗub buɗub doobob dayebeb, ag ɗo imu aɗan autna aon, dim lamidkkulagoitte.

Lewitikas 24:9

Bret kunum amu oh am Aron, nug buɗuppan danab ele aakkuib, ahilagnu daatte. Ag aben Kayaknu tituanak daatte ele, ag amuppa daanna lakkulagoitte. Aɗinu? Bret kunum amu, ag Yawe mettaknu aab aɗunu ofa ohnu laa aakku; amu mana mettak danab ag mana mettak amuppanu maha, ahilag ee daakkunu aoglag. Amu bret kunum imu, am maha amunu maha laa aakku; am Yawenu tituanaknab daatte,” awa aum.

Lewitikas 3:16

Mana mettak danab nug qaɗabppa ee bia maneb eokku. Amuam aab aɗunu ofa aakku. Mana mettak amunu muttuɗignu, Yawe Nug ooppa ena dootte. Ittag oh Yawenu daatte amu, ag amu aib daulag atiom! Ag dabmekkulag.

Lewitikas 4:1

Amu Yawe Nug Moses amegppa aum.

Lewitikas 6:15

Mana mettak danab nug plaua enanag, olip goɗen ele kaboliak eppeg laippuppa appua, amu kalu danab ile muttuɗig enanag bette ele daugppa mak oh ele aokku. Nug amu laa oh ou daakkunu qaɗabppa mana, Yawe medakku. Mana mettak amunu muttuɗignu, Yawe Nug ooppa ena dootte.

Lewitikas 6:18

Mana mettak danab ag Yawe mettaknu aab aɗunu ofa hadatteb ele, amu maha laa am ahilag daakkunu tituanak daatte amunu, Aron buɗubppan danab aun nug ee aegnu ofanu maha amu lakkun elele, gemu, buɗub buɗub doobob, hanhan ele. Aun laa, o aɗi keeke laa ee amu lauɗidtte amu, ee amu heeb, nug Yawenu tituanak ba daakku,” awa aum.

Lewitikas 6:22

Mana mettak ikki danab bekka, nug mameg abenab aokkunu daatte, haen nug digma, mana mettak danab abenab awa daakku amu, nug deɗ nug goɗen laittakppa tituanak aotte, deɗ amuppa nug mana mettak amubianab ele hekkuoitte. Amuam oh Yawe tituana aum bia, nuhig daatte amunu, maneb iitta mekkuoitte.

Lewitikas 7:23

“Na Israel danab ah amelagppa nai imu appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Ag makau, o sipsip, o meeme ittag iinab lamana.

Lewitikas 7:34

⌊Nai amunu amu, Yawe atte.⌋ ‘Aɗinu anam daakkuoitte? Israel danab ag laippu dayaknu ofa hekkulagnu doɗ akkan dotteb ele amu, da amuppanu doɗ momo, tuɗi naɗiap ele huma epponitta mettak ele, da teppu amu haen oh mana mettak danab dilagnu epeɗiatmi daatte,’ ” awa atte.

Lewitikas 7:36

Mana mettak danab ag goɗen gokkaɗakppa tituanak aoppig, haen amuppa amu, Israel ag ahilkad teppu epeɗiak amu hanhan mana mettak danab mattaglagnunab, Yawe Nug ag ɗo mattom. Ɗo amu buɗub buɗub doobob, ahilagnu hanhan daakkunu daatte.

Namba 19:21

Israel danab ah ag ɗo imu alet hanhan dim lamidkkulagoitte. Danab nug le, amuam le heeb, danab nug da, Yawe, da ele ouqa dayaknu elelenu le, nug le amu tauɗtte amu, nug ele lamen nuhikkud mihakku; amu aun nug le amu, amuam le heeb danab nug da Yawe, da ele ouqa dayaknu elelenu le amu, nug amu aɗatte amu, nug geha da ele ouqa dayaknu elele iitta dayeb ukkeb, tueb meeb, nug da ele ouqa dayaknu elele daakku.

Matyu 16:24

Haen amuppa Jesus Nug nuhikkud ippunittak awak danab amelagppa aum. “Laa nug da dim lamiɗkkunu oo dayeb amu, nug nuhig dabmak dim lamidkkunu dab-iinab-mema. Iitta. Nug nuhig ad emaitak mawa, da dim lamiɗaɗ!

Matyu 26:28

Imu da tiil, amuppa da nug tituana nai qakkak bau hettem. Da danab ah kuɗum dilag hipunin uhuqen madakkulnu gokkaɗttem.

Aposel 15:29

‘Ag doɗ, danab ag doɗ amu main kayak hambuppuak dottolkad madappig ele amu, ag doɗ amu teppu ii lamana. Ag doɗ tiig ele ii lamana. Amu danab ag doɗ muɗippa o eppelagppa baag aɗaeg mauhom amu, ag teppu amu ii lamana. Aria, ag gappai kobol ele ii hemana.’ Ag keeke amu oh tutukku dabmettan, ii hemana am ena. Aakkuib. Ag ena daaglagnu oonig daatte.” Ag anam yaappig.

Epesus 1:7

Kayak Nug nuhig doyak dabmak ena ele oh, nuhig diignu doyak tutukku oh eleppa Nug dabmekka, Nug nuhig ehanittak okkai hamu mettak naɗinab megakka, Nug Jesus Kristus tiigppa Nug ig hipuninnu qagaiettakppanu eɗua uhuqak ha mekka, ⌊amuppanu laih amu⌋ ig hipuninnu uhuqak aomut.

Epesus 5:26

Ge, Kristus Nug tamaniak leppa amu Kayak naippa ele iheb, oppiaawak daakkunu,

Duteronomi 12:16

Ii lanaknu daatte amu tiig aakkuib. Ag tiig amu le bia gokkaɗppeg wanppa ukkaɗ!

Duteronomi 12:23

Amge bauklel am tiigppa daatte amunu, ag aib tiig lappig. Ag teppu tiig ele ii lakkulagoitte.

Duteronomi 12:24

Ag aib tiig lappig. Iitta! Ag tiig am le bia wanppa gokkaɗkkulagoitte.

Duteronomi 15:23

Amge ag tiig amu aib lappig. Tiig am, ag le bia wanppa gokkaɗppeg ukkaɗ!

Duteronomi 32:14

Nug he, makau, meeme ele ag lanaknu huh huanak ele daappig. Ao, Nug he, sipsip nakkud ittag ele, amu meeme ele ag ena meegeg, lanaknu teppulkad ena ele daappig. Yawe Nug Israel danab ah sipsip dawai enanagnab Basannu, Nug amu ele mattom. Ge, Nug ag wit ena ele mattom. Nug ag amu matte, Nug he, grep ahilkad meu ena oegeg, ag wain enanag lappig.

1 Timoti 4:4

Ig doottem, keeke oh Kayak heum amu, ig Nug amegppa, “Ena hen mekkame,” atata aognig. Geɗidkkunignu ele iitta.