Lewitikas 26:6 - Nobonob Baibel

⁶ Da geha wan amuppa, ag maɗoɗ madappi, ag baɗak iitta ele daaglagnu elele daaglag. Laa heeb, ag ii baɗamna. Da geha doɗ dakkuɗ ahilag wanppan lamadppi goppeg, kekeɗ eheɗ hattamnanu atognoadkkul.

Lewitikas 26:6 ပူးပေါင်းရင်းမြစ်များ

2 King 2:24

Ag amu heegeg, Elisa nug eɗua neekkattatta, Yawe onigppa ag eheɗ laa awaknu anak waappa daaglagnu aum. Aria, pahanab bea aɗit atu ooppanu beya goya, nid oolagppanu nid 42 amu oh guittak okkai madapiɗ.

1 Stori 22:9

Amge na bekkat, na menukkut amu, nug maɗoɗ danab, nug ban hak danab ii daama. Amu da heppi, kekeɗ nuhikkud ag taliliadna daatteb ele ag ahan, ban ii hemana. Nug onig Solomon daakku amunu, nug king dayebeb, da heppi, haen amuppa Israel danab ah ag maɗoɗ, ban hak iitta daaglag.

2 Stori 20:30

Kayak Nug he, Juda dilag kekeɗ oh ag toettan daappig amunu, Juda wan, Jehosapat gumom amu, amuppan danab ah ag maɗoɗ ele daappig.

Job 11:19

Na niikkutnu, na niiak abenppa ukkan qen niippe, laa nug heeb baɗakkutnu ii daama; laa kuɗum ag uɗin, ehanadkkutnu oɗ mettaglag.

Job 5:23

Na anam daakkutnu diig am, ⌊Kayak heeb,⌋ wan ee huana medakku. Ao, doɗ dakkuɗ ele ag nahipnu, ‘Ihinig kekeɗ,’ ii doomna.

Sam 144:14

Dad ihinkadppa ee eppaladttem ele am meulkad huana oppeg, makau mawadkkulagnu uug ele daakku. Ihinkad kekeɗ ag uɗin aab okkainu aɗ loppaɗppeg neeb, appanigppa nona heppeg, ig gota, wan laalappa ii daamta. Ao, auntai laa nug baekkudppan laa qeppig, o laa aon goppig, nug amu ii anidma, mahiak amu ii hema. ⌊Aɗinu? Eheɗ hak kobol amuam oh ii daamna.⌋

Sam 147:14

Amu ele, Nug he, ag Israel wanppa daatteb, ag maɗoɗ ele daaegeg, Nug ag bret kunum ena ena witppa heppig amu matte latteb.

Sam 29:11

Yawe Nug danab ah nuhikkud ɠagattag madatte. Yawe Nug danab ah nuhikkud itatta, maɗoɗ madatte.

Sam 3:5

Yawe Nug da dabmeɗatte amunu, da ukken qein niieye, da eɗuen ahattem.

Sam 4:8

O Yawe, na aakkuib dabmeɗeɗe, da baɗak iittappa daattem amunu, geha da ool maɗoɗ ele ukke, qein niikkul.

Sam 85:8

Amu da Kayak Yawe Nug aɗi atte, da amu dookkulnu daul humakkul. Aɗinu? Nug nuhikkud danab ah, ag nuhignu oo metta ii uuak kobol dim lamidtteb ele, Nug ag maɗoɗ matteb daaglagnu nai ana qagatte, amge ag eɗun, anukkanu Kayak dab-ii-maama hak kobol aib heppig.

Eksodas 23:29

⌊Amge⌋ da heppi, ag maɗ laippuppaib ii lamadmana. Iitta! Da anam heppilob amu, geha wan am hele-ettak daalo, doɗ dakkuɗ ag ele geha kuɗum appatna, ag ahan, ag eheɗ hattalob amunu, da anam ii hepa.

Prowerb 3:24

Na kobol aɗit amu daut ii atieb, dim lamatkkut dayeb amu, haen na niinna, na ii baɗamna. Ao, na niittem haenppa na enaib niikkut.

Prowerb 6:22

Haen na adeppa adeppa oikkut amu, ihinih nai am ulum medakku. Ao, haen na niikkut amu, nai amu na atognoidkku. Ge, haen na eɗun ahakkut amu, nai amu na aɗi aɗi hekkutnu ippunidkku.

Aisaia 35:8

Amu Yawe heeb, wan enanag dayeb, amuppa ib naɗi enanag ele daakku. Ib amu onig am Danab Oppiaawak Ba Daakkunu Ib. Danab ah ag Yawenu neekkakppa ag oolagppa dubuttid teum daatteb ele, ag ib amuppa ii oimna. Iitta. Ib amuam danab ah ag Kayakib dim lamidna, hipunin ii hetteb ele, ag ippulag aakkuib daakku. Nau hak danab ag Yawe dab-ii-mena ii dim lamidtteb ele, ag amuppa nakok laa oiglagnu elele iitta.

Aisaia 35:9

Doɗ laion ib amuppa ii daama, amu doɗ nau laala, danab qe mauhtte ele, doɗ amubia laa ib amuppa nakok iinab daamna. Doɗ anam ag ib amuppa ii daamna. Ib amuppa amu, danab ah Yawe Nug ag hipuninnu qagaiettakppanu eɗua uhuqak ha mattom ele, agib aguppa oiglag.

Aisaia 45:7

Da hei, amahlak amahaltte; da hei, gatatu daatte. Da hei, danab ag maɗoɗ aon daatteb, amu da hei, danab ag uug naunab waappa daan oitteb. Da Yawe, da keeke imu oh hettem.

Aisaia 9:7

Nug am King Dawit ou, Nug geha Dawitnu sia kingppa dayaya, danab ah gumadkku. Gumak uɗat pehettak hekkunu ɠagattag, maɗoɗ ele am haen oh okkai meebeb gokku. Nug Dawit ou daya, Dawitnu sia kingppa dayaya, Nug kobol genab tutukku ele, amu nai doya mala hettoɗia epeɗia elele mettak kobol ele dim lamittebeb, gumak nuhig am okkai, ɠagattag ele beebeb ukkeb, anamib hanhan daakku. Yawe Nukka Ɠagattag Oh Ele, Nugib amunu yag-nab-bak doya heeb, anam bekku.

Jeremaia 30:10

Amu Yawe Nug atte. “Da amu hekkul amunu, ag Jakop buɗub, ag dahilad maɗi nid amu, ag aib baɗappig. Ao, ag Israel danab ah, ag oolag uug nau aib qeum. Aɗinu? Da genab ag ehanadppi, ag wan laa, wan laa amuam umanab daatte, ag appanu eɗun uɗin, ena daaglag. Ao, da ehanadppi, ag buɗulkad ag wan laappa diia ukka laih me dayak danab ah daaglag amu, ag appanu eɗun uɗin, ena daaglag. Da amu heppi, haen amuppa ag Jakop buɗub, ag maɗoɗ, ɠagattag ele daappeg, laa ag heppeg ii baɗamna.

Jeremaia 31:26

Ag anam daanna, ag akkulag. ‘Da ahe, neekki ukke, enanag niimi aakku doomi,’ aon akkulag.” Yawe Nug anam awa atte.

Esekiel 14:15

Amu Naɗi Yawe, Nug atte. “Anamtai bekku, o wan amuppan danab ah eheɗ anam heppeg, da heppi, doɗ dakkuɗ nau ag wan amuppa oinna, danab, ah, nid ele aqappeg iitta meppeg, wan amu hele-ettak dayebeb, doɗ ag kuɗum daaglag amunu, danab laa nug wan amu tom laihnu ukka, tom laappa gokkunu elele iitta daakku dayeb amu,

Esekiel 14:17

O iitta, wan amuppan danab ah ag eheɗ anam heppeg, da, ‘Kekeɗ ag uɗin, danab, ah, nid, doɗ ele qep elabppa aqappeg mauheg!’ appi, ag uɗin, da ib amuppa heppi, danab, ah, nid, doɗ ele aqappeg mauhkkulag dayeb amu,

Esekiel 14:21

Aɗinu? Naɗi Yawe Nug inam atte. “Bu mettak nau waɗele amu oolagppa laippu bekku dayeb am uug nau ele, amge da heppi, waɗele amu oh Israel danab ah aqadkku amu, amuam uug naunab nau. Bu mettak waɗele amuam ban, enug, doɗ nau, oɗe nau danab kuɗum aqe mauhtteb ele. Da heppi, bu mettak waɗele amu oh Israel danab ah, ahilkad doɗ ele ag mauhkkulagnu aqaglag.

Esekiel 34:25

Amu Yawe Nug anam awowa, Nug nai tuɗitta atte. “Israel danab ah ag am dahilad sipsip, amu da haen amuppa heppi, ag da ele ig maɗoɗ dayaknu nug tituanta nai qakkagnig. Ig amu heta, da heppi, ahilag wanppa doɗ dakkuɗ nau laa ii daama amunu, ag atu taɗakppatai daaglag, o iitta atuppa niiglagtai amu, ag baɗak iittappa daaglag.

Esekiel 34:27

Ahilkad ad dad okkaippa daatteb meu elele okkulag; ee wanppa betteb ele meu elele okkulag. Danab ah ag baɗak iittappa ahilag wanppa daaglag. Da amu heine, da ag laa eppelagppanu, ahilag begbeg maɗi nid baula daamnanu diiadkkul amu, ag dooglag, da am Yawe.

Esekiel 5:17

Da heppi, enug haen beeb, doɗ dakkuɗ ele ag aqadppeppeg, diig aɗit amuppa nid naunau ahilkad mauhppeg, ag nid iitta ele daaglag. Oɗe nau danab kuɗum aqe mauhtteb ele, aria layag qe mauhak kobol ele ahilagppa beeb, kekeɗ ele ag uɗin aqadkkulag. Keeke nau amu oh da heppi, ahilagppa beeb, ag nauhkkulag. Da Yawe, da aakku attem.” Yawe Nug anam aum.

Hosea 2:18

Amu Yawe Nug atte. “Haen amuppa amu, da geha doɗ dakkuɗ, ai, amu doɗ laa ag oolag wan qeeqe oitteb ele amu, da doɗ amu oh ele ag dahilad danab ah eheɗ ii hattamananu nug tituanta nai qakkagnig. Geha da heppi, dahilad danab ah ag wanelagppa qep elab, lat, amu ban hak ele ii anidmana. Da heppi, ag baɗak iittappa daan, tuqan niiak abenppa niiglag.

Hosea 2:20

amu oo metta ii uuak kobol ele dim lamatten atognoadppi, ag dahilad daanna, ag dahilnu, ‘Nug am Yawe,’ dooiɗkkulag,” awa atte.

Lewitikas 25:18

Ag dahil ɗo iɗu iɗu dabmettan, pehettak dim lamidna hekkulag amu, ag wan amuppa baɗak iittappa daaglag.

Lewitikas 25:19

Anam hena, ag wanppan keh huana aona, ag lappeg, oolag aɗebeb, wan amuppa baɗak iittappa daaglag.

Lewitikas 26:22

Da heppi, doɗ dakkuɗ ag nid naunau ahilkad aqadna, ahilkad makau ele heppeg nauhppeg, doɗ dakkuɗ ag heppeg, ag Israel danab ah, ag ahilag ebqak honap dayeb, ag ippulagppa danab laa ii oima.

Lewitikas 26:25

Ag geha amu hekkulag dayeb amu, amuppa ag nug tituana nai qakkak da hei, ig hemut ele, ag amu tippalkkulag amunu, da kekeɗ daup maadppi uɗippeg, ag ele ban hekkulag. Amu ag aab okkai ahilkadppa oolna gokkulag dayeb, da heppi, oɗe nau danab kuɗum aqe mauhtteb ele laa, ag aqa mumuɗatteb, ahilag kekeɗ ag diikku.

Lewitikas 26:7

Ag geha ahilag kekeɗ lamadna, qep elabppa hadappeg nauhkkulag.

Maika 4:4

Danab anen anen oh ag maɗoɗ ele muɗi grep ahilkad logoppa daaglag. Ao, ag maɗoɗ ele, ahilkad ad fig waappa, logoppa daaglag. Ag anam maɗoɗ ele daappeg, laa heeb, ii baɗamna. Keeke amu oh anam daakkunu diig am, Yawe Nukka Ɠagattag Oh Ele Nug amu bekkunu ana malom.

Sepanaia 3:13

Israel oɗo yaak danab ah daaglag amu, ag eheɗ ii hemana; ag hambuppuak nai ii mattimna, layag laa ele ii buppuidmana. Aɗinu? Ag sipsip ee lawona niitteb, amubia ag daanna, ag uug laa ii doomna; laa heeb, ii baɗamna.” Yawe Nug anam awa atte.

Hagai 2:9

Gemun lag imunu binag amahlak oppiaawak ele am anukka lag dayomnu binag amahlak oppiaawak ele eɗidkku. Anam daakku amu, da heppi, aben imuppa maɗoɗ daakku.” Yawe Nukka Ɠagattag Oh Ele Nug anam atte.

Sekaraia 9:10

Yawe Nug inam atte. “Da geha heppi, ban haknu karis ag baula Israel appa ii daamna. Ao, da heppi, hos banppanu ag Jerusalem appa baula ii daamna. Ge, da geha ban haknu lat heppi qiiadkkulag. Amu king ahilag Nug geha heeb, wanppan wan ohppa ag ban kobol uuna, ag maɗoɗ ele daappeg, ahilag king nug geha danab ah wan atu ohppanu gumadkku. Yo, Nug geha le naɗi Yupretis appanu digma ukka, wan batakppa ele gumadkku.

Jon 14:27

Da maɗoɗ awe ii gopa. Iitta! Da maɗoɗ ag madattem. Ge, da dahil maɗoɗ ag madattem. Wan imuppan maɗoɗ am laa, da amubia ii madattem amunu, ag oolag uug aib qeum. Ag aib baɗappig.

Aposel 12:6

Unuqittegeg, deɗ Herot nug Pita danab noolagppa mekkunu heum, deɗ amu ii wagkkaɗom, tuqan amuppa maniguittaknu gumak danab aɗit, laa laih, laa laih laappa daaeheh, Pita nug gamagppa niiom. Ag sen aɗitppa nug hippalppig. Nug anam niieye, gumak danab aɗit laa aa odppa daayya, od gumapiɗ.

Rom 5:1

Aria, ig oonigppa genab doout, Kayak Nug ihinignu, “Genab tutukku hak danab,” awa aum amunu, ihinig Naɗi Jesus Kristus, nuhigppa amu ig Kayak ele maɗoɗ daattem.