Lewitikas 26:32 - Nobonob Baibel

³² Da heppi, ahilag wan am nauhaknab daakku. Amu kekeɗ ahilkad ag appa daaglagnu daanna, ag he nauhak amu anidna, dabmak huanaknab aoglag.

Lewitikas 26:32 ပူးပေါင်းရင်းမြစ်များ

1 King 9:8

Amu lag imuam geha nauhak daakku. Anam dayeb, danab ag geha uɗin, ippa oinna anidna amu, ag geha dabmak huanaknab aona, awa awa qettak hena, ag akkulag. ‘Attem daye, Yawe Nug wan imu he nauhe, mettid lag imu ele he, kinipan ameg okkai hume tak daatte?’ akkulag.

Aisaia 24:1

Yawe Nug genab geha wan atu oh heeb nauhakib daakku. Nug geha wan tappa oɗoɗa, eɗua eɗua ma heeb, wan am geha eɗua, iɗu laanab daakku. Nug geha heeb, danab ah ag oolna, matatun gokkulag.

Aisaia 5:6

Dad mameg nug anam anana amu, nug tuɗitta aum. “Geha da wan amu heppi, wan meu waknu nakokib elele bia dayebeb, appa danab nug muɗi grep babaittak uɗat, wan buuak uɗat laa ele ii hema. Uud keeke qaun ele bena dad tonappeg, da geha gu ele dad amuppa nemanu, da ɗo mekkul,” awa aum.

Aisaia 5:9

Am Yawe Nukka Ɠagattag Oh Ele, Nug nuhig nai ɠagattag qetta, da amelppa inam aum. “Genabnab genab, gemu lag kuɗum daatteb, geha danab ag lag amuppa laa ii daamna; hele-ettak daaglag. Ao, gemu lag okkai okkai ena ena daatteb, amuppa danab ii daamna. Iitta!

Aisaia 6:11

Naɗi Nug anam a amu, da Nug inam oɗ mettami. “Naɗi, da anam heppi, haen gane laa ele ukkeb, da batakkul?” ami. Da ai amu, Nug inam da amelppa aum. “Geha aab okkai oh nauhppeg, wan ele nauhppeg, aab, lag ele hamu daappeg, danab ah aab, lag ele amuppa laa ii daappeg, na batakkut.

Aisaia 64:10

Kekeɗ ag nahipad aab okkai, nahipnu tituanak daatteb, ag amu hatteg nauhppig, atu taɗak bia daatteb. Sion ele anamib. Ge! Ag heeg, Jerusalem am nauhakib dayeye, danab ah appa ii daatteb bia.

Jeremaia 12:11

Danab amu ag heppeg, dahil wan oh am wan meu waknu nakokib elele, am anam daakku. Wan amuam da noolppa wan qaɗaiettaknab, wan hele-ettak daakku. Appa danab wan atognokkunu ii daama amunu, wan oh am nauhahkib daakku.

Jeremaia 18:16

Diig amunu amu, kekeɗ ag heppeg, ag Israel, ag ahilag wan am nauhaknab daakku. Danab laa ag nauhak amu anidna, ag ag Juda, ag ahilagnu, ‘Keeke hamunab,’ dooglag. Aun aɗi ag nauhak amu anidna, ag dabmak huanaknab aonna, ag ikkilag matuɗkkulag.

Jeremaia 19:8

Da heppi, aab okkai imuam nauhakib dayebeb, danab ah laa ag aab imuppan danab ah dilagnu, ‘Keeke hamunab,’ dooglag. Ge, aun aɗi ag aab imu guguittak oinna, ag aab okkai imu eheɗ nau awom anidna, ag dabmak huanak aona, ag aab imunu danab ah aon aon aqaglag.

Jeremaia 25:11

Wan imu oh am hele-ettak, wan meu waknu nakokib elele ba dayebeb, wan imuppan danab ah ag Babilon dilag king waappa daan, ag nuhig maɗi nid maɗ 70 daaglag.

Jeremaia 25:18

Da tatam hei, danab ah Juda appa daatteb, Jerusalem ele daatteb, ahilkad king, nuhikkud ehanittak anuqak danab ele ag nauhak daappeg, laa ag anadna, amelag iɗuak doon, ahilagnu, “Keeke hamunab,” doon, ag eheɗ laa awaknu anak waappa daaglagnu akkulagnu lappig. Lanak dimppa anamnab be, aakku daatte.

Jeremaia 25:38

Laion bau nug teɗppan aha, doɗ laa heeb nauhkkun oitte, amubia Yawe Nug heeb, ahilag wan am hele-ettak daakku. Yawe Nug ⌊nau hak huanak antta,⌋ Nug oo huanaknab nauhom daatte, amu Nug heeb, wan laappan daup ɠagattag ag ahan, ban ɠagattag hekkulag, diig aɗit amunu uug naunab amu anam aakku bekku.

Jeremaia 33:10

Amu Yawe Nug inam atte. “Na attem. ‘Aben imuam hele-ettak, wan meu waknu nakokib elele, am anam daakku, amu danab, doɗ ele imuppa ii daamna,’ aon attem. Na attem am genab, Judanu aab, aab Jerusalem imu ele nauhakib daaglag, amu danab, doɗ ele ag appa ii daamna, amge da heppi, aben amu ohppa danab ah ag qinob eɗun daanna,

Jeremaia 44:2

“Yawe Nukka Ɠagattag Oh Ele, Israel dilag Kayak, Nug inam atte. ‘Ag uug naunab nau da hei, Jerusalem, Judanu aab laa ohppa ele beum anidna malappig. Gemu aab amu ag hamu daatteb. Danab ah appa ii daatteb, nauhakib daatteb.

Jeremaia 44:22

Yawe Nug amu antta, amunu dabma, Nug ag ahilag nau hak digdig, ahilag hak nug amunu ooppa uuaknab dootte ele, Nug ag uuatteb, ag hak amu tuɗidna hekkulagnu elele ii doya, Nug he, danab ah laa ag wan amuam eheɗ laa awaknu anak waappa daakkunu anan oiyegeg, wan amuam hele-ettak, wan meu waknu nakokib elele, am anam dayom, amu danab ah appa ii daappig. Gemu ele anamib daatte.

Jeremaia 9:11

Amu Yawe Nug inam awa atte. “Da heppi, Jerusalem am kinipan ameg okkai hume tak daakku. Doɗ jakal ag aguppa daaglag. Ge, da heppi, Judanu aab laala ag nauhakib daaglag. Danab laa appa daakkunu elele iitta daaglag,” awa atte.

Gayak Nai 4:12

Wan imuppan wan laa oh dilag king, danab ah ele, ag kekeɗ ag Jerusalem ⌊eɗadna, aab amu aoglagnu⌋ ooppa nokkulagnu elele daaglagnu oolagppa genab ii dooppig.

Esekiel 5:15

Haen da ool nauheb, oppoɗil beeb, daug batak uug, eheɗ ele hein, bu eheɗ madappi, wan laala Jerusalem talilidna daatteb, amuppan danab ag ahilagnu hamu bia doon, aon aon aqan, ag da ahilagppa hemi anidna, ag ele padal memananu dabmak aona, da ag bu attem mattami anidna, ameg iɗuak dooglag. Da Yawe, da aakku attem.

Daniel 9:18

O Kayak dahil, na daut human, dahil unuqittak dookkutnu oɗ medattem. O Kayak, na neegppe ukkeb, aab okkai na onin amuppa daatte amu, na aab amu nauhakib daatte anidkkutnu oɗ medattem. Ig genab tutukku hak danab ah amunu, ig oɗmak imu ii hettem. Iitta. Ig danab ah tutukku iitta, amge na danab ah dilagnu oot gai-iitta doon, oot mattan ehanadttem amunu, ig oɗmak hettem.

Daniel 9:2

maɗ amuppanab da, Daniel, da Yawenu nai propet yaappig ebqein, da Yawe Nug Jeremaia ippunitte, nug yom bia, Jerusalem am maɗ 70 nauhak dayeb, haen amu maleb, ag bappaidppeg daakkunu doomi.

Habakuk 3:17

Uug naunab inam ana bekkutai. Ad fig nug haɗag iitai doma. Muɗi grep meu iitai okku. Olip ad amu, amuppa meu iitai daakku. Ee dattanu ele meu iitai oma. Sipsip laa aɗppa iitai daama, Makau ele aɗppa iitai daama.

Luk 21:20

Amge dimppa haen ag laa dilag daup ag uɗin, Jerusalem talilidppeppeg anidna, ag amuppa dooglag, aab okkai imu he nauhaknu haen aakku miag daatte.

Duteronomi 28:37

Anam beeb amu, wanppan wan laalappanu danab ah, Yawe Nug lamatte, ag goppig, ag oolagppa daatteb ele amu, laa amu ag kobol ahilagppa bekku amu anidppeg, ag ameg iɗuak doon, ahilagnu, “Keeke hamunab,” ele doon, imadkkulag.