Lewitikas 26:31 - Nobonob Baibel

³¹ Da heppi, ahilag aab okkai am nauhak daappeg, dup noa binag mak aben oh loppaɗppi neeb, ahilag mana mettaknu amu, da ool iinab hema. Mana mettak amunu muttuɗignu amu, da ool enanagnab doolo, amge da anam ii doopa.

Lewitikas 26:31 ပူးပေါင်းရင်းမြစ်များ

Genesis 8:21

Mana mettette, Yawe Nug mana mettak amu muttuɗignu ooppa ena doya, Nug nukka, Nug ooppa inam aum. “Da danab dilag eheɗ hak amunu wan eheɗ laa awaknu anak waappa daakkunu memi imubia baula iinab hepa. Aɗinu? Da doottem, danab nug menuak haenppa ukka ukka, mauhak nuhigppa amu, keeke laa nug danab ooppa hipuninppa eeɗkkunu daatte. Amu laa ele, da hemi bia, da keeke oh bau daatteb ele amu, baula heppi, ii mauhmana.

2 King 22:19

‘Na dahil nai laa, nai amuppa uug naunab wan imuppa, wan imunu danab ah ele dilagppa bekkunu daatte, amuam uug beeb, wan imuam nauhakib dayeb, ippan danab ah ag eheɗ laa awaknu anak waappa daaglag, na nai amu doon, na uug doon, na nakka na da noolppa na onin qe ne, na nahip lamen elab pattiɗna, da noolppa amen leb neum amunu, da nahip unuqittak doomi.’ Yawe Nug anam atte.

2 Stori 36:19

Babilon dilag daup ag Kayaknu mettid lag, danab okkai okkai laulkad enanagnab ele manatteg ewe, ag appa keeke oh, keeke amu awaknu am daden okkai ele, ele heeg nauhppig. Amu ag aab Jerusalemnu aɗ ele loppaɗeg, nauhakib dayom.

Nehemaia 1:3

Da amunu oɗ mattai, ag da amelppa appig. “Kekeɗ ag Jerusalemnu aɗ loppaɗeg, nauhakib dayeye, aɗnu od ele aab aɗuppa manappig amunu, Juda ag appa daatteb amu, ag uug nau doon, uɗa nak guittak ele, ag amu ele dootteb,” aon appig.

Nehemaia 2:17

Da anam dabmak awen, oiye aɗ italmi dimppa amu, da ag amelagppa ami. “Ag uug ig tonikkom daatte anidtteb. Kekeɗ ag heeg, Jerusalem nauhakib daatte; aɗnu od ele manaeg eoppig. Anam daatte, amge ahappeg, ig Jerusalemnu aɗ bappaidta, ig uɗa nak nau guittak ele baula ii doomta,” awe ami.

Nehemaia 2:3

Da baɗami, amge da king amegppa ami. “O king, na hanhan bau daakkutnu ool daatte. Amge da alai aɗi dakkeɗalag, da mamelad aɗi ag aguppa daan oin mauheg boumadppig amu, kekeɗ ag aab okkai amu heeg nauhe, ag aab amu aɗnu od ele aab aɗuppa manatteg eoppig. Ag anam heppig, amu da oolppa uug okkai doottem,” awe ami.

Aisaia 1:7

⌊Nid amubia amu,⌋ wan ahilag am wan hele-ettak daatte. Ao, aab okkai ahilkad amu, aab ewattom daatteb. Ag Israel ag neekkadna daaegeg, kekeɗ ag ban hena, keeke ahilag dad okkaippanu ag akkan, aon gotteb. Wan laappan kekeɗ ag wan laa heeg nauhakib daatteb, amubia ag ahilag heeg nauhe, wan ahilag amuppa keeke laa ii daatte, wan amu hamu daatte.

Aisaia 6:11

Naɗi Nug anam a amu, da Nug inam oɗ mettami. “Naɗi, da anam heppi, haen gane laa ele ukkeb, da batakkul?” ami. Da ai amu, Nug inam da amelppa aum. “Geha aab okkai oh nauhppeg, wan ele nauhppeg, aab, lag ele hamu daappeg, danab ah aab, lag ele amuppa laa ii daappeg, na batakkut.

Aisaia 63:18

Haen tutuib ig nahip aben nahipnu tituanak daatte gumamut Ao, ig gumamut, amge gemu amu, kekeɗ ihinig ag nahip mettid lag heeg nauhom.

Aisaia 64:9

O Yawe na oo nauhak okkainab, melemel elele iittappa doomnanu, na hanhan hipunin ihinig dabmenan oimnanu oɗ medattem. O Yawe, ig am nahipad danab ah daattem amunu, na dabmegakkutnu unuqidttem.

Aisaia 66:3

Amge laa nug ⌊dahil nai ii dim lamitta,⌋ nug makau dawai mana, da meɗatte amu, nug am danab layag qe mauhtte bia daatte. Laa nug ⌊dahil nai ii dim lamitta,⌋ nug sipsip nag mana, da meɗatte amu, nug danab nug qai mana, da meɗatte bia daatte. Laa nug ⌊dahil nai ii dim lamitta,⌋ nug ee aegnu ofa da meɗatte amu, nug am danab nug bo tiig awa meɗatte bia daatte. Laa nug ⌊dahil nai ii dim lamitta,⌋ nug kalu danab ile muttuɗig enanag bette ele mana, da meɗatte amu, nug am danab kayak hambuppuak dottolag noolagppa dup noa binalag mette bia daatte. Danab amu ag ahilag dabmakib dim lamidtteb. Ag keeke eheɗ nau, ag amunu oolagppa uuaknab doolob, ag hak amunu enanagnab dootteb.

Jeremaia 22:5

Amu Yawe Nug imu ele atte, “Amge ag haknunab nai da ag madattem dim ii lamidkkulag dayeb, da dakka da onilppa da dahil nai ɠagattag qetten, da heppi, lag enanagnab imuam nauhaknab aakkuib daakku attem,” awa atte.

Jeremaia 26:6

da heppi, lag dahil imu nauhakib daakku; anukka da hei, aab Silo nauhom, amubia nauhak daakku. Da amu heppi, wan atu ohppan danab ah ag aab okkai Jerusalem onig aon, eheɗ laa awaknu anak waappa dayaknu nai ahilagppa mekkulag,” awa atte.’ ” Yawe Nug Jeremaia anam akkunu aum.

Jeremaia 26:9

Anam anana, ag nai tuɗidna appig. “Aɗinu na, ‘Yawe Nug dimppa aɗi bekkunu nai imu meɗe madittem,’ anana, nai imu mattime? Na ame. ‘Yawenu lag Jerusalem daatte imu geha aab onig Silo, Nug he nauhom, lag imuam amubia daakku; aab okkai imuam hele-ettak daakku; amu danab ah ippa ii daamna,’ aon ame,” aon appig. Ag anam anana, danab ah oh ag Yawe laug ooppa Jeremaia talilidna daappig.

Jeremaia 4:26

Da neekki ukke, wan dad enanag dayom, wan amuam gemu atu taɗak antten, aab oh nauhattak aakkuib ele anadmi. Keeke oh anam nauib daaegeg anidminu diig am, Yawe, Nug ig hipunin heutut antte, nuhig oo nauhak huanaknab, amuppa uug amu oh beum.

Jeremaia 4:27

Keeke anam bekku. Aɗinu? Yawe Nug inam awa atte. “Dahil oo nauhak huanaknab am heeb, wan oh nauhkku, amge da heppi, wan am nauha auta autanab ii aoma.

Jeremaia 4:7

Yawe Nug anam a, da, Jeremaia, da Juda danab ah amelagppa ami. “Laa amu uɗitte amu, nug am laion laa nug teɗ nuhigppan aha, doɗ aqeeb mauhkkulagnu oitte bia uɗitte. Ao, laa nug wan kuɗum he nauhtteb ele, nug uɗikkun aakku ahom. Nug heeb, ag Juda, ag ahilag wan am nauhaknab daakkunu ahom. Ao, nug heeb, ahilkad aab kuɗum am nauhakib daaglag. Danab ah laa appa ii daamna. Iitta.

Jeremaia 44:2

“Yawe Nukka Ɠagattag Oh Ele, Israel dilag Kayak, Nug inam atte. ‘Ag uug naunab nau da hei, Jerusalem, Judanu aab laa ohppa ele beum anidna malappig. Gemu aab amu ag hamu daatteb. Danab ah appa ii daatteb, nauhakib daatteb.

Jeremaia 44:6

Juda ag amu heppig amunu, dahil oo nauhak huanaknab ba dayeye, da hei, Juda danab ah ele ag bu eheɗnab aoppig. Bu amuam Jerusalem appa, Judanu aab laala eleppa dayaya he, aab amu oh am hele-ettak daappig, gemu ele anamib daatteb,’ awa atte.

Jeremaia 52:13

Nug ba he, Babilon dilag daup ag Yawenu mettid lag, kingnu lag enanagnab, amu danab ah onilag ele, nug ag laulkad oh ele Jerusalem appa manatteg eoppig.

Jeremaia 9:11

Amu Yawe Nug inam awa atte. “Da heppi, Jerusalem am kinipan ameg okkai hume tak daakku. Doɗ jakal ag aguppa daaglag. Ge, da heppi, Judanu aab laala ag nauhakib daaglag. Danab laa appa daakkunu elele iitta daaglag,” awa atte.

Gayak Nai 1:1

O gadonnab gadon. Jerusalem appa danab ah ii daatteb bia; anukka danab ah ambak Jerusalem daappig, amge gemu appa ii daatteb bia. Anukka danab ah wan atu ohppanu Jerusalem binag meppig, amge gemu Jerusalem am ah qab bia daatte; anukka Jerusalem wan atu ohppa am onig okkai ele, kuin bia dayom, amge gemu nug begbeg maɗi nid bia daatte.

Gayak Nai 1:10

Kekeɗ ag uɗin, Juda dilag en aon goppig; wanppan wan laala, amuppan danab ag Kayak ii dim lamidtteb ele, ag Yawenu mettid lag ooppa ukkaegeg, Juda danab ah ag amelagppa anadppig. O Kayak, na danab amunu ag na lautppa wana nokkulagnu aib ame; amge ag wana noppig.

Gayak Nai 2:6

⌊Kekeɗ ag⌋ dad heeg nauhtte, amubia Nug he, Nug laug nauhaknab daatte. Ao, Nug he, danab ah Nug noobppa qagmekkulagnu lag, lag amuam nauhom daatte. Yawe Nug he, Juda danab ah ag Sion tena, hobul dayaknu haen epeɗiak, Sabat ele dabmekkulagnu amu, ag amu hekkulagnu elele iitta. ⌊Juda danab ah ag hipunin heppig amunu,⌋ Yawe oo nauhak huanaknab doya; Nug king, mana mettak danab ele geɗattom.

Gayak Nai 2:7

Naɗi Nug qaɗab, Juda danab ah appa doɗ main, Nug medappig ele, Nug qaɗab amu geɗittom; Nug nuhig mettid lag uua, Nug appa ii daatte. Nug he, king laulkad enanagnab ag kekeɗ eppelagppa daatteb. Kekeɗ ag Yawe laugppa tena, muttub qeeg, oqotti oum; oqotti amuam hobul dayaknu haen epeɗiak, Yawe Nug Israel amuppa daaglagnu aum, hobul amuppa danab ah ag huan etteb ele amu, oqotti amuam amubia dayom.

Esekiel 12:20

Kekeɗ ag heppeg, Israel dilag aab oh nauhaknab daaglag. Wan am hele-ettak daakku. Uug naunab amu beeb amu, ag Israel danab ah bau daatteb, ag dooglag, da am Yawe,’ ” awa aum.

Esekiel 21:15

Danab ah oolag bodoettak, ɠagattag iitta dooglagnu, ag kuɗum mauhkkulagnu ele da, Yawe, da dahil qep elab, qep amuam danab aqadtte ele, da qep amu Israel dilag aabnu aɗnu od ohppa memi daatte. Ge, laa nug qep dahil aɗa, danab ah aqakkun aɗom daatte. Nug he, qep amu amemɗi bia, amemɗiag aotte.

Esekiel 21:7

Na anam mahin gaappe, Israel laa ag ‘Aɗinu na anam hettem?’ oɗ medappeg, na inam appe doyeg! ‘Kayak Nug kobol laa uug naunab ele bekkun daatte am da amelppa aum amunu, da inam hettem. Kobol laa beeb, danab ohnab ag dabmak ɠagattag iitta ele daappeg, ag eppelkad ele gai-iitta mekkulag. Ag oolagppa ɠagattag dayaknu dabmak laa iinab dayeb, ag gatelkad am eɗun, le bia daaglag. Kobol amuam genabnab genab bekku.’ ” Naɗi Yawe Nug anam atte.

Esekiel 24:21

⌊Esekiel⌋ na Israel danab ah ⌊na ele Babilon ippa diia ukka laih me dayak danab ah daatteb amu⌋ na ag amelagppa inam appe doyeg! Naɗi Yawe Nug inam atte. ‘Da heppi, hipunin hak danab, Israel buɗubppan iitta, ag dahil mettid lag heppeg nauhkku. Ag Israel, ag dahil lag ag oolagppa daattenu enanag doon, “Lag amu ig oonigppa daatte amunu, aɗitai laa heeb, ig ii nauhmata,” aon atteb. Ag lag amunu enanagnab doon, lag amunu ag oo mauhak bia dootteb. Ag anam dootteb, amge gadon, ag bekkalkad aɗelkad Jerusalem appa daatteb, bekkalkad aɗelkad amu ag banppa mauhkkulag.

Esekiel 6:6

Israel wan ooppa danab ah ag adeppa adeppa daatteb amu, kekeɗ ag heppeg, ahilag aab nauhakib daappeg, kayak hambuppuak dilag mettid lag nakok ele kekeɗ ag heppeg, lag amu nauhna autna aoglag. Nauhppeg, kekeɗ ag heppeg, ag Israel, ahilag qaɗab am nauhna autna aoppeg, kayak hambuppuak dottolkad amu aoɗak daan, nauhak daappeg, kekeɗ ag qaɗab, amuppa danab nug muttuɗig enanu ofa hette amu, kekeɗ ag qaɗab amu loppaɗppeg, nena qena nauhak daaglag. Kekeɗ ag anam henana, ag keeke laa oh ag Israel ag eppelagppa heppig amu, ag amu ele heppeg nauhna autna aoglag.

Esekiel 9:6

Ag danab kaino, danab bau, ah bau, ah okkai, nid naunau ele aqappeg mauhkkulag, amge ag aun aɗi laa ag uɗalagppa at ele amu, ag amu aibnab aib makkuɗadppig. Ag mettid lag dahilppa inam digmeig!” awa aum. Nug anam aum amunu, ag Israel dilag ikki danab, Yawenu lag odppa daappig amu, ag digmena amu tatam aqappig.

Daniel 2:46

Daniel nug tul niiak amunu Nebukatnesar amegppa a, Nebukatnesar nug Daniel binag okkai medakkunu nug noobppa gateg qaun o, gomela iɗu wanppa meum. Nug binag okkai Daniel metta, laa ag nug doɗ laa manan mettaknu, kalu danab ile muttuɗig enanag bette ele aon ilan, Daniel mettaglagnunab mattia aum.

Amos 7:9

Da heppi, Aisak buɗub ag kayak hambuppuak dilag mettid lag nakok bappaidppig ele amu, kekeɗ ag amu oh heppeg nauhkkulag. Ao, lag Israel danab ah ag appa kayak hambuppuak noolagppa dup nona binalag metteb ele amu, kekeɗ ag lag amu oh loppaɗppeg nauhkkulag. Amu da qep elabppa heppi, Israel dilag king Jeroboam buɗub laa sia king amuppa daakkunu ii daama,” awa aum.

Maika 3:12

Ag Jerusalem danab okkai, ag nau amu hetteb, ag nai hambuppuak amu ele maditteb amunu, ag beɗulagppa kekeɗ ag heppeg, Sion am datta wan buuak bia daakku. Ao, kekeɗ ag heppeg, Jerusalem am kinipan ameg okkai hume tak bia daakku. Anam amu, Kayaknu mettid lag, amunu tomppan keeke oh ele qauko nakokppa daatte amu, aben amu oh am ad naunau qataiettak bena, wan tonan daaglag.

Sepanaia 3:6

Amu Yawe Nug atte. “Da wanppan wan kuɗum hei, nauhna autna aoppig daatteb. Ao, da hei, ahilag ban haknu aben ɠagattag ele nauhppig. Da hei, ahilag aab okkainu ib amu, danab ah laa ag appa ii oitteb. Ao, da hei, appa auntai laa ii noa gotte. Ahilkad aab am nauhak daatteb. Danab o ah laa appa bau ii daatte.

Luk 21:24

Geha laala ag qep elabppa mauhkkulag, am laala, ahilkad kekeɗ ag ag diin gona, wan laa ohnu oolagppa maadppeg daaglag. Amu iitta aɗi ag uɗin, Jerusalem aon daana, uug medappeg ukkeb ukkeb, ahilag haen Kayak tituanom ele maleb malakku.

Aposel 6:14

Amu nug mattiaya, inam aawo ig doomut. ‘Jesus, Nasaret ted, geha nug Kayaknu mettid lag imu heeb nauheb, anukka Moses nug kobol ig mekkom amu ele Nug eɗukku,’ awa aum,” aon appig.

Hibru 10:26

Amu ig doyak diig genabib aot doyota, ig dootta hipunin baubau hettem dayeb amu, ⌊ig hetata⌋ ihinig hipunin uhuqaknu mana mettak laa ii anidmata.