Lewitikas 26:3 - Nobonob Baibel

³ Ag ɗo dahil dim lamidna, ag haknunab anak dahil pehettak dabmettan dim lamiɗkkulag dayeb amu,

Lewitikas 26:3 ပူးပေါင်းရင်းမြစ်များ

Nehemaia 1:9

amge ag eɗun, dahilppa dona, dahil haknunab anak dim lamidkkulag dayeb, kekeɗ ag heppeg, ag diia ukka laih me dayak danab ah wan batakppa gona daaglagnu dayeb amu, appanu ele da diiatten uɗien, wan da onil aguppa meppi daakkunu tituanmi ele amu, da aguppa maadppi daaglag.’ Na anam ame.

Eksodas 23:25

Ag daib, da am Yawe, ahilag Kayak, ag daib da noolppa dup nona binal mekkulag dayeb amu, da ag ena itatte, ag ee madakkul, le ele madakkul, amu da ahilag oɗe ele heppi, iitta mekku.

Aisaia 1:19

Ag ⌊dahil nai dim lamidkkulagnu⌋ oolag heeb, da aakkuib oɗel dim lamidkkulag amu, geha ag wanppa ahilag dayak ena ele daanna, ee ena ena dad ahilagppanu aon lanana daaglag.

Aisaia 30:23

⌊Ag amu heppeg,⌋ Yawe Nug heeb, gu nug keeke ag ebappig ele le medakkunu neebeb, ee meu huanak, ittag ele wanppanu aoglag. Haen amuppa ahilag makau ag gikkiɗah dad okkai okkaippa gikkiɗah lanan daaglag.

Jeremaia 11:4

Anukka ag Israel, ag mamelkad aɗi ag Isip wanppa uɗat ɠagattag, eheɗ nau henan daappig. Ag daanna anam heegeg, da ag Isipnu diien, omlatti uɗiegeg, da haknunab nai ag haen amuppa mattami amu, nai amu, nai laa iitta, nai amu aakkuib gemu daatte. Da ami. “Ag da oɗel dim lamidnana, ag dahil haknunab nai oh dim lamidkkulag dayeb amu, ag dahilad danab ah daappeg, da ahilag Kayak daakkul.

Lewitikas 19:25

Anam daya maleb, maɗ tanig eleppa amu, ag ad meu aon lakkulag. Hak anamppa ad diig ag meulkad huana okkulag. Da am Yawe, ahilag Kayak.

Sekaraia 8:12

Am Yawe Nug atte. “Anam amunu, da heppi, Israel danab ah ag aɗi eppaglag am meu okku. Grep muɗi ahilag meu oobob, dad ahilag ele ee meu oobob, gu ele elele nekku. Da Yawe, da Israel danab ah oɗo yaak daatteb, da ag aulag daakkunu ag anam madakkul.

Malakai 3:10

Amu ee elele da laulppa daakkunu amu, Israel danab ah ag, ag keeke obatak eblaih tanig ele ooppanu obatak laippu amu oh aon, da laulnu ee bakkalenu maknu oo, ag oo amuppa keeke amu oh meig! Ag ma anttak meɗan, anam hekkulag dayeb amu, da hab aabppan itittak ena naɗi madakkul. Da huanaknab madappi, meppeg ambeeb, ag dabmettaglagnu aben elele iitta daakku! Ag anam hena anitteg! Da genab meu heppi beeb anidkkulag!” Yawe Nukka Ɠagattag Oh Ele Nug anam atte.

Duteronomi 7:12

Am ag ɗo imu doon dabmattan, tutukku dim lamidkkulag dayeb, Yawe, ahilag Kayak, Nug ag mamelkad aɗi dilagppa hekkunu nuhig nai ɠagattag qetta aum, amubia Nug he, Nug ag ele nug tituanna nai qagappig amu, Nug ahilagnu oo mauhaknab dookkunu nug tituana nai qakkak nuhig amu aɗa daakku.

Revelesen 22:14

Danab nug nuhig lamen iha oppiaawak daatte bia, aun aɗi ag Jesus tiigppa oppiaawak daatteb, amu diig amunu ag aab okkainu od oɗeppa wana, aabppa nona, ad bauklelnu meu lakkulagnu elele daatteb amu, ag itittak ena aoppig daatteb.