Lewitikas 26:22 - Nobonob Baibel

²² Da heppi, doɗ dakkuɗ ag nid naunau ahilkad aqadna, ahilkad makau ele heppeg nauhppeg, doɗ dakkuɗ ag heppeg, ag Israel danab ah, ag ahilag ebqak honap dayeb, ag ippulagppa danab laa ii oima.

Lewitikas 26:22 ပူးပေါင်းရင်းမြစ်များ

2 King 17:25

Aria, danab ah huu bau uɗippig amu, ag Yawe noobppa dup nona binag ii meppig amunu, Yawe Nug he, laion uɗin, laala aqaeg mauhppig.

2 King 2:24

Ag amu heegeg, Elisa nug eɗua neekkattatta, Yawe onigppa ag eheɗ laa awaknu anak waappa daaglagnu aum. Aria, pahanab bea aɗit atu ooppanu beya goya, nid oolagppanu nid 42 amu oh guittak okkai madapiɗ.

2 Stori 15:5

Haen Israel ag Kayak ele ouqak ii daappig, haen amuppa Israel wanppa, wan laa Israel talilidppigppa ele, danab ah ag toettan, maɗoɗ ele ii daappig amunu, laa nug aha, laih laih gokkunu elele iitta. Iitta. Laih ukkaknu am baɗak dayom.

Aisaia 24:6

Ag anam heppig amunu, eheɗ laa awaknu anak waappa dayaknu nai wan imu tone, wan aakku nauhtte. Danab ah ameg naɗi oh ag ahilag eheɗ haknu nob nau maoglagoitte. Ao, diig amunu wan imuppan danab ah oh ag aab keeke ewe iitta mette bia padal mena, danab ah ameg nakokib daaglag

Aisaia 33:8

Ibppa danab laa ii oitteb. Ao, ibppa danab ah laa ii oitteb. Danab ag lailkad ele maɗoɗ daaglagnu nug tituanna nai qagatteb amu, ag nai amu tappaeg ne, hamu bia dootteb. Laa ag nai amu ɠagattag qettaglagnu daappig ele amu, laa ag amu dilagnu ena iinab dootteb. Laa nug layagnu, “Danab ena elele,” ii dootte.

Jeremaia 15:3

Amu Yawe Nug atte. “Da heppi, kekeɗ nau waɗele ag Juda danab ah, ahilagppa bekkulag. Laa am ban haenppa kekeɗ ag qep elabppa aqappeg mauhkkulag. Laa am qai ag laa gaɗalag eeɗadna, laih gokkulag. Laa am ai ag uɗin, gaɗalag lakkulag. Amu laa am doɗ dakkuɗ ag ag gaɗalag qai, ai ele ii lappig ele, ag lakkulag.

Jeremaia 42:2

Ag nug gumidna tena, nug amegppa appig. “Ig keeke laanu oɗ medapput, na ihinig oɗmak dookkutnu oɗ medattem. Na Yawe, nahip Kayak, na Nug unuqidppe, Nug ig Juda danab ah oɗo yaak daattem, Nug ig ehanikkeb, ig ena daagnignu oɗ medattem. Aɗinu? Ig Juda ig anukka kuɗumnab daamut, amge gemu na anidttem imu, ig laib laibib daattem.

Gayak Nai 1:4

Hobul dayaknu haen epeɗiakppa amu, gemu laa nug Sion ta, hobulppa ii daatte; amunu ib oh Sion tetteb ele, ib amu danab daalob, ag mahiak okkai helob. Jerusalem ooppa ukkaknu aɗ od ohppa gemu danab ah doa wanak ii hetteb. Aben amuppa danab laa ii daatte. Juda dilag mana mettak danab ag aiqakkanna daatteb; ah makkun ag mahitteb. Juda danab ah oh ag danab ooppa kahipan toɗe, mauhak bia dootte, amubia ag uug naunab dootteb.

Esekiel 14:15

Amu Naɗi Yawe, Nug atte. “Anamtai bekku, o wan amuppan danab ah eheɗ anam heppeg, da heppi, doɗ dakkuɗ nau ag wan amuppa oinna, danab, ah, nid ele aqappeg iitta meppeg, wan amu hele-ettak dayebeb, doɗ ag kuɗum daaglag amunu, danab laa nug wan amu tom laihnu ukka, tom laappa gokkunu elele iitta daakku dayeb amu,

Esekiel 14:21

Aɗinu? Naɗi Yawe Nug inam atte. “Bu mettak nau waɗele amu oolagppa laippu bekku dayeb am uug nau ele, amge da heppi, waɗele amu oh Israel danab ah aqadkku amu, amuam uug naunab nau. Bu mettak waɗele amuam ban, enug, doɗ nau, oɗe nau danab kuɗum aqe mauhtteb ele. Da heppi, bu mettak waɗele amu oh Israel danab ah, ahilkad doɗ ele ag mauhkkulagnu aqaglag.

Esekiel 33:28

Da heppi, wan imuam hele-ettak, wan meu waknu nakokib elele, am anam daakku, appa keeke laa ii daama. Israelnu ɠagattag iitta meeb, Israelnu qauko am hele-ettak, wan meu waknu nakokib elele daappeg, danab ag qaukoppa tena, letan, laih gokkulagnu ii hemana.

Esekiel 5:17

Da heppi, enug haen beeb, doɗ dakkuɗ ele ag aqadppeppeg, diig aɗit amuppa nid naunau ahilkad mauhppeg, ag nid iitta ele daaglag. Oɗe nau danab kuɗum aqe mauhtteb ele, aria layag qe mauhak kobol ele ahilagppa beeb, kekeɗ ele ag uɗin aqadkkulag. Keeke nau amu oh da heppi, ahilagppa beeb, ag nauhkkulag. Da Yawe, da aakku attem.” Yawe Nug anam aum.

Lewitikas 26:6

Da geha wan amuppa, ag maɗoɗ madappi, ag baɗak iitta ele daaglagnu elele daaglag. Laa heeb, ag ii baɗamna. Da geha doɗ dakkuɗ ahilag wanppan lamadppi goppeg, kekeɗ eheɗ hattamnanu atognoadkkul.

Maika 3:12

Ag Jerusalem danab okkai, ag nau amu hetteb, ag nai hambuppuak amu ele maditteb amunu, ag beɗulagppa kekeɗ ag heppeg, Sion am datta wan buuak bia daakku. Ao, kekeɗ ag heppeg, Jerusalem am kinipan ameg okkai hume tak bia daakku. Anam amu, Kayaknu mettid lag, amunu tomppan keeke oh ele qauko nakokppa daatte amu, aben amu oh am ad naunau qataiettak bena, wan tonan daaglag.

Sekaraia 7:14

Da hei, ag wanppan wan uma, ulah kilibob he, keeke tamtam laih laih gona daatteb bia daappig. Da hei, ag gona appa daanna, ag aab diig danab iitta wan amuppa daappig. Hak ahilagppa ag heeg, wan ahilag am hele-etta auta autanab awom. Danab ah ag wan amuppa ii oippig. Israel danab ah ag heeg, ahilag wan enanag, ee meu huanak oum ele amu, wan amuam hele-ettak dayom.” Yawe Nug anam atte.

Duteronomi 32:24

Da heppi, eenu tutunab meeb, enug haen okkai dayeb, ag ebehilkad tekku. Da heppi, beɗu gakkaɗak nau oɗe dayebeb, oɗe nau danab kuɗum aqe mauhtteb ele bekku. Da heppi, doɗ dakkuɗ ag aqaglag. Da heppi, mat nau wan gappudppa oitteb ele emaladkkulag.

Ikki Danab 5:6

Anat bekka Samgar haenppa, Ao, nug Jael ele, ahilah haenppa amu, danab ah ag ib man okkaippa ii oidppig. Ge, danab ag oiglagnu amu, ag ib naunauppa godappig.