Lewitikas 26:20 - Nobonob Baibel

²⁰ Ahilag uɗat oh am hamu; ahilag wan heeb, ee meu ii oma, ad ele meu ii oma.

Lewitikas 26:20 ပူးပေါင်းရင်းမြစ်များ

Genesis 4:12

Aria, haen na dad uɗat hekkut amu, keeke oh ena ii bemana. Laa ele, na aben laippuppaib ii daamna. Na qati qati oikkut,” awa aum.

1 King 18:2

Nug anam aum amunu, Elaiya nug ukka, Ahap anidkkunu gumitta ukkom. Am haen amuppa Israel wanppa enug haen nau dayeye, Samaria appa ag ahilag ee am tutunab me,

Job 31:40

wit dahil wanppa ii beeb, keeke qaun ele belo am elele, am tutukku. Ge, bali wan dahilppa ii beeb, uudib belob am elele, am tutukku.” Job nug nai amu mattia mala, nug aakku nai baula laikkud danab ewam amelagppa ii mattiom. Nug oɗe qamutom.

Sam 127:1

Yawe Nug auntai laa lag hekkunu hette ele, Nug nug ii ehanidkku dayeb, laa amu nug amu hekkunu elele iitta. Amu Yawe Nug aab okkai ii atognokku amu, aɗi uɗitte anittak danab, ag atognobeppeg, ena daakkunu daatteb amu, ag amu hekkulagnu elele iitta.

Aisaia 17:10

Aɗinu? Ag ⌊Juda, ag⌋ Kayak ahilag, Nug ag ehanatte, ag padal ii metteb ele amu, ag Nug daulag atiom. Ao, ag ahilag Kayak, Nug kekeɗ aqamanu ehanattak ahilag, Nug am aab aɗ ɠagattagnab ele ahilag bia daatte amu, ag Nug dab-ii-metteb. Anam amunu, ag muɗi grep ena ena aon eppaglagtai. Ao, ag grep aben laihnu aon eppaglagtai. Ag buttua eppelagppa eppan heppeg, qaɗu buttua amuppaib belo. Ao, deɗ amuppa buttua ag eppan heppeg, haɗag ele qelo. Ag anam heppeg belo, amge meu awak haenppa keeke amu oh am keeke hamu. Ag grep meu laa ii aomna. Iitta. Ag meu diig aɗit laa, meu amuam oɗe digdig, amu guittak ii bodoedatte ele, ag meu amu aakkuib aoglag.

Aisaia 49:4

Amge da ami. “Da uɗat hemi amu, amuppa aɗitai laa ena ii beum. Yo, da uɗat hei, dahil ɠagattag iitta meum, amge uɗat amu oh hamu ukkom. Anam daatte, amge uɗat da hemi, amuppa da nob ena aokkulnu daatte, amuam Yawe eppegppa daatte. Yo, da uɗat hemi, amuppa nob aokkul ele amu, amuam Kayak toppa daatte.”

Jeremaia 12:13

Danab ah ag wit aeg eppaglag, amge uud keeke qaun ele bekkulag. Ag uɗat huanak hekkulag, amge meu ena nakok laa ii aomna. Da, Yawe, da ool huana nauhtte, diig amunu Juda ag ee meu ena ii aomna.” Yawe Nug anam awa atte.

Hosea 2:11

Da geha heppi, nug qagmak gamag ahak ele laa ii hema; amuam maɗ anen anennu qagmak gamag ahak ele oh, kalam baunu qagmak gamag ahak ele, Sabat deɗnu ele. Amu oh am hobul dayaknu haen epeɗiak aakku. Ao, geha nug hobul oh, da nug hekkunu tituanmi amu, da heppi, nug ii hema.

Lewitikas 26:4

da geha gu nekkunu haen nuhigppa meppi nokku. Geha wan nug ee heeb beeb, ad ag meu oadkkulag.

Habakuk 2:13

Yawe Nukka Ɠagattag Oh Ele Nug dabmak awe ɠagattag eppe, inam dabmette. “Wanppan danab ah dilag uɗat okkai am hamu iite iitta mema. Ao, wanppan wannu danab uɗat naɗi okkai hetteb, amge uɗat amu ohnu meu am hamu iite iitta mema?”

Hagai 2:16

Haen amuppa danab laa ukka, ee aeg mumuɗaknu 40 kilogram aokkunu dabmeum, amge 20 kilogram aakkuib awom. O danab nug grep meu tabappa, 50 lita wain aokkunu dabmeum, amge 20 lita aakkuib awom.

1 Korint 3:6

Da ee aeg eppai, Apolos nug le mettom, amge Kayak Nug he, ee amu beum.

Galesia 4:11

Ag anam hetteb amunu, da ahilagnu uɗat okkai hemi ele, da amunu, “Da hamutai kakidmi,” ainne, baɗe daattem.

Duteronomi 11:17

⌊Ag amu hekkulag dayeb amu,⌋ Yawe Nug ahilagnu oo nauhak okkainab dookku. Nug heeb, gu ii nema. Ag ee meu laa iinab aomna. Anam heeb, ag laippun wan amuppa, Yawe Nug ag madatte amu, ag amuppa mauhkkulag.

Duteronomi 28:18

Ag nid kuɗum iitta, amu ahilkad dad ele nauhak daaglagnu, ag eheɗ laa awaknu anak amu waappa daaglag. Ahilag makau, sipsip ele ii menuglagnu, ag eheɗ laa awaknu anak amu waappa daaglag.

Duteronomi 28:42

Tap-lokus huanaknab geha ahilag ad, amu keh ele hadappeg nauhkkulag.

Duteronomi 32:22

Aɗinu? Da oppoɗil bette, amu oppoɗi bak dahil amu aab aɗu bia keeke oh unuqagnu ewa, qaɗeppa tette, amubia bette. Ao, am wan etetuab ewadkku, qauko diig unuqag ukku ele ewadkku.