Lewitikas 26:16 - Nobonob Baibel

¹⁶ da geha ag bu madakkul. Da heppi, ahilagppa baɗak eheɗ nau laippun ahatte amu, ahilagppa bekku. Oɗe, danab beɗu he nauhtte, amu geha ag aqakku. Am geha beɗu gakkaɗak nau, danab ameg he nauhtte, am danab qe, nug qinonob mauhtte, beɗu gakkaɗak amu ag aqakku. Ag ee eppaglag, amge ag hamu hekkulag. Aɗinu? Kekeɗ ag uɗin, aon lakkulag.

Lewitikas 26:16 ပူးပေါင်းရင်းမြစ်များ

1 King 8:37

Aria, ihinig wanppa enug haen naɗi laa bekku dayeb, o oɗe nau danab kuɗum aqe mauhtteb ele laa bekku dayeb, o dattanu ee heeb nauhkkunu oɗe nau diig laala bekku dayeb, o tap-lokus kuɗum huanak uɗin, ag ee oh lappeg, ee laa ii daakku dayeb, o kekeɗ ag uɗin, ihinkad aab atten oo mattan aqaknu maadna daaglag dayeb, o oɗe nau atten, o uug naunab mettak attem bena heppeg, ig nauhkkunig dayeb amu,

Job 18:11

Baɗak eheɗ nau nuhigppa baaba daatte; nug adeppa adeppa gotte, baɗaknu keeke beegeg, nug baɗaɗa oitte.

Job 20:25

Lat doɗo amuam danab amu gome qeeb, hiɗakku. Ge, aeg amuam nug gamag yeeb hiɗakku. Nug hiɗakku, amge nug yom doya, eheɗ nau baɗa mauhkku.

Job 31:8

laa ag uɗin, ee da eppami ele amu, ag aon lalob am elele, am tutukku. Ge, laa ag uɗin, ee da eppami ele, ag hiɗalob am elele, am tutukku.

Sam 109:6

⌊Da nai imu kekeɗ dahil tonadkkunu Yawe amegppa ami.⌋ “Na nau hak danab otippe, nug kekeɗ dahil epeɗidkkunu oɗ medattem. Ao, na uuidppe, naippa yaaittak danab laa nug hettoɗiakppa mekkunu unuqidttem.

Sam 73:19

Ag oiyegeg, na hee, haen amuppa laippun, pahanab ag nena qena nauhtteb. Ao, na hee, uug nau be, ag baɗak eheɗ nau doon, iitta metteb.

Sam 78:33

Ag oolagppa genab dooglagnu uuppig amunu, Nug he, ag keeke ena ena ag aon, ahilag daakkunu Nug maittak awom amu, ag amu ii aon mauhppig. Ao, Kayak Nug he, ag huana hahaɗnana, eheɗ nau baɗana, ag mauhppig.

Eksodas 15:26

Nug ag amelagppa aum. “Ag da Yawe, ahilag Kayak, ag dahil nai oh tutukku ena doonna, dim lamidkkulag dayeb, ag dahil haknunab anak, ɗo dahil oh ele dabmenana, amu oh dim lamidkkulag dayeb, da oɗe nau digdig Isip danab ah matte, eheɗ nau hattami bia ii hepa. Aɗinu? Da dakka am Yawe, ahilag Kayak; daib aakku ahilag oɗe amu hei, ag eɗun ena daatteb,” awa aum.

Prowerb 3:33

Yawe Nug nau hak danab, nug baekkudppan ele, ag eheɗ laa awaknu anak waappa daaglagnu atte, amge Nug genab tutukku hak danab, nug baekkudppan ele, Nug ag itittak ena madatte.

Aisaia 10:4

Ag am keeke laa hekkulagnu ib iittanab iitta. Geha kekeɗ ag ag aqaglag, o iitta ag aɗualadppeg, ag ag eppelagppa daaglag. Anam, amge amuppa Yawe Nug nuhig oo nauhak am iinab bodoettama. Iitta. Nug ⌊bu tuɗitta madakkunu⌋ eppeg huma daakku.

Aisaia 62:8

Yawe Nug nuhig ɠagattagppa nuhig nai ɠagattag qetta, Juda danab ah amelagppa inam aum. “Da heppi, ahilag kekeɗ ag baula uɗin, ahilag ee aeg ii lamana. Ge, da heppi, wan laihnu danab ag baula uɗin wain bau, ag amu aoglagnu uɗat okkai heppig amu, ag baula uɗin, amu ii lamana.

Aisaia 7:2

⌊Amu king aɗit amu aa qagmeeh, haen amuppa⌋ laa Juda dilag king Ahas, nuhikkudppan ele nai laa aeg dooppig. Amu ag inam appig. “Aram ban danab ag Israel ele oh qagmeppig,” aon appig. Ahas nug nai amu doye, nug, nuhikkud danab ah ele ag baɗan, eheɗ hahaɗppig.

Jeremaia 12:13

Danab ah ag wit aeg eppaglag, amge uud keeke qaun ele bekkulag. Ag uɗat huanak hekkulag, amge meu ena nakok laa ii aomna. Da, Yawe, da ool huana nauhtte, diig amunu Juda ag ee meu ena ii aomna.” Yawe Nug anam awa atte.

Jeremaia 15:3

Amu Yawe Nug atte. “Da heppi, kekeɗ nau waɗele ag Juda danab ah, ahilagppa bekkulag. Laa am ban haenppa kekeɗ ag qep elabppa aqappeg mauhkkulag. Laa am qai ag laa gaɗalag eeɗadna, laih gokkulag. Laa am ai ag uɗin, gaɗalag lakkulag. Amu laa am doɗ dakkuɗ ag ag gaɗalag qai, ai ele ii lappig ele, ag lakkulag.

Jeremaia 15:8

Kekeɗ ag danab kuɗum aqadppeg, ah qab huanak, kuɗumnab, abuɗ yu ihippa daatte, amu eɗittak daaglag. Kekeɗ ag danab ah keeke amunu ii dabmetteb haenppa, ag nid bau, ag anilkad ele aqadkkulagnu pahanab ahaglag. Ge, da heppi, baɗak eheɗ nau ele, guittak okkainab ele pahanab nid bau, ag anilkad ele dilagppa uɗiglah.

Jeremaia 20:4

Aɗinu na onin anam daakku? Yawe Nug amunu inam atte. ‘Da heppi, na eheɗ nau baɗanna oippe, na laipad ele ag eheɗ nau baɗan oiglag. Na amenppanab na laipad ag kekeɗ dilag qep elabppa mauhppeppeg anidkkut. Da Juda danab ah oh Babilon dilag king eppegppa maadppi, nug ag diia, Babilon gokku, o iitta nug qep elabppa aqeb mauhkkulag.

Jeremaia 5:17

Wan amuppan danab ag uɗin, datta ee ahilag, ma lakka mak ele lae nekkulag. Ao, ahilag makau, sipsip ele ag aqan lae nekkulag. Ag ahilag grep meu, wain, ad fig meu ele ag lae nekkulag. Ge, ag ahilkad nid, nid ahin ele aqaglag. Ag Israel, ag aab ɠagattag aɗ ele ooppa daan, ‘Ippa ig enaib daagnig,’ atteb, amge kekeɗ amu ag uɗin qep elabppa heppeg, aab amu oh nauhkkulag.

Esekiel 24:23

Ag igippan lamen ii uɗamna, baeg gaɗa ele ii uɗamna. Ag mahiak, gayak ele ii hemana. Ag amu oh ii hemana, amge ag hipunin heppig amunu, ag ebehilag teeb, ag baalagppaib qinonob aiqakkak hekkulag.’ ” Yawe Nug anam aum.

Esekiel 33:10

Aria, Yawe Nug anam awowa, Nug nai tuɗitta aum. “Danab bekka, na Israel danab ah amelagppa inam appe doyeg! ‘O Israel danab ah, ag inam atteb. “Ihinig hipunin, ihinig eheɗ hak kobol ele uug nau megatteb amunu, ig ebehinig tette. Ig ib attenppa eɗut bau daagnig?” aon atteb.’

Amos 5:11

Ag daɗek danab keeke ebappig ele, ag attem attem ebappignu takis mekkulagnu heeg mattaeg; ag ee aeg awak dimppa ele takis amunu laa ele aotteb. Ag danab eheɗ amu hetteb ele, ag anam hetteb amunu, ag laulkad ena ena, men otaɗa babaittak eleppa hadappig amu, ag lag amuppa ii daamna. Ao, grep dad ag eppaladppig amu, ag amuppanu wain ii lamana.

Maika 6:15

Ag keeke eppaglag, amge ag meu ii aomna. Ag olip meu tappaglag, amge ag goɗen laa aon, beɗulagppa ii laidmana. Ag grep meu titiglag, amge ag wain aon, ii lamana.

Hagai 1:6

Ag keeke kuɗum ebatteb, amge ag keeke nakokib eɗun aotteb. Ag ee latteb, amge ag oolag ii aɗatte. Ag le latteb, amge ag oolag ii diditte. Ag beɗulagppa lamen metteb, amge ag oug dootteb. Ag men doɗonu uɗat hetteb, amge ag men doɗo aon, ag bek battam giɗo eleppa inatteb bia hetteb,” awa atte.

Sekaraia 14:12

Amu wanppanu wan attennu daup ag Jerusalem banelag uɗiglag amu, Yawe Nug heeb, oɗe nau danab kuɗum aqe mauhtteb ele ag aqadkku. Amuam ag hippaidna daappeg, ag teppulag beɗakku. Ag hippaidna daappeg, ag amelag ikkilagppa dayaya, beɗakku. Ag hippaidna daappeg, ag lemaɗulag ag oɗelagppa dayaya, beɗakku.

Malakai 2:3

Ag eheɗ henan oitteb amunu, da ahilag hak nau amu dabmein, da diig amunu ag buɗulkad daulag batakkul. Da ag mana mettak danab, ag qagmak gamag ahak ele haenppa doɗ main, da meɗatteb ele, da doɗ amunu biig awen, ag iɗulagppa meppi, laa ag ahilagnu kinipan, dubuttid nau ele bia dooglag.

Duteronomi 28:51

Wan amuppan ban danab ag doɗ manan nalkad, ee ele oh lappeg, ag Israel, ag geha enug aqeb mauhkkulag. Ag ee aeg, wain bau, olip goɗen, makau nag laa, sipsip nag laa ele iinab uuppeg daakku amunu, ag nauhkkulag.

Duteronomi 32:25

Dimittim amu, ahilkad kekeɗ ag qep elabppa aqaglag. Ag laulkadppa daanna, ag eheɗ nau baɗaglag. Danab bau, ah bau ele ag mauhkkulag. Ao, nid yuɗ, kaino ele oh ag mauhkkulag.

Hibru 10:31

Amu danab laa nug hipunin nuhignu, Kayak bauklel ele eppegppa epeɗiak aokkunu gokkunu am keeke hamu iitta. Keeke amuam keeke baɗak, uug naunab ele.

Ikki Danab 6:11

Yawe Nug propet oɗeppa Israel danab ah anam amelagppa ana male, Kayaknu engel nug na, Opra aabppa ad ok waappa heɗep na dayom. Ad amuam Joasnu. Joas nug am Abieser buɗubppan danab laa. Midian danab ag nug anidmananu, Joas bekka Gideon nug grep meu tappa leppu awaknu abenppa wit mumuɗaɗa dayom.

1 Samuel 2:33

Amu na buɗunppan danab aun laa da uuppi, nug mana mettak danab daakku amu, nug uug huanaknab, oo doyak okkainab ele doyaya oiyebeb, ameg leb ele nekku. Amu na buɗunppan danab laa nug kaino mewowa ii mauhma; nug paha mauhkku.