Lewitikas 26:13 - Nobonob Baibel

¹³ Da am Yawe, ahilag Kayak. Am ag tuɗidna, Isip dilag begbeg maɗi nid daamnanu, da ag Isipnu diie, omalatti uɗippig. Da hei, ag Isip dilag maɗi nid maɗi ah ele baula ii daatteb; ag gemu hamu, danab laa waappa ii daan, uɗa nak iitta ele oitteb.

Lewitikas 26:13 ပူးပေါင်းရင်းမြစ်များ

Sam 116:16

O Yawe, imuam genabnab, da am nahip maɗi nid laa. Ao, da am nahip maɗi nid. Da am ah laa nahip uɗat heum ele amu, da nug bekka. Na da keeke nau hippaliɗeg daami, na amuppan uhuqiɗe, ena daattem.

Eksodas 14:8

Yawe Nug he, Isip dilag king Paronu dabmak ɠagattag eppe, Israel ag baɗak iitta ele ukkaegeg, Paro nug nuhikkud daup ele ag dim lamadna goppig.

Eksodas 20:2

“Da am Yawe, ahilag Kayak. Da ag Isip, ag appa begbeg maɗi nid daaegeg, da appanu diie, omalatti uɗippig.

Eksodas 6:7

Da geha heppi, ag am dahilad danab ah daappeg, da ahilag Kayak daakkul. Haen amuppa amu, ag da am Yawe, da ag Isip appa maɗi nid maɗi ah ele daappig, da amuppanu uhuqatti, ag hamu, ena daatteb dooglag.

Aisaia 51:23

Da kap wain nau ele, amuam ag Israel, ahilag bu mattak ippunigtte amu, da kap amu ahilag kekeɗ eppelagppa memi. Kekeɗ amu ag guittak nau madappig. Ag ag amelagppa, ‘Ig ag beɗulag qaɗeppa ib mattata oignignu amu, ag wanppa niieg!’ appig. Ag heeg, ag Juda ag wanppa niin, gomelag matteg, wan bia dayeye, ag aguppa tappan goppig. Ao, ag heeg, ag Juda ag wanppa niin, ag beɗulag mattaeg ib bia dayeye, ag aguppa oippig,” awa atte.

Aisaia 9:3

O Kayak, na heppe, nahipad danab ah ag huan apatkkulag. Ao, na heppe, ag gamalag huan ahakku. Ahilag gamag ahak amu, ag na noomppa na ippunidkkulag. Ao, datta ee oɗuom awak haenppa danab ah ag aonna, gamalag ahehe aotteb, ag amubia hekkulag. O iitta ban danab ag ban hena, ag ban eɗittona, keeke ag aoppig am otin aona, gamalag ahatte, amubia ag gamalag ahakku.

Jeremaia 2:20

Amu Yawe Nug atte. “Anukkanab ag dahil nai, dahil ɗo ele dimettan autna aoppig; ag makau, o danab, nug muɗi o aɗi keekeppa qakkak daatte ele, nug keeke amu he nauhtte, amubia ag heppig. Ag amu henana, ag da amelppa appig. ‘Ig na waatppa iinab daamta,’ aon appig. Ge, ag amu henana, ag qauko nakok ohppa, ad okkai eppelkad bahia ukkak ele oh waalkadppa ele, ag kobol nau heppig; ag ib baag ah danab eeɗadtte, nug ele niitteb, kobol nuhig amubia ag heppig.

Jeremaia 28:2

“Yawe Nukka Ɠagattag Oh Ele, Israel dilag Kayak, Nug inam atte. ‘Da heppi, ag Juda ag Babilon dilag king waappa ii daamna, ag tuɗidna nug oɗe ii dim lamidmana; danab nug makau laa doɗnu duugppan tuqai he qiie, makau hamu oitte, amubia da hekkul.

Jeremaia 28:4

Da amu hekkul, amge ele da heppi, Jehoiakim bekka Jehoiakin, Juda dilag king, amu Juda danab ah laa oh ele Babilon appa diia ukka laih me dayak danab ah daatteb amu, ag ele eɗun uɗiglag. Amuam genab bekkunu diig am, da heppi, ag Juda, ag Babilon waappa ii daamna.’ Yawe Nug anam awa atte,” awa aum.

Esekiel 30:18

Isip danab ah, ag dada kobol henan oitteb, amge deɗ amuppa da heppi, aab Tapanesppa gatatu neeb, Isipnu ɠagattag am iitta mekku. Da heppi, bud Isip wan tonebeb, kekeɗ ag heppeg, danab ah aab naunauppanu ag wan laalappa diia ukka laih me dayak danab ah daaglagnu gokkulag.

Esekiel 34:27

Ahilkad ad dad okkaippa daatteb meu elele okkulag; ee wanppa betteb ele meu elele okkulag. Danab ah ag baɗak iittappa ahilag wanppa daaglag. Da amu heine, da ag laa eppelagppanu, ahilag begbeg maɗi nid baula daamnanu diiadkkul amu, ag dooglag, da am Yawe.

Hosea 11:4

Da ahilagnu oo bodoettak doyak kobolppa hein; da ahilagnu oo mauhak ele doomi. Da ag kobol nau waappa daamnanu diiatti, dahilppa uɗippig; danab nug nuhig nid bahi qette bia, da ag ena daaglagnu ehanadmi.

Lewitikas 25:38

Da am Yawe, ahilag Kayak. Da ag Isipnu diie, omalatti, Kanan wan madakkulnu uɗippig. Da ag Isipnu, ahilag Kayak daakkulnu diimi.

Lewitikas 25:42

Aɗinu? Israel danab ah amu, ag dahil maɗi nid maɗi ah ele daatteb. Da ag Isipnu diie uɗimi. Ag ag laa dilag begbeg maɗi nid daaglagnu, ag maadppeg iinab daden maadkkulagoitte.

Lewitikas 25:55

Aɗinu? Israel danab ah ag dahil maɗi nid maɗi ah ele daatteb, da ag Isip wanppanu diie uɗimi. Da am Yawe ahilag Kayak.

Nahum 1:13

Gemu ag Asiria waappa daan oitteb, amuam makau aɗit doɗnu duugppan tuqai qakkalatakppa uɗat heeheh, laa nug doɗnu duugppan tuqai qiia awe, makau aa hamu, uɗat ii heyaya oittep, amubia da heppi, ag Asiria dilag eheɗ hattak waappa ii daamna. Ao, da danab nug eppeg, baeg ele hippalak daatte, laa nug sen pakkua mette, nug hippalak ii daatte, amubia da heppi, ag Asiria dilag hippalakppa ii daamna.” Yawe Nug anam awa atte.